الأحد، 11 أكتوبر 2009

يا ترى الحب ليه مش حاسينه

مش عارفه ليه مفتقده معانى كتيره قوى فى حياتى مفتقداها
مش حب .. انا اكتشفت ان الحب ده وهم .. واحاسيسه اللى عندى مش موجوده عند حد
ممكن يكون العيب فياااا ... بس فعلا انا مش محتاجه حب ( المتعارف عليه فى حياة الناس )
الحب عندى احساس مش كلام وهمسات ولمسات وخلافه
نفسى الناس تفهم ان الحب ده شئ محسوس مش ملموس عشان كده كلنا بنتمنى نملكه وبنفضل عايشينه
لأننا لو لمسناه هنفتقد حس الشوق واللهفه
الرحمة والحنان والامان = الاستقرار والايمان بالاخر والثقه فى النفس
انا محتاجه عيون وقلوب رحيمه ... مش حب اليومين دول
ممكن اكون محتاجه معامله خاصه ... مش يعرف يتعامل معايا بيها غيراقوى الناس حس
نفسى الحب يبقى بينى وبين كل الناس معامله موحده
يبقى القانون فى حياتى مع اى حد عاملنى زى ما بعاملك
هعاملك كويس عاملينى كويس
هعاملك وحش عاملينى وحش
وانا متأكده لوالناس اتعاملت معايا بالمبدأ ده مش عمرى هحس بنكد
او زعل .. او اثاره .. او غضب
انا حاليا مش عندى اى مشاكل فى حياتى
بس تقريبا صراع نفسى جوايا
باحتياجات فى رفقاء العمر
اخ اب صديق حبيب

الثلاثاء، 15 سبتمبر 2009

عاهرات ..ببلاش .. سلعه علمانيه


السلام عليكم ورحمة الله وبركاته


انا قلت ابدأ بتحية الاسلام بدال ما تبقى اول القصيده ......

المهم انا طبعا كنت عايزه اتجاهل الخبر بتاع الاغشية الصينيه

لكن طبعا لقيت صيته وصل للعامه ... والجهال اللى بينتقد واللى بيعجب بالصين

طبعا انا كشخص مسلم . بالغ . عاقل . مكلف لدى القدرة على التفكير وعقل الامور

وسأحاسب على رد فعلى .. بقول حد الله الصين دى بتفهم

ناس قدروا يفهموا دماغ الشعب المصرى

طبعا دراسة عادات وتقاليد البلاد

والفكر السائد .. والصناعات اللازمة لشعب زى ده

من اول لعب الاطفال .... لحد الاغشية

بجد بلد تستاهل انى اشيد بيها

وبحكامها .................

دى عن اعجابى بالصين كبلد

ناس بيعملوا دراسة لحياة البراغيت عشان يعرفوا يبيدوها ازاى

عندهم دماغ تفكر .. ماشيين فى نظام .. مظبطين سوق العمل

مفيش بطاله.. ناس تعمل دراسة جدوى وناس تنتج

خليه متكامله .. مش نسيوا حياتهم وعبدوا رغيف العيش

لكن نيجى لبلدنا ......

ايه اللى وصلنا لكده ؟؟

ايه اللى وصل مجتمعنا للإنحلال والانحطاط الخلقى

ايه اللى خلا بلد زى الصين اللى فيها اكبر نسبة دعاره واغتصاب

تفكر تعمل كده لمصر

ما هما المصريين اللى عملوا كده

غياب الدين .. غياب الضمير الدينى

لما تيجى واحده من اللى ربنا يلعنهم وحق فيها قول رسولنا الكريم صلى الله عليه وسلم (العنوهن فهن ملعونات)

تقولك : (ادى المنتج الصينى اللى جه للمصريين المتخلفين اللى عندهم شرف البنت حتة قماشة على راسها ونقطتين دم . اهى الصين جت حلت المشكله وجابت نقطتين الدم ) ومصريه .. وتحمل فى البطاقه مسلمة

بدون ادنى حياء .... صار الجميع يتكلم فى الاعراض .. والشرف

نسيوا خلق الدين .... اذا كان فعلوا الرذيله فى الشارع ... هيتكسفوا من الخوض فى اشياء زى دى

مجتمع قذر .....

مين القدوه .. وزير ثقافه يدعوا للانحلال

ولا اعلاميين منحلين اباحيين .. واحده تدعى ربنا عالملأ تقوله يا رب ما تكتب عليا البس الحجاب ابدا

ولا الافلام الهابطه القذره .... اللى تصويرها كله تقريبا فى اوض النوم ...

والعراء ... والاقذر قلة نخوة الممثلين والمخرجين

يبقى مخرج ومراته بتمثل فى الفلم ويقول للبطل عايزك تبوس بضمير

فين امة محمد .؟؟؟


فين النخوة ؟؟ فين الاسلام ؟؟ وتعاليمه

فين دور الازهر ؟؟؟؟؟؟؟؟؟

نيجى نقول يا دين

يطلعلك فئة قذره من اقذر عباد ربنا .... يقولولك دينى خاص بيا محدش له دخل فيه

وانا عارف اللى بينى وبين ربنا

طب استتر بمعصيتك ... مش عالملأ وتشيع الفاحشه بين الناس


عايزين مصر بعد ما اتملت بالقاذورات دى وبقت معظمها عبارة عن سلة زباله

نبقى مش محتاجين اغشية ؟؟؟؟؟؟؟؟؟؟

لما تبقى معظم فكر الناس .... الدين ده لفئة معينه موش انا اللى اقول حرام ومش حرام

بس انتى عارفه الغلط والصح ... وبعدين الحلال بين والحرام بين

وانا بقا بقول شرف البنت فى نقطتين الدم دول

وبأكد وهخلع برقع الحيا واخوض بس بالصح وكلام يحاسبنى عليه ربنا


انا لو اخويا اتجوز بنت ومكنش فى نقطتين دم انا اول واحده هقف واقوله طلقهاااااااااااااااااااااااا

عشان متوسخش شرف عيلتنا

مهو بالعقل كده انتى شايفه الشرف مش بنقطتين دم يا هانم يا اللى بتتكلمى عن الشرف

حافظى على نفسك واقطعى لسان اى حد .... وخليكى بشرفك لحد ما تتجوزى

لو مفيش نقطتين دم ... يبقى فى تجارب قبل كده

تبقى شريفه ازاى يا بنت الناس يا محترمه

انا عندى مجوزش اخويا لبنت ناس ومحترمه ومعندهاش نقطتين دم

واجوزه لواحده اغتصبت ومعندهاش نقطتين دم ... بس خسرتهم بشرف

ده الفرق بين تفكيرى ... وتفكيرك

تفكير ايجابى انى مخادش البنت بذنب معملتوش

وتفكيرك السلبى .. بانك تبيحى للبنت تعمل كل حاجه باسم الحريه ونوقف كلمة الشرف على نقطتين دم


هتقوليلى مهى ممكن تكون عملت كل حاجه ومفقدتش عذريتها هتفرحوا بنقطتين الدم .. هقولها الاشكال دى هتبقى معروفه

وانا يوم ما اروح اخطب لأخويا هنقيله الدين والخلق والنسب الطاهر .. والطيبون للطيبات ..


وده بقا كلامي للناس اللى بيطالبوا بدولة ليبراليه علمانيه .... او بمعنى اصح الناس اللى بيقولوا خلوها على عينك يا تاجر

عارفين خطورة العلمانيه ايه ........ خطورة فصل الدين عن سياسة دوله ؟؟؟؟؟؟

داحنا دوله تحكم بالشريعه الاسلاميه ... واينعم بيطبقوا بمزاجهم يعنى اللى يعجبهم ييطبقوه واللى معيجبهمش ميلزمهمش

وفى المصايب دى كلها .... بالكم بقا لو فصلنا الدين اللى هو الضمير المانع من اقامة الفواحش والرذائل فى المجتمعات عن سياسة دوله وافراد وسيبنا اللى يصوم يصوم لنفسه واللى يجاهر بالمعاصى مفيش مشكله .. والزنا يملى الشوارع وبنات الليل يبقوا فى الشارع على عينك يا تاجر ... والعنوسه تزيد .. ما هو الشباب بقا مش هيبقى محتاج هنبقى وفرناله المكان اللى يخلص فيه شهوته وفرناله عاهرات

ونبقى مجتمع زى المجتمعات الاوروبيه المنحله باسم الليبراليه والتطور

والضحك عالدقون بقا ... باسم اللى بيقولوا ليبراليه ذات مرجعيه اسلاميه ... بيزينوا هما اللى هما عايزينه

ويقولوا مرجعيه

والليبراليه جزء لا يتجزأ من العلمانيه


وتجيلى واحده تقولك الرسول قال :( انتم اعلم بشئون دنياكم )

ايوه طبعا اعلم بشئون دنيانا ازاى نقومها ونعدلها ... الحلال بين والحرام بين

وما بينهما من متشابهات مش انتى يا زبالة المجتمعات اللى تبتّى فيها .. ولا انت يا قذر يا تربية اوروبا ياللى مسلم فى البطاقة اسماً ولا تعرف الصلوات كم ركعه اللى تبتّ فيها ..

بقينا على شفا جرف هار من السقوط فى جهنّم وبنسأل ايه اللى عمل فينا كده غير ثقافة الانحلال ؟؟؟؟

والأمركه ....

عدوا بقا المصايب اللى هتشوفوها من تحت اصدار منتج زى ده

البنات هتقعد فى البيوت تعنس ...لأن الشك هيملأ قلوب الرجال نحية اى بنت مؤدبه او مش مؤدبه

هيقولك البنت سيد من يمثل ... هى لو قذرة وعايزه تقنعك انها ست البنات هتقنعك خف يبنى ما هم زى الهم عالقلب

اقل مشكله بعد الزواج بين زوج وزوجه.... يوم الزوج هيقول لمراته كلمه ... هتقوله انا متربيه وانت عارفنى على ايه

وواخدنى محدش لمسنى قبلك .... اقل كلمه هيرد عليها بيها .. الله اعلم


انا بس السؤال اللى عايزه اسأله ,, بترموا الغلط على مين ؟؟؟

على الصين ... انا بقول مغلطوش عرفوا ان الرذيله انتشرت واتاكدوا

وعرفوا دماغ المصريين ... مع العلم بالاشاعه المنتشره حاليا ان شعب مصر من اكثر الشعوب تديناً

فعايزين يظبطونا بقا ....


احنا الغلطانين ... احنا اللى سمحنا لناس تجهر بالمعاصى عينك عينك وكل واحد منا يقول انا مالى

نسينا قول النبى صلى الله عليه وسلم : (من رأى منكم منكراً فليغيره )


هتعيبوا على مين تانى وانتم الغلطانين

نعيب على زماننا والعيب فينا وما لزماننا عيب سوانا

فوقوا بقا وارجعوا لربنا


الجمعة، 28 أغسطس 2009

النوم تحت المخده .... هسسسس مش عايزه دوشه



اكتشفت

مع ان المفروض انى ملاحظه الموضوع ده من زمان

ورغم كده كنت بحاول اصبر نفسى

واقول يا بت دى موش مشكله

واكتشفت ان فى ناس كتير زييى

يعنى يا اخواتى ده موش مرض

قالولى لالالا.........

انا حاولت احل المشكله دى كتير

واخيراااا نفع

بحب انام تحت المخده

هههههههههههههههههههههههههههه

محدش يضحك لو سمحتوا

بس بجد معرفش ايه الموضوع ده

اجى احط دماغى عالمخده مرتاحش

اقوم شايله المخده خاااااااالص

وحاطاها فوق دماغى

ودى كانت البدايه

حاولت كذا مره انام عالمخده

عادى بس بحس انى مش جايلى نوم

اقول احاول اتحمل واعصر على نفسى ليموناته وانام

واليوم ده فضلت صاحيه للصبح

واخواتى عشان يصحونى يفضلوا يدوروا على وشى

هههههههههههههههههههههههههههههههه

لدرجة انى لما طلعت معسكر العريش مكونتش بنام

عشان معايا بنات فى الغرفه طبعا

وكلهم بيناموا على مخدات

وانا شايفه انى غريبه جدا

انى بنام تحت المخده

فكنت بستنى الكل لما ينام واشيل المخده

وانااااااااااااااااام

بس اكون ضبطت المنبه عشان اصحى قبلهم

واصحيهم وحسيت انى بدات اتأرق من الموضوع ده

فجيت سألت واحده صحبتى ايه رأيك فى النوم تحت المخده

وكان ردها وااااااااااااااااضح وصريح

كل اللى قالته ههههههههههههههههههههههههههههههههههههههههههههه

يا مجنونه

انا حسيت نفسى كأنى قلت نكته فضلت تضحك قلتلها اصل انا بنام تحت المخده

من زمان والله قالتلى اه شفتك بتبقى عامله زى الاطفال

اتكسفت وقلت الم نفسى من السؤال

وقبل كده سألت واحده برضه قالتلى فى ناس وهى نايمه مبتحبش الدوشه

كده بيحطوا المخده فوق دماغهم

قلتلها بس انا دوشه من غير دوشه بحب اغطى راسى بالمخده

قالتلى عادى انا كمان احيانا كده كل واحد ينام عالجنب اللى يريح

ه حسيت ان ردها ريحنى

المشكله انا اللى كنت فاكراها مشكله وهى مش مشكله اصلا

بحاول انام واحط راسى عالمخده عادى

بس ساعات النوم بتكون اقل

وبتزيد كل اسبوع ساعه او ساعه وربع

وان كان حد عنده المشكله دى ميقلقش

هو بس اكيد مبيحبش الدوشه

واطمنوا على نفسكم

الجمعة، 21 أغسطس 2009

صايمين ولا زى كل سنه


السلام عليكم ورحمة الله وبركاته

كل سنه وانتم طيبين

وبعوده الايام على خير

وربنا يبلغنا رمضان جميعا


ويرزقنا العفو والرحمة والمغفرة

والعتق من النار

رمضان بكره

صايمين ولا زى كل سنه ؟
وفين الفاااااانوووووس بتااااعى
اللى مش هيجيبلى فانووووس
هيبقى عليه فانوس هههههههههه

ربنا يتقبل منا الصيام والقيام

أسألكم بالله كثرة الذهاب للمساجد

ونغتنم فرصه هذا الشهر

واسألكم بالله الدعاء لإخوتنا المظلومين

والمستباح دماءهم واموالهم واعراضهم واراضيهم واملاكهم

فى كل مكان وادعوا الله ينصرهم على اعداءهم

واسألكم بالله مقاطعة من يقاتلوننا بأموالنا

مقاطعة كل المنتجات الاجنبيه المواليه لليهود والدنماركيين

ونعقد النيه لله سبحانه وتعالى الاتقان فى العمل والاخلاص للوطن

والدعوه لله بجهر الصوت

وربنا يجمعنا جميعا بجنات الفردوس

خير نزل قبل ما اختم البوست

هوصيكم وصية خير

* احفظ لسانك من الغيبه والنميمه حتى لا تكون كالذى اكل لحم اخيه ميتا

وتخسر صيامك

* كن من الكاظمين الغيظ والعافين عن الناس

*وارحم تُرحم

*واتق الله فى السمع والبصر والفؤاد

يغنيك ويتقبل صيامك ان شاء الله

وانتظرونى برمضان

الاثنين، 17 أغسطس 2009

مين فينا اللى غلط؟

السلام عليكم ورحمة الله وبركاته
وحشتونى وحشتونى وحشتونى
والله بجد
انا عارفه انى مقصره فى نفسى وفمدونتى وبكل حاجه تخصنى
كل سنه وانتم طيبين بمناسبة رمضان
كل سنه وانتم بألف خير وبركه
وربنا يبلغنا رمضان جميعا
داير بدماغى كتير من المتناقضات والاعتراضات وحاجات شايفاها صح وحاجات شايفاها غلط
ناس ضاله وتجهر بالضلال فرحا بيه .. ولما حد يقولهم انتوا غلط .. يصروا عالمعصيه بفسق
وناس صح .. بس للأسف حاجات كتير بتمنعهم من انهم يجهروا بالصح ده
موضوعات كتير عايزه اناقشها معاكم
موضوعات بتلف بدماغى وترجع ب360 درجه
شعور كده زى صدمة بتاخدنى لما اقول لحد مسلم انت غلط والدين بيقول كذا
ويرد يقولك انا كافر وان كان عاجب
وناس كل همها الشهرة .. مش همها الدعوه للفضيله بالعكس الجهر بالمعصيه عشان الشهرة
او مطالبه بمجتمع محترم عشان التفاف الرأى العام حواليهم .. ومصلحه شخصيه وهم اصلا لا يعرفون
عن الدين شئ
غير مجرد تلقين وتربية فى مدارس اللغات والعلمانيه
وللأسف يا ريت عن الدين بس لا
ولا حتى عن العلم
ولا المبادئ
مش بعادى اشخاصهم ولا ذاتهم
انا بس نفسى يعرفوا ربنا نفسى يعملوا لله مش للشهره
نفسى الغلط يعترف بغلطه
والصح يعلى صوته وميخافش
حاجات كتير هناقشها معاكم قبل رمضان
وكل سنه وانتم طيبين

الاثنين، 15 يونيو 2009

التعليم ..... بدون عنوان

السلام عليكم وحمة الله وبركاته
وحشتونى جدا ووحشتنى تعليقاتكم وتريقاتكم وفرحتكم فيا حتى فى البوست اللى فات
بس انا جايه النهارده اطلعلكم هلاويسى وافكارى اللى حابساها ومفقوعه منها وجاية اناقشكم فى مشكله بجد بتمس
مجتمعنا المصرى وقلة وعيه وانقياده وراء الهوى بلا تفكير
والمعتقدات الخاطئة والمظاهر الكاذبه
المشكله دى هى
قلة الوعى التعليمى عند المصريين
اكيد طبعا فى منكم اللى فاهمنى وفى منكم اللى هيقولى يعنى ايه
محنا بنذاكر ونحفظ الكتب ونصم ونحط فى الورقه وبننجح وبقينا اهو كل واحد فى شغله منصب قد الدنيا
وانا حد قدى
قعدت عشر دقايق قبل امتحان اللغه العربيه لأمل اختى معاها هى وواحده صحبتها مع العلم انها فى الصف الثالث الاعدادى
وبالطبع كسياسة تعليم فى مصر
لو جبت مجموع دخلت ثانوى عام
مجبتش مجموع ( دخلت النار ) اقصد ثانوى تجارى او صناعى
وبالتالى محدش له نفس ن العيال يدخل صنايع او تجاره
حلووووو
بسأل البنوته صحبة اختى
نفسك تدخلى ايه يا امورة بعد الاعداديه
قالتلى ثانوى طبعا دنا لو دخلت صنايع امى تدبحنى
اومال بحفظ ومش لاحقه افهم ليه عشان اجيب مجموع
فكرت فى نفسى ولقيت ان القضيه دى مش قضيه اختى واصحابها دى قضيه المجتمع المصرى بحاله
ونظرته للمظاهر الكاذبه والفشل فى الحياة الدراسيه فى الثانوى والجامعه مبنيه على قلة الوعى التعليمى
لأن البنى ادم المصرى يتمنى ابنه دكتور ومهندس
وانه هيبقى نظرة المجتمع ليه مش كويسه لو طلع سباك او نجار مع انهم بالطبع متساويين فى احتياج المجتمع ليهم
مهو السباك دكتور فى مهنته والنجار دكتور فى مهنته
وقد يكون السباك والنجار على قدر من الثقافه الملم بيها الدكتور وزياده
ليه دايما اللى يدخل مدرسه صناعى يبقى اقل من مستوى الجامعيين
مع انه لو فى وعى نحية الطلبه اللى بيدرسوا فى المدارس دى وان اساتذهم يفهموهم ان وجودهم فى المدرسه اصه بناء
مجتمع وبناء حضارة لأن بدونهم بجد المجتمع مراكبه متسيرش
لأن علم المعلم نظرى لكن علم طلبة المدارس دى علم وعمل
لو فى وعى انهم يجتهدوا ويخرجوا للمجتمع كبناة حضارة بدفعه
وفهم مش خريجى اعدادى مش بيعرفوا يقروا عشان يترموا فى المدارس دى ويعدوهم كده
اكيد فاهميننى ربما لم يحالفنى الحظ انى اكمل الموضوع ده دلوقت لأنى فى الغربه بس ليه بقيه
انا عايزه المدارس الصناعيه والتجاريه تشتغل احسن من مدارس الثانوى الشغاله اونطه بالصم بدون فهم ولا عمل
ويطلع شباب الجامعات معظمهم شباب تافه ينزل فى مواد وممكن يعمر فى الجامعه ويبقى خبره سنين الا من رحم ربى
اما بالغش .... ولا يخفى علينا
او يعدى بماده ومادتين ومعندوش ماده علميه يخرج بيها يبنى امه بعلمه
او معندوش فهم وميكملش اصلا
الشعب المصرى انا عايز ابنى يطلع دكتور ومش مهم ازاى المهم انه يطلع دكتور
طب ايه رايكم لو كل الناس دكاتره هنبنى بيوت ازاى
وهنجيب ابواب وشبابيك منين
وهنصنع ايه اكيد كله استيراد وتصدير وعيالنا يقعدوا يشوفو العيانين ويعالجوهم بس ويا ريت هيعالجوهم دول هيستوردوا الدوا من بره عشان يعالجوهم
انا نفسى حد يقدر كلامى ويفهموا انا طولت معاكم بس دى مشكله الشعب المصرى
قلة الوعى فى كل حاجه
اتمنى تعليقاتكم ووجودكم معايا بمساهمه فى وضع حلول انا عايزه جهات تساعد فى نشر الوعى التعليمى الاول
على المعلمين اللى بيربوا الاجيال ويفهموهم معنى العلم والعمل وازاى اوروبا وغيرها تقدموا وبنوا حضارة
وبعدين على الطلبه واولياء الامور وخاصة الاعلام لازم يوجه انظاره لكده

الأحد، 10 مايو 2009

أجازة ... قصدى امتحانات


محدش يتخض مش علطول طبعا انتوا عارفين انا مش بيأس
السلام عليكم ورحمة الله وبركاته
يا حبايبى يا منوريننى دايما
انهارده انا جايه استأذنكم شويه صغيرين شهر واحد بس وهرجع تانى
انتوا عارفين الامتحانات
ويوم ما هرجع هعمل عيد ميلاد للمدونه انتوا عارفين فى شهر 6 بدأت تدوين
ادعوووووووووووووووووووووووووووووووووولى السنادى تعدى بفرحه وخير
وربنا معانا جميعا ....

الخميس، 23 أبريل 2009

طيفك حبيبى ..

يا طيف جميل جالى ورسم احلى ابتسامة عالشفايف شفتها
فى مرايتى انا ....
عدى ييجى خمسين سنه...
معرفتش معنى ابتسامه ..!!!
جيت بالحنان رسم الهنا على ملامح وشى انا ..
جيت وابتديت احلم معااااااااك .. ببيت صغير ملكنا
جيت بالامان طمنت قلبى اللى كان حتة حجر
طمنت قلبى بكلمة حلوة من زمان مسمعتهاش
رجعتنى ابقى أنا........
ومن غير سبب سيبتنى فجأه كده
من غير كلام ولا حتى ليا كلمة عتب
يقتل فى قلبى من التعب
ودموع عينيا من ساعتها بتسألك .......
هو انت حـــــــــــــ ــلــــم ..؟؟
مكـــــــــــــــــســـــــــور يا قلبى من الوجع
مكسور حبيبك سابك من غير ما حتى يودعك
من غير ما يعتب ويسمعك
ايـــــــــــه غلـطلتك ؟.
سلمت قلبك لإحساس اماااااااان
منت يا ما من غيره شفت الحنان
ومــــــدتــش فرصه للسمع
مدتـــــــــــش فرصه لحد تانى يسمعك ...,
كل المشاعر .. جه حبيبك بالفرح .. راح بالألم
لــــــــســــــــاه فى قلبك بالنغم ....
مش تستنى تانى هتتصدم
اسمع كلامى .... تبكى حروفك يا قلم
حبر .. لكن خسارة مفيش ندم
لــــساك يا قـــلـــبى عــــــــنـيـــد حــجـــر!!
مبيتصلحش اللى اتكسر
جواك جراح بإيــــــد حـــــــبيــــبك!!؟؟
امـــــســـح دمـــــوعك !!!!
بكره ييجى ويسمعك
بكره ييجى ويداوى اللى بيوجعك ...

السبت، 4 أبريل 2009

وجع روووووووووووحى

امتى حسيت انك عايز تعيط ودموعك تغسلك من كل كلمة اتخدعت بيها ؟
امتى حسيت انك عايز تفقد الذاكره عشان تنسى ناس مهمه لقلبك اتخدعت فيهم ؟
امتى حسيت انك كاره كل لحظه عشتها ؟
امتى حسيت الوجع بيسكن كل حته فى جسمك من غير مرض ؟
امتى حسيت انك صغير وضعيف ومشاعرك مع الى حبيتهم مش متقدره
والكدب ملى دنيتك بطريقة خلتك تفقد الثقه حتى فى اصدق الناس معاك
امتى حسيت انك عايز فعلا تعيش لوحدك من غير ما تسمع صوت اى حد
حتى نفسك ؟
امتى حسيت ان مفيش اصحاب بجد يستاهلوا انك تقف جمبهم او حتى يقفوا جمبك
امتى حسيت انك جافى وقاسى واتحولت من ملاك طيب لبنى ءادم كاره حتى نفسك ؟
احساسك بوجع روحك بيقتلك وقلبك عمال بينبض بهدوء قرب على الصمت
واقرب الناس ليك الى عايشين معاك بدال ما يمدوا ايديهم يمسحوا دموعك
ويطبطبوا على كتفك بيجيبوا خناجر ويزرعوها فيك
وصدمتك فى اللى حواليك وبتحبهم اكبر لما تكتشف انها وجوه مزيفه لكذب فى كذب
محدش يفكر ان الدنيا حلوة قوى بالناس
الدنيا من غير ناس اجمل كتير
كل اللى هقوله
يااااااااااااااااااااااااااااااااااااااارب هون عليا
واحينى ما دامت الحياة خيرا لى
وامتنى ان كان الموت خيرا لى
معدش ليا من الحياه اى طلب او امنيه غير انى ابعد عن كل الناس الى بيجرحوا

الجمعة، 13 مارس 2009

من انا ... ؟؟؟

من أنــــــــــــــا ....؟؟
لم اعد احتمل الصمود
امام كل هذه القيود
فكرت كثيرا فى الصدود
ولكنها كالحبل المعقود
بقسوتكم مزقتم قلبى
والقيتوه فى الاخدود
رغم طيبتى ..!!
دمرتم دنيتى وبقسوتكم اسلتم دمعتى
سألت نفسى من أكون ؟؟
بالطبع لست من هذا الكون
انا من كوكب حنون
بأعينكم كالطيف المجنون
أنا..... أنا الطائر المسجون
فى قفص فى الجحيم مدفون
انا ........لو تعلموا من اكون ؟؟
انا اللؤلؤ المكنون
اعيش وقلبى غصن الزيتون
فكرت مليا ثم قلت
ابدا لالا لن اموت
وافكارى كعقد
سأسير لأكون شئ فى هذا الكون
بالعلم انجوا واحطم كل قانون
قانونى الصبر اقوى امام كل الصعاب
بالصبر افوز واخطوا الهضاب
انا الدرة ..انا الدرة لست السراب
بعزمى .. ساخرج من المحراب
سأكون النار ...لأحرق كل جبار
قسوتكم جعلتنى اركض كالمجنونه
نحو النار
لن اقسو ابدا ما دمت
احيا بأمر ملك الاقدار
ولن يسيل دمعى ثانية كالانهار
ما ذنبى وضمائركم ذهبت
كما يتبخر الماء من البحار

الخميس، 19 فبراير 2009

بعد اذنك ممكن تتحغش بياااااااااا




سورى موضوع ساخر
بيعبر عن تفاهة البنات الى لابسين من غير هدوم
وحملة الاصلاح الذاتى والتربية الدينيه
البنوته بتكلم (سونسون ) فى الكوافير وهى بتعمل شعرها
بالمناسبة (سونسون ) هو المسئول عن المكواه والسيشوار هناك

البنت :
تخيل يا سونسون !!
انا جاية انهاغده اوشوشك بحاجه غغيبة جداً!!! حصلتلى
وانا ماشية انهاغده فى اكبغ شاغع فى مصغ (مصر ) يعنى!
فاغدة الشعغتين !!
ولابسه بدى فوق ( السغه )
والجيبة الميكغو بتاعتى عاغفها يا سونسون الحمغا دى
سونسون :
تبعا يا (سونا هانم )
دى بتبقى هتاكل من جسمك حته
يايايا
انتى طول عمرك جميلة
المهم كملى ايه اللى حصل شكلك متوتره
البنت :
تخيل يا سونسون !!
ولا واحد لفت نظره تسغيحة شعغى
ولا واحد خد باله من الميكغوجيب بتاعتى
ولا واحد قاللى انهاغدة ايه الجمال ته

سونسون :
ايه اللى حصل فى الدنيا
الرجاله مبقاش عندها نظر
فى حد يسيب الجمال ده وميعجبش بيه
لا يا سونا هانم معندهمش حق
بجد عمى النظر

البنت :
عندك حق يا سونسون
هما الغجاله حصلهم ايه
ولا انت سغك مبقاش باتع فى التسغيحه بتاعتى
ولا ايه !!!
انا اتعقدت انا هيجيلى انهياغ عصبى
لا ولو عغفت الباقى هتعيط معايا انا مكملتلكش

سونسون :
ايه اللى حصل فضفضى

البنت :
اثاغوا فضولى كل واحد منهم مشغول بحاجه تانيه غيغ البنات
وواحد واقف بعيد وملموم الناس عليه غحت اشوف فيه ايه قلت يمكن
فى بنات هناك احسن منى

سونسون :
فشروا هو فى احسن منك

البنت :
والمصيبه انى غحت هناك
لقيت ناس كتيغ ووقفت شويه لقيتهم بيزقلونى لوغا
ولقيت واحده بتهمسلى تقولى غوحى البسى حاجه
قلتلها ما انا لابسه
انا مش عاغفه هى مش كانت شايفه هدومى ولا ايه
دى الميكغو جيب بتاعتى غاليه جدا
ب950 جنيه والله يا سونسون

سونسون :
صادقه يا سونا هانم

البنت :

والله يا سونسون وماليك عليا حلفان
انا شفت البنت الى قالتلى كده اتخضيت
دى مداغيه شعغها ولابسه حجات واسعه
كده شبه الغفغ الى مش بيتعاكسوا
والمصيبه ببص فى ايدها الشمال
لقيتها مجوزة
وهى اصغغ منى
شفت المصيبة يا سونسون



سونسون :
الرجاله مبقاش عندها نظر
خلاص مبقتش بتشوف

البنت :
المشكله يا سونسون مش فى الجواز
الجواز ده نصيب المشكلة انى حتى
مبقتش لاقيه حد يعاكسنى
مش لاقيه حد يتحغش بياااااااااااااااااااااااااااا
اعمل ايه يا سونسون
انا منهاغه
منهاغه
منهااااااااااااااااااااااااااااااااغه
انا نفيستى باظت
عايزه حد يعااااكسنى
يبصبصلى حتى
يتحغش بيااااااا
ولو بالنيه

الا كل واحد فيهم باصص فى الاغض
ومعلق على صدغه ((((( راقى .. بأخلاقى )))))









(((( الحجاب عفه ))))




شوفلى وصفه يا سونسون انا معنتش قادغه اتحمل


سونسون :
عندى الحل هغيرلك تسريحة شعرك واعملى زيهم وعلقى
على ضهرك (((( محجبه ))))


البنت :
تفتكغ يا سونسون هعجب بعد ما اعلقها

هتعاكس من تانى هعجب من تانى

هيتحغشوواااااااااااا بياااااااااااااااا

السبت، 14 فبراير 2009

حجابى واللى مش عاجبه

الحجاب
امر من الله سبحانه وتعالى
لنساء المؤمنين
الحجاب رمز العفة
الحجاب فرض
الغرب والمشركين واعداء الاسلام بيحاربوا الحجاب ليه ؟؟
شايفينه غباء ورجعية
وتخلف ...
تفتكروا الى مش لابسين حجاب بيعملوا ايه عندهم غير وجودهم فى الشغل زى الرجال طول النهار
وبالليل فى النايت كلاب تشرب وترقص واخر الليل تروح مع واحد على بيته
ايه التقدم فى كده ؟؟
الحجاب قيد .. ؟؟
قيد فى ايه
بيمنع الزنا والفجر والدعاره العلني يعنى بمعنى اصح الراجل لما يشوف واحده مش محجبه
وواحده محجبه مش هيروح يطلب من المحجبه تروح معاه عالبيت
سورى فى الفاظى بس فى مدونات استفزتنى بكلامها عن الحجاب
وانه سبب فى الرجعيه والتخلف
ثانيا لما يكون فى محجبات مش ملتزمين بأداب الحجاب
دى مش عار على الحجاب ولا عيب فيه كمميز للمسلمه المتدينه بالعكس
لكل قاعده شواذها
ممكن تكون لابسه الحجاب موضه
او عشان تستهزأ بيه ودى متكونش مسلمه بالتأكيد ومصيرها جهنم
انا عايزه اسأل سؤال الحجاب تاعبهم فى ايه ؟؟
لما نقلعه هيرتاحوا ؟؟
لما تكون واحده من المعاقين ذهنيا لابسه حجاب لما تخلعه هتفهم ؟؟
تفتكروا ده كلام ناس عاقله او بتفكر
الحجاب عفه وكرامه
قيمة المراة فى حجابها مش فى عراها ورخصها وكونها ببلاش قدام الى عايز يتفرج
والحجاب مش حجاب للشعر بس عشان تنتقدوا الى مغطيين شعرهم الحجاب حجاب لجسم المرأة كامل
قال تعالى فى كتابه العزيز
( يا ايها النبى قل لأزواجك وبناتك ونساء المؤمنين يدنين عليهن من جلابيبهن ذلك ادنى ان يعرفن فلا يؤذين )
صدق الله العظيم
معنى كده ان الحجاب مانع للمرأة من عيون الذئاب ونهش عرضها وكرامتها
اما المحجبات مظهرا ويخالفوا تعاليم الحجاب فلا يعبروا عن المحجبات المؤمنات بل هم شواذ
لا نعتبرهم محجبات
الحجاب عفه
الحجاب عصمة
الحجاب ايمان

الجمعة، 13 فبراير 2009

اقسم بالله بدعه وانا بريئة منها


السلام عليكم ورحمة الله وبركاته

طبعا انا هتكلم انهارده عن موضوع مهم جدا

يهمنا كلنا وهى البدعه المسماه (بعيد الحب )

الغريب ان كل الناس بتحتفل بيه الا من رحم ربى

وتلاقى التيشرتات الحمرا والورود

والبرفانات وال......... وال...........

وال ............

وطبعا كلنا لا يخفى علينا ال... وال.....

المهم ان اليوم ده يوم بيحتفل بيه الكفره الغربيين

والتقليد الاعمى والتشبه بالكفره حرام شرعا

والرسول صلى الله عليه وسلم قال

( كل مستحدث بدعه وكل بدعه ضلاله وكل ضلالة فى النار )


يعنى بمعنى اصح انت وانت بتشترى الهديه بتاعت عيد الحب

انت بتشق طريقك للنار

الحب فطرة ربنا سبحانه وتعالى وضعها فى قلوبنا

بس احنا بنفهمها غلط وبنتعامل معاها غلط

ليه ميكونش الحب كل يوم

هل هيزعل زوجك لو اهديتيه هديه فى غير هذا اليوم

بالعكس هتبقى نفس الفرحه ويمكن احسن

ايه المانع لو كل يوم احيينا الحب فى قلوب كل من نحبهم

بهديه .. بكلمه .. بفعل ..

اسلامنا يدعوا للحب والتعاون والحب مش بيبقا بين الاحبة فقط بالعكس

الحب لازم يكون موجود بين الاهل داخل الاسرة

ايه المانع لما كلنا نهادى بعض ولو بكلمه او ابتسامه كل يوم

بالله عليكم روح الترابط هتزيد او هتقل ؟

الحب بين الجيران بالقاء السلام واحياء الحب ولو بابتسامه

قال صلى الله عليه وسلم ( الكلمه الطيبه صدقه )

( والابتسامه فى وجه اخيك المسلم صدقه )

شفتوا الاسلام بيوزع حب وحسنات فى كل المعاملات اليوميه

ليه ميكونش الحب كل يوم

ولا احنا بنقلد الغرب فى كل حاجه

ممكن تخبى الحب طول السنه ونطلعه يوم واحد

تفتكر حبيبك مستنى منك هديه

الفلوس الى كل يوم بنضيعها فى الورد ممكن نجمع فلوسها بكل حب

ونديها للمحتاجين حناننا وحبنا اخواتنا الى محتاجين كل قرش فى العلاج

قال صلى الله عليه وسلم ( لا يؤمن احدكم حتى يحب لأخيه ما يحب لنفسه)

اسلامنا بيدعوا للتعاون والبر والحب

الحب فى كل الاحوال بين الجميع

بين الاخوات والاصحاب والجيران وكل افراد البشر

ولا مانع من اننا نهاديهم

النبى صلى الله عليه وسلم قبل الهديه

ولكن دون اعتبار اليوم او الهديه كعيد

او تقليد للكفار

وعسى الله ان يرحمنا ويطهرنا من افكارهم وانا بدعوا الجميع لمقاطعة هذا اليوم

البدعه ...

الأحد، 1 فبراير 2009

ياللا نعمل حاجه

انا ببكى من جوايا عاللى بيحصل كل يوم
فى فلسطين .. واهل غزة المحتاجين
رغم بعدى عن موطن الاحداث
الا ان الاخبار الى بسمعها والكلمات الى بتعدى عليا
والصور الى بشوفها فى المجلات على الانترنت
وصور القتلى والجرحى والاطفال الى اتيتموا
وتهديم المنازل وغلق المعابر
وظلم العرب للعرب
والتواطئ قاتلنى ونفسى اعمل حاجه ولو صغيره
عشان يوم ما اقف قدام ربنا
اقوله يا رب انا عملت
ولو عجزت عن اى عمل ابقى حاولت
انا بمدلكم ايدى نتجمع سوا
ونعمل عمل جماعى
وانا عن نفسى معرفش جهات مسؤله عن جمع تبرعات لغزة
بس ممكن الى يعرف يحاول يساعدنا ونكون مجموعه
هدفها مساعدة اهالى غزة وتكون مجموعه متوسعه بكل مجالاتها
اكيد كل واحد مننا لازم يكونله دور الفنان له دور والكاتب له دور
والطالب له دور والطبيب والصيدلى والتاجر وصاحب المال
كلنا نبقى ايد واحده
نساعد اخواتنا فى فلسطين وننسى
موضوع التقسيم بتاع البلاد العربيه وانهم فى بلد واحنا فى بلد
كلنا بلد واحده مفيش فواصل نفس اللغه نفس الدين نفس الهويه
ايه الى ما يجمعنا غير شيطان مغروس ما بيننا ومسميات
موضوعه عشان يفرقوا كل الاخوه
وزى ما مفروض جهاد على اهل غزة دفاع عن بلدهم
مفروض علينا عشان احنا مسلمين
وهما كل هدفهم القضاء على الاسلام
محدش يقولى ازاى المصريين يدافعوا عن بلد غير بلدهم
بلدى هى كل بلد فيها اسلام
بلدى افغانستان ومصر والمغرب وتونس والجزائر والسعوديه
وكل بلد اجنبى او عربى فيها اسلام يحارب
انا مش ارهابيه
ورأيى مش بيعبر عن مجموعه بنضم ليها
رأيى بيعبر عن هويتى
التى تطالب بالدفاع وليس البدء بالظلم
يا ريت تحسوا بأهلكم فى فلسطين
احنا ممكن نعمل للفنانين حفلات مسرحيه
ونخصص اموالها للتبرع لأهل فلسطين
نخصص اموال من الصدقات من الجمعيات المسؤله لأجل فلسطين
الطلبه يتبرعوا باموال ودم وملابس
وكل الى يقدر يعمل حاجه يعملها
وانا عارفه انى مش اول واحده تعمل كده
واكيد كتير عملوا الافكار دى قبلى
بس يمكن فكرتى دى
تتيح لناس كتير بايديهم يعملوا حاجه يساعدونى
ويعملوا حاجه
انا مواطنه عاديه
بضحك وبهزر وبكتب شعر وبحضر حفلات
واسمع اغانى
مش متناقضه بس الدافع الانسانى هو الى خلانى اقول كده
انا مش ضد حد بس نفسى نفوق كلناااااا
وشكلنا بقا وحش قوى قدام العالم واحنا بايدينا نعمل كتير ومبنعملش
ويا ريته رأى الشعب المصرى
رأى النظام لا يعبر بالضرورة عن رأى الشعب المصرى
ولكن ربما يروا مالا نراه

قتلنى الفراق عوودى

وحشششششششششتونى جدا
ووحشتنى مدونتى
وللأسف راجعه من غير الحماس القديم
بس فى كل يوم جديد
وحشنى اللف بين المدونات وتصوير الاحداث
وحشتنى بوستاتكم
انا هطلعلكم دلوقت ببوست يا رب يعجبكم
واشوف بقا عوده حميده لمدونتى وتعليقاتكم
وليكم عندى مفاجآت
جديده انتظروووووووووهاااا
وقت اللقاء كأنه
.. موعد يا أمــــــى مع الحياة
وكأن روحى سقيمة
.. ورويت من بئر الحنان
هل لى يا أمـــــى بعد حضنك موطنا
هل لى أمــــــ ــ ـــا ن !!!!
وكأن لحظاتى السعيدة
.. ثانيــة راحت على مر الزمـــــــ ـــــ ـــــان
وتطول سنوات الفراق كأنها بئر من الاعوام
أمـــــــ ـــ ــاه .
.. قدرى الفراق مع كل احبتى .
.. قدرى اغتراب فى موطنى قدرى .. بكــــــاء
قدرى .. حرمـــــ ــ ــان
ليس اعتراض على المشيئة انما ..
صرت الجسد الذى لا روح فيه
اخبرينى متى تعودى
وتعــ ـ ـيديه ...
أماه حين اللقاء تجددت أسمى المعانى للحـــياة
فرح اللقاء جدد آمالى فى النجـــ ـ ـاة
وكأن روحى فراشة وسط الزهور
تتباهى بالألواااان
أماه لا تنوى الرحيل مجددا
لا تأخذى روحى ..
لا تسلبى منى الحـ ـ ياة
وتوسلات للقدر وكأننى ....!!!!
طفل صغير يحتضر
بل طفل صغير واحتضر
منذ الفراق
متى تعودى .. وتعيدى لى روحى انا
متى تعودى اخبرينى
متى اللقاء
اخبرينى متى اللقــ ــاء

الجمعة، 2 يناير 2009

طير مجروح

اسمع صرخة طير مجروح في قلب السما العاليه
وسط الضلمة الناس نايمين مين يسمعله آهات وانين
مين يداويله جروح سنين باتت تحرق تقتل فيه
ويا ريت الناس فاهمينويا ريت الناس سامعين
واللى بيسمع منهم يضحك
ويقول شوف الطير ازاى فرحان
صوته بيدوي في كل مكان
لكن جرحه اللي مخليه
صوته يدارى أحزان فيه
آه يا طيري يا مجروح زيي ومين هيحس بوجعك غيري
مين يداويلك جرح بينزف
ما انا لو ألاقى اللي يداويني كنت لاقيت اللي يداويك
يللا يا طيري السكة واحده
لكن حتى أنت أحسن منى انت بتصرخ وصوتك يدوى فى كل مكان
لكن انا عاجز ايوه انا خايف ليفتكروا إن انا ضعفان
خايف يعرفوا إن انا مكسور إن انا مجروح هو انا غيرهم دا انا إنسان
عارف لو عرفوا ان انا مكسور هيدوسوا عليا
ولا هيحسوا بأوجاعي اللي بتقتل فيا
انت حاسسنى يا طيري مين ليا غيرك ومن لك غيري
همك على همى وننسى وندعى يا رب قلوبنا ما تقسى
ياللا اصرخ ياللا وهاتى ما انت بصوتك يخرج منى آلام سكاتى
ياللا يا طيري اصرخ ..................... اصرخ