الأحد، 11 أكتوبر 2009

يا ترى الحب ليه مش حاسينه

مش عارفه ليه مفتقده معانى كتيره قوى فى حياتى مفتقداها
مش حب .. انا اكتشفت ان الحب ده وهم .. واحاسيسه اللى عندى مش موجوده عند حد
ممكن يكون العيب فياااا ... بس فعلا انا مش محتاجه حب ( المتعارف عليه فى حياة الناس )
الحب عندى احساس مش كلام وهمسات ولمسات وخلافه
نفسى الناس تفهم ان الحب ده شئ محسوس مش ملموس عشان كده كلنا بنتمنى نملكه وبنفضل عايشينه
لأننا لو لمسناه هنفتقد حس الشوق واللهفه
الرحمة والحنان والامان = الاستقرار والايمان بالاخر والثقه فى النفس
انا محتاجه عيون وقلوب رحيمه ... مش حب اليومين دول
ممكن اكون محتاجه معامله خاصه ... مش يعرف يتعامل معايا بيها غيراقوى الناس حس
نفسى الحب يبقى بينى وبين كل الناس معامله موحده
يبقى القانون فى حياتى مع اى حد عاملنى زى ما بعاملك
هعاملك كويس عاملينى كويس
هعاملك وحش عاملينى وحش
وانا متأكده لوالناس اتعاملت معايا بالمبدأ ده مش عمرى هحس بنكد
او زعل .. او اثاره .. او غضب
انا حاليا مش عندى اى مشاكل فى حياتى
بس تقريبا صراع نفسى جوايا
باحتياجات فى رفقاء العمر
اخ اب صديق حبيب

هناك 3 تعليقات:

mohamed ghalia يقول...

ربنا يسعدك دايما ياأسماء
ويارب كل أحلامك تتحقق

a7med-Mado يقول...

أول زيارة للمدونة وإكتشفت إننا بلديات
المدونة تحفة والبوست هايل وعاجبنى
ربنا يوفقك يارب
سعيد جدا بزيارتى للمدونة
وإن شاء الله متابعك على طول

a7med-Mado يقول...

قرأت البوست تانى
وعلى فكرة كمان قرأت البروفايل
وإكتشفت إننا مش بلديات بس
لأ إحنا كمان أزهر زى بعض
لأ وإكتشفت إن البوست دة بيقول كلام بيعبر عن حاجة جوايا أنا كمان
بجد فرصة سعيدة إنى دخلت المدونة مع إنى دخلتها على سبيل الصدفة بس فرحان جدا بزيارتى ليها