الواد الأمور
دى حكاية طبعاً حساسه وشائكة نصيحة يعنى أى واد (أمور) ميعديش هنا
من الاخر كده ميقرأش البوست ده
كل اللى هقوله مهم للغايه ....
طبعاً بما ان فى أزمة عنوسه فى البلد .. والرجالة دلوقتى بقوا بيتخطفوا
وأحيانا لما تلاقى لسه فى منهم متخطفوش هتلاقى أحد المولات محتكرهم
وكاتب ( (exclusive ندخل فى المهم
وعلى الرغم من ده كله لو معاكى واد أمووووور وموووووز آخر 9 حاجات
متقدريش تتجوزيه ... طبعاً متبصيش كده
ده اخره تتمشى معاه شويه يستناكى قدام الكلية تفرجى أصحابك عليه ...
عشان طبعاً يفضلوا يحقدوا عليكى وياكلوا فى نفسهم ...ويقولوا (بايضالك فى القفص يا محظوظه)
وانتى طبعاً مبسوطه بالكلام ده ... ماشية بمبدأ الصيت ولا الغنى
ما هم ميعرفوش اللى فيها وانتى طبعاً قاعده تحسبى الخساير
لو هتجوزية ايه هيحصل .....
ولو مش هتجوزية ايه هيحصل ...
تعالى نعيش انا وانتى الخيارين ....
الخيار الأول لو مش هتتجوزية
طبعاً هو كل يوم بيستناكى عند الكليه ... وانتى خارج معاكى صحباتك اللى اول ما بتشوفيه ... بتدوريلهم بابتسامه عريضة ... وتقوليلهم وقتكووووا خلص .... ( أصل احنا خارجين النهارده , عازمنى عالغدا فى مطعم عالنيل ، وبعدين هندخل سينما .. وبعدين هيوصلنى البيت بالعربيه ) ....... يبصولك والحقد بيبظ من عينيهم .. ومبحلقين فى الواد وكأنهم مش سامعينك ... ويسيبوووووووكى وكلام البنات يشتغل ...... ويطلعواااا فيكى القطط الفاطسه ..... وهما لو يعرفوا اللى فيها كانوا جم هما وصلوووووووكى
المهم تخرجى ... ويبتدى موبايله يرن كالعاده ويظهر عالشاشه اسم ( أحد الأخوات الفضليات ) زميلاته فى الشغل ... أو تجيله رساله موقره ( مليانه شعر جاهلى ) برضه من زميلة موقرة
طبعاً انتى مين دى وبتتصل بيك ليه ... وهاتك يا خنااااااق طول الطريق قبل ما تروحوااااا تتغدوا .... يقولك اهدى يا حبيبتى دى واحده زميلتى يعنى مش بينى وبينها حاجه ... تردى عليه بقا والشرار بيطقش فى عينيكى ..
أومال لو بينك وبينها حاااااجه كانت عملت ايييييييييييييييه ..... ايه البنات القاطعه دى ...(بنات آخر زمن)
رووووووووووووووووحنى .... طب اهدى يا حبيبتى طيب نتغدى ...... منيش أكله روووووحنى
وهو بيروحك الاشارة تقف وتقف قصاد عربيته عربية واحده موزه الناحية التانيه هو يبص الناحية التانيه غصب عنه ... تاخدى بالك يلتفتلك يلاقى بوكس فى وشه ...... نزلنى هنااااااا انا هاخد تاكسى
منك لله يا سووووووزى ( صاحبتك طبعاً اللى عينها كانت هتبظ لما شافته )...... دانتى واصله ... عينك تخرم الحجر
تروحى البيت تقعدى فى اوضتك ..... تعيطى شويه .. وتبصلى فى صورته على المووووبايل طبعاً آخر صورة اتصورتوها سواااااا قد ايه كانت رومانسيه .......
بس تقولى لنفسك مش هجيب لنفسى الضغط ما اتجوز واحد عادى ابقى مطمنه علييييييييييييييييييه يروح واحد يرجعلى اتنين ( يعنى مش هيتاكل يعنى مش هينقص ) مش فيه الطمعه ....
وطبعاً انتى هتعيشى دور الحزييييييييييينه اللى بتضحى بالحب ... عشان المستقبل ... وتقوليله : حبيبى كان نفسى نكمل مع بعض بس انا مش هقددددددددددددر مهو من الاخر عايزنى اتجوزك ... روح اشترى ماية نار عشان اشوهك ...
وبعدين خلاص بابا قرر يسفرنى بره ( هيودينى توشكى) اكمل دراسة هناك ... ومعتقدش انك هتستنانى 6 سنين
احنا لازم منسبش بعض ابداً ... احنا هنفضل صحاب طووووول العمر ومتنساااااش تعزمنى على فرحك
اخر كلمه هقولهالك ...... بحبك ... بحبك .... اوعى تنسانى
الخيار التانى لو هتتجوزيه
يوم الفرح ::::::::::::: لولولولولولولوولولى
قاعدين جمب بعض فى الكوشه ( يا جماله يا تكاته يا حركاته ) محدش شايفك خالص
وكل البنات والستات ومش بعيد الرجاله اللى فى الفرح عينيهم هتطلع عالواد الامور اللى قاعد جنبك
وتسمعى شويه حبشتكنات كده من اللى تفضلى تاكلى فى نفسك بعدهم ومش بعيد ... تتنقطى او يجيلك جلطه وانتى بتسمعيها .......
منها ( شفتى يختى القممممممممررر ... بقا القمر ده ياخد البرص دى .. كان اتعمى يوم ما راح يخطبها ده ولا ايه )
ده من الغرب ... ولو سمعتى أحد قريباته الشقيقات وهى بتوشوش امها بغل وبتبصلك بابتسامه جازة فيها على سنانها : ( شفتى يا ماما هى رجالة عيلتنا ذوقهم انحدر كده ليه الناس اكلت وشى )
بيبقى نفسك تقوميلها تقومى جايبالها مراية تقوليلها بصى كويس قبل ما تتكلمى عن حد ..
وفى عز غيظك ييجوا صحباتك المبجلات يهروا ركبتك بشراسة طبعاً مش عشان اتجوزتى كالعادة الغالبة فى الأفراح .. ده عشان بركاتك تنز عليهم يمكن يتجوزوا واد اموووووووووور زي الباشا اللى قاعد جنبك فى الكوشه ....
شوية ويدخل عليكى كتيبة من البنات اللى واضح عليهم من اثار الحقد والغل ما يكفى لإبادتك ونسفك ...
وتهزى ايديه بسرعة قبل ما يوصلولك تقوليله تعرفهم دووووول :؟؟
يقولك آه يا روح قلبى دول زميلاتى أيام الجامعه وزميلاتى فى الشغل ...
تبتدى انتى بقا ترسمى على شفايفك ابتـــسامه عريضه فيها تشفي طبعاً ... وتظهرى فيها كل اسنانك
تعبيراً لهم عن مدى سعادتك بعريس الهنا ... اللى طبعاً حرقتى قلبهم عليه وخدتيه منهم
وتلاقى منهم اللى تقولك هاى وتسلم عليكى بطراطيف صوابعها وتقولك مبروك يا عروسه .. وانتى بنفس الابتسامه اللى مبينه فيها كل سنانك ... ( عقبالكم يا بنات )
وتسلم عليه وكأنها بتصافح رئيس الدوله ( مش عايزه تسيب ايده ) وتضطرى طبعاً آسفة انك تقفى عشان تعدلى الفستان اللى طبعاً محصلوش اى حاجه .. عشان تعملى نفسك اتكعبلتى فى ديله .. عشان عريس الهنا يسيب ايد التهمه اللى بتسلم عليه ويشوووووف مالك وساعة ما يميل عشان يسندك تقومى باصالها بسهوكة ... وهو مش واخد باله وتطلعيلها لسااااانك .....
تعدى مرحلة الكوشة ... وخلاص هتدخلوا عش الزوجية
انتى دخلتى بكسووووف تستنيه .. ساعه .. ساعتين ... تلاته ...ولسه مجاش وراكى وده الطبيعى يعنى المفروض انه كان يسبقك أصلاً
تقولى يمكن مكسوووف مش بدها بقا تطلعيله انتى ... تلاقى عريس الهنا فى سابع نومه فى الصالون ..
ميهونش عليكى تصحيه ........ تقعدى جنبه تندبى حظك ... أكيد منحووووووسه معمولى عممممممممممممممممممل يا ناس .....
يرن الجرس الصبح تجرى اصحىىىىى ابوس رجليك شكلى قدام الناس هيبقى وحشششششششش
وهو طبعا ( خخخخخخخخخخخخخخ) اصحى اعمل اى حاجه ...
أمى جت أقولها ايه ... يصحى جرى انا فين ... أسف يا حبيبتى .....
منك لله يا أسعد ( واحد صاحبه طبعاً ) مين اسعد ده يا حبيبى .....
لا يا حبيبتى متاخديش فى بالك ......
يجرى عالاوضه يغير ويلبس البجامه ... ( اللى بصراحه معرفش لونها ايه )
وانتى تفتحى لأمك اللى بقالها نص ساعه عالباب وانتوا عاملين نفسكم نموسيتكم كحلى
امك تدخل ... لولولولولولولولولولولولوولى تعالى فى حضن امك يا حبيبتى
وتاخدك عالاوضه تعالى قوليلى عملتوا ايه امباااااارح .... تبصيلها وعينيكى فيها الكسوووووووووف
وطبعاً كسوووووف الذئب ..... تقوليلها يا ماما ده متوحش ... اقولك ايه بس يا ماما .. كان معايا أسد فى البيت
امك تقولك يعنى اقول مبرووووووووووووك ... انتى تبصيلها ودموعك تنزل منك ... وبتقولى لنفسك .. أسد البرومبه .. انا اللى جبته لنفسى ....... ( انا مفقوعه عيييييييين ) أكيد ده عمل معمولى
يعدى شهر العسل فى البيت طبعاً منتى مش مآمنه تروحوا اى مكان بره ولا حتى جمصه ... الراجل ( مز ) ومن الآخر يتخاف عليه ...
يعدى شهر العسل .. طبعاً الأستاذ لازم ينزل الشغل
بيلبس ويتشيك ... تبصيله بعيون حنونه ( لئيمه طبعاً ) وانتى محضراله الفطار وتقوليله: مش مصدقة يا حبيبى الأيام الحلوه بتعدى بسرعه متتأخرش عليا بتخرج من الشغل 3 تكون عندى 4 الا ربع ( طبعاً بتعوديييييييييه ) عشااااان هتوحشنى قوووى ( شوفى يختى البت ) .....
وأول ما يرجع عملت ايه النهارده فى الشغل فى اول يوم بعد الجواااااااز .. وطبعاً بتعوديه برضه يديكى التقرير
وطبعاً العدسه تشتغل اول ما يخلع هدومه اللى كان بيها فى الشغل .... وحاسة الشم للقط اى برفان حريمى جه غلطه عالهدوم ....
ويبتدى شغل الافلام العربى القديمه لو خرجتى معاه فى حته وواحده بصتله
ولا تيلفووووون البيت رن .. ورفعتى السماعه محدش رد عليكى ... او لما قلتى آلو اترزعت فى وشك
ولو اتأخر فى الشغل انتى تقعدى تاكلى فى نفسك ... على اخر السنه وزنك ينزل 20 كيلو ...
والمهدئات مالية درج الكوميدينو ... ده غير ادوية الضغط ... وطبعاً تقولى مكنش يومى دنا لسه صغيره ...
كنتى فين يا لأه لما قلت آااااااااااااااااااااااه
وطبعاً ساعتها هتعرفى قيمة كلامى وقتها وتعرفى ان الواد الأمور مينفعش معاه جواااااااااااز .... ده اخره تغيظى بيه اصحااااااااابك
ويبقى الخيار الاول أسلم حل .... ويبقى قضى أخف من قضى
0 نفحات:
إرسال تعليق