خايفة عليك

والله خايفه عليك

مش قادرة حبيبى اقسى .. ولسه بخاف عليك

.. حاسة انك فى نار يوم هتحرقنى

ومش خايفة عليا والله
خايفه عليك
خايفه عليك منى ومن ظلمك لنفسك

وخايفه منى انا وخايفه منهم عليك
دلوقتى قسوتى مع غيرك انت عدت كل الحدود .

. بقا اللى بينى وبينهم دلوقت كره وصدود
سيبنى مترجعش ليا .. لكن ... خليك قدام عينيا
مش عايزة تحس بيا .. ومش عايزة تخاف عليا ..

عايزاك يا حبيبى تنسى .. اى حب للدنيا ديا
خايفة الدنيا تهدك .. وتسرق يا حبيبى ودك ..
خايفة الدنيا تخونك .. متلقاش اللى يصونك

.. واشوف دمعه فى عيونك .. وابكى ما هو قلبى قلبك
مش قادرة حبيبى اقسى .. واقول انى نسيت ..

هتفضل جوه قلبى مهما قلت وداريت
انسى ازاى احلامنا .. انسى حبنا وغرامنا ..

انسى فرحة ايامنا ..انسى انك منى وانسى انى كنت ليك
صحيت من نومى يوم ... بألام .. وصداع ووجع فى قلبى كبير ..
وصوت بيقولى اتصلى ضرورى بيه .. عن حاله اسألية .. طمنى قلبك عليه ..
يرجعلى شيطانى ليا .. ويثور قدام عينيا .

. بيقولى فين كبرياءك .. واقوله مش فى اللحظة ديا
نفسى يوم اخدك فى حضنى .. نفسى تسرقنى وتاخدنى ..

وعارفه انه حلم وهمى .. اجمل حلم هعيش عليه
بعدك انت نسيت حياتى .. يا كل منايا وذكرياتى ..

نفسى لحظة مماتى تكون بين ايديك
ووعد منى انتقملك .. وعشانك اى حد هدوس عليه
هتخلى عن براءتى واكون نمر البرارى
هنتقم .. واخدع واكدب وادارى
مش عشانك يا حبيبى ..لأ عشانى
دانت ابنى .. اللى قدامى ..ومش قادرة اقوله انت ضنايا
انت عمرى اللى اتسرق .. وانت حبيبى دارى
من غيرك فى دنيتى يستاهل اضحى عشانه
انا خايفه منى خايفه منهم خايفه من الدنيا عليك
مش عايزة حبك ولا عايزة قلبك .. انا عايزة قربك
عشان يطمنى عليك