السلام عليكم ورحمة الله وبركاته
وحشتونى وحشتونى وحشتونى
والله بجد
انا عارفه انى مقصره فى نفسى وفمدونتى وبكل حاجه تخصنى
كل سنه وانتم طيبين بمناسبة رمضان
كل سنه وانتم بألف خير وبركه
وربنا يبلغنا رمضان جميعا
داير بدماغى كتير من المتناقضات والاعتراضات وحاجات شايفاها صح وحاجات شايفاها غلط
ناس ضاله وتجهر بالضلال فرحا بيه .. ولما حد يقولهم انتوا غلط .. يصروا عالمعصيه بفسق
وناس صح .. بس للأسف حاجات كتير بتمنعهم من انهم يجهروا بالصح ده
موضوعات كتير عايزه اناقشها معاكم
موضوعات بتلف بدماغى وترجع ب360 درجه
شعور كده زى صدمة بتاخدنى لما اقول لحد مسلم انت غلط والدين بيقول كذا
ويرد يقولك انا كافر وان كان عاجب
وناس كل همها الشهرة .. مش همها الدعوه للفضيله بالعكس الجهر بالمعصيه عشان الشهرة
او مطالبه بمجتمع محترم عشان التفاف الرأى العام حواليهم .. ومصلحه شخصيه وهم اصلا لا يعرفون
عن الدين شئ
غير مجرد تلقين وتربية فى مدارس اللغات والعلمانيه
وللأسف يا ريت عن الدين بس لا
ولا حتى عن العلم
ولا المبادئ
مش بعادى اشخاصهم ولا ذاتهم
انا بس نفسى يعرفوا ربنا نفسى يعملوا لله مش للشهره
نفسى الغلط يعترف بغلطه
والصح يعلى صوته وميخافش
حاجات كتير هناقشها معاكم قبل رمضان
وكل سنه وانتم طيبين
هناك 3 تعليقات:
الناس الى بتشتغل لإسمها ولنفسها دول عالم جايين يقلبوا البلد
ولا عمرهم هيعملوا حاجة للبلد
فعلا يا محمد حب الشهرة والسطوع فى الاعلام بدون مبدأ سامى او حتى بمدأ سامى دون العمل له
رياء لا فائده منه
مهو يا اما تعمل وانت حر تتشهر او لا
لكن متعملش زيطه وانت مش هتعمل حاجه وبتدعوا لمبادئ ضد الدين والاخلاق والقيم
وفعلا عمرهم ما هيعملوا حاجه
ايه الكلام ده يا أسماء
أنا الصراحه محتار مش عارف انتى تقصدى ايه ولا ايه
الكلام ده ممكن يتقال على حاجات كتير فى البلد ياريت تحددى
أما بالنسبه للجماعه ال ضاله وتجهر بالضلال فرحا بيه .. ولما حد يقولهم انتوا غلط .. يصروا عالمعصيه
دول ممكن عشان الطريقه اللى بنكلمهم بيها بتبقى غلط
(مش غلط عموما لأ غلط معاهم بالذات)
ممكن نجرب طرق تانية وربنا لو رايد لهم الهداية هييسر العملية شوية
إرسال تعليق