اكتشفت
مع ان المفروض انى ملاحظه الموضوع ده من زمان
ورغم كده كنت بحاول اصبر نفسى
واقول يا بت دى موش مشكله
واكتشفت ان فى ناس كتير زييى
يعنى يا اخواتى ده موش مرض
قالولى لالالا.........
انا حاولت احل المشكله دى كتير
هههههههههههههههههههههههههههه
محدش يضحك لو سمحتوا
بس بجد معرفش ايه الموضوع ده
اجى احط دماغى عالمخده مرتاحش
اقوم شايله المخده خاااااااالص
وحاطاها فوق دماغى
ودى كانت البدايه
حاولت كذا مره انام عالمخده
عادى بس بحس انى مش جايلى نوم
اقول احاول اتحمل واعصر على نفسى ليموناته وانام
واليوم ده فضلت صاحيه للصبح
واخواتى عشان يصحونى يفضلوا يدوروا على وشى
هههههههههههههههههههههههههههههههه
لدرجة انى لما طلعت معسكر العريش مكونتش بنام
عشان معايا بنات فى الغرفه طبعا
وكلهم بيناموا على مخدات
وانا شايفه انى غريبه جدا
انى بنام تحت المخده
فكنت بستنى الكل لما ينام واشيل المخده
وانااااااااااااااااام
بس اكون ضبطت المنبه عشان اصحى قبلهم
واصحيهم وحسيت انى بدات اتأرق من الموضوع ده
فجيت سألت واحده صحبتى ايه رأيك فى النوم تحت المخده
وكان ردها وااااااااااااااااضح وصريح
كل اللى قالته ههههههههههههههههههههههههههههههههههههههههههههه
يا مجنونه
انا حسيت نفسى كأنى قلت نكته فضلت تضحك قلتلها اصل انا بنام تحت المخده
من زمان والله قالتلى اه شفتك بتبقى عامله زى الاطفال
اتكسفت وقلت الم نفسى من السؤال
وقبل كده سألت واحده برضه قالتلى فى ناس وهى نايمه مبتحبش الدوشه
كده بيحطوا المخده فوق دماغهم
قلتلها بس انا دوشه من غير دوشه بحب اغطى راسى بالمخده
قالتلى عادى انا كمان احيانا كده كل واحد ينام عالجنب اللى يريح
ه حسيت ان ردها ريحنى
المشكله انا اللى كنت فاكراها مشكله وهى مش مشكله اصلا
بحاول انام واحط راسى عالمخده عادى
بس ساعات النوم بتكون اقل
وبتزيد كل اسبوع ساعه او ساعه وربع
وان كان حد عنده المشكله دى ميقلقش
هو بس اكيد مبيحبش الدوشه
واطمنوا على نفسكم
هناك 9 تعليقات:
السلام عليكم
كل سنة وأنتي طيبة
يسعدني جدا أني أكون أول تعليق
أما على حكاية المخده والنوم تحتها
عادي يعني كل واحد يعمل ألي يريحه
وبعدين طلاما دي مش حاجة تضر فخلاص
نامي برحتك
تقبلي مروري
تحيااااتي
dark angel
ههههههههههههههههه
عاتى عاتى
نامى يابنتى إنشلا تحت السرير
ههههههههههههههههه
اززيك يا أسماء
كل سنه وانتى طيبه
موضوع جميل ودمه خفيف جدا
أحب أطمنك ده فعلاً مش مرض زى ما انتى قولتى وكمان مش إدمان دى بس تعود وراحه وأحمد بهجت علمنا مبدأ (ليه نتعب أكتر مادام ممكن نتعب أقل)
وبعدين أنا عاوزك تبصى للجانب الإيجابى أو زى ما بيقولو نص الكوباية المليان
انتى كده أحسن من غيرك كتيييييييييييير
أنا شخصيا أعرف واحد كان بيحب النوم تحت السرير وتحت الكنبه بس أحب أبشرك إنه الحمد لله بطّل
أى نعم دلوقتى هو بطل مجبر طبعا لأن السرير بقى مقفول من تحت وكمان ياعينى بقى حجمه أكبر من إنه يدخل تحت الكنبه
بس أهو ف الأخر بطّل
وواحد تانى ماينامش غير وهو حاطط رجل على رجل
وفى الأخر دى حريه شخصيه ما دااااااااام ما بيضرش حد
غير بقى الناس اللى متعوده تتخانق مع نفسها وهى نايمه وتقعد تشللت هنا وتزق هناك والغلبان اللى ربنا مقدرله ينام جنب النوع ده ياعينى بيتعب جااااامد وأنواع النووووووووم كتييييييييييييييييييييييييييييييييير جدا مش هعدهالك دلوقتى وسلااااااااام
ههههههههههههههههههههههههههه
علي فكرة انا كمان بانام تحت المخدة
بس برضو بانام فوق المخدة
مش فزورة
انا بانام بين مخدتين
يعني لازم يبقي تحت دماغي مخدة وفوق دماغي مخدة
وكل واحد ينام زي ماهو عايز
الله
هاتقلقونا في النوم كمان
حتي النوم مش هانعرف ننامه زي ما احنا عاوزين
ايه ده
دي مش مشكلة خالص والله حاجة عادي
ههههههههههه
عاوزين نعمل جماعة او حزب
نسميه
تحت المخده بحب استخبى
وحشانى يا سمسم اخبارك ايه
اطلعى من تحت المخده بئا
فعلا حاجة غريبة
فى ناس بقى بتحب تنام على مخدتين
:$
مش مخدة واحدة
طمع بقى :)
المهم الواحد يبقى مرتاح أثناء النوم
ربنا يحفظك
شاب فقرى
على فكرة أنا كمان بنام تحت المخدة
بس الأغرب من كدة إنى فى الشتا بنام تحت الباطنيةوبتنفس عادى جدا بس المهم إنى مش أكون بردان
وأهم حاجة فى حباتى هى النوم بس مش أهم حاجة أوى يعنى بس بحب أنام أوى
إرسال تعليق