وانا صغيرة كنت بريئة خالص
زى الصورة الحلوة دى
وكنت بلبس فساتين شيك
وكانت ماما بتحب تلبسنى اللون اللبنى
وكان عندى فستان جميل
فاكراه بنص كم
ونازل زى الفراشه وفيه خطين ابيض من الستان
وعليه فيونكه جميلة
ولما كبرت شويه بقيت لماضه هانم كنت الصغيره بتاعت العيلة
كان ولاد خالتى بيحبونى خالص
وكنت انزل العب معاهم فى المدخل
بتاع العمارة
وكان صاحب العمارة
راجل كبير فى السن كنا بنقوله عم الحج
كنا لما نطلع صوت واحنا بنلعب ينزل يزعقلنا
ويكسر اللمبه عشان منلعبش فى المدخل
وكنا نزعق بصوت عالى فى الشارع
_ اخس عليك يا عم الحج !!!!!!!
كان ليا اصحاب كتير خااالص
بس كلهم اكبر منى بكتير يعنى اولاد خالتى واصحابهم
وكانوا بيسمونى ( كالابالا )
كنت شقيه خالص وكنت فى مره عيانه وماما علطول بتدينى الدوا ( المضاد الحيوى )
كان لونه احمر وردى
ماما يا دوب رايحه تشوف مين عالباب وترجع
واسيابنى نايمة فى هدوء ورعاية الله
رجعت لاقيتنى شاربه الدوا وبدحك
ماما صوتت وخدتنى عالدكتور
عملولى غسيل معده
هههههههههههههههههههههههه
وانا فى براءة الاطفال
استنووووونى يتبع ,............>>>>
هناك تعليقان (2):
اسماء (شمس الاحاسيس )
بجد اسم مدونتك تحفه ولايق جدا مع كلماتك الرائعه
حاسه فيكي براءه جميله اووووي
بجد حسيت اني في عالم هادي كده
وخصوصا البوست ده
رجعني لايام الطفوله وهي احلى ايام العمر
يا نهار أبيض
العيال وهما صغيرين بيرفضوا ياخدوا الدوا تقومي سعادتك تقربعي الازازة كلها
:)
إرسال تعليق