مصر هى بيتنا مكان حياتنا
بايدينا ممكن نعملها ترميم فى مناطق الشرخ
طب ايه رأيكم نبدأ على نضافه
انا بفكر بحماس شبابى زى كل المصريين
الى نفسهم يبنوا بلدهم ويشوفوها زى اجمل بلد فى العالم واحسن
ايه رأيكم نبدأ احنا .. احنا مش صغيرين
كنت زمان بفكر ازاى يطلع صوتى والناس تسمعنى
امتى اكون بنى ءادم له فايده فى المجتمع امتى أكون اسره
اسميها ( احنا اولادك يا مصر )
مش الحكومه وحدها هى المسؤله عن الحاجات الى بتحصل الحكومه
دى نص المعادله .. يعنى احنا لو ساعدناها عمرها ما هترفض
ايه رأيكم نبدأ بأنفسنا الاول
يعنى بدال ما نتواكل ونقول الحكومه الحكومه
عملنا ايه احنا عشان الحكومه تتحرك
مش معنى كده ان كل حاجه بتبقى صح منها
لكن احنا برضه علينا جزء كبير وواجب لازم نقوم بيه
انا هفكركم بأمثلة بسيطة وهطرح عليكم الموضوع والمشكله وندى لنسفنا المهله
الكبيرة لجمع الاقتراحات ومفيش مانع لو نشرناها فى جريده رسميه
وده الحكومه هتشجعه مش هترفضه
هفكركم مثلا بالتعليم الى احنا جزء منه يعنى بمعنى اصح
كنا تلاميذ وكبرنا بقينا طلبه
كم مشكله قابلتك وانت طالب نفسك تحلها
انا عن نفسى هتكلم عن جزء من المشكله بتاعتى وهى
المدرسين ......المرحله دى عدت من زمان
بس كانوا بيغيظونى جدا وكارهه التعليم المصرى بسببهم بصراحه مبسوطة فيهم بموضوع امتحان الكادر ده
يعنى لما نروح الفصل نلاقى المدرس مبيشرحش (مع العلم انه بياخد فلوس من الدوله مقابل عمله كمدرس ) يعنى بياخد فلوس مش من حقه لو كنا حطيناها فى مستشفى او هبه لمريض كانت هتبقى اولى
كوباية الشاى واطلع يبنى اكتبلى الدرس عالصبورة وخلى خطك حلو
حد يا عيال يقوم يقرا الدرس
وآآآآآه لو الموجه فى زيارة للمدرسة
المدرس : عيال الى هسمع نفسو هموته هعلقه عالحيطة دى
تعالى ياد يا عبقرينو انت فى الاول عشان الموجه لما يدخل يسألك
وبسرعه تلاقى المدرس من دول ماسك الطباشيره وعمال يكتب الدرس وتنسيق ايه
وجمال فى الخط ايه عشان لما الموجه يدخل يعرف يقرا
اول ما الموجه يدخل
تلاقى علبة الشوكولاته طلعت جمب الصبورة تعالى يا عبقرينو حل المسأله دى
اول ما يحلها عبقرينو شاطر يا حبيبى خد الشوكلاتايه دى
شفت النظام يا سيادة الموجه كل التلاميذ مجتهدين
الموجه بسم الله ما شاء الله
وهوبا يطلع الدفتربتاع الموجه وجمبة كوباية الشاى والصندوتش
الى طبعا جايبهوله المدرس بتاعنا حبيبنا
ويديله تقرير فى التمام
وادى التعليم فى بلدنا والمشكله ان اللى بيتعلموا دول لازم يلاقولهم قدوة
لازم يلاقوا تربية صح
تعليم صح مش بناء عالغش والخداع و( الحلبنتيشى )
تفتكروا بلدنا كده هتتقدم ولا هيطلع نموذج من تحت ايد الاستاذ بتاعنا
انيل منه
مهو بصراحه فاقد الشئ لايعطيه
تفتكروا نعمل ايه عشان استاذنا ميكونش نموذج لأساتذة المستقبل ؟؟؟
هناك 4 تعليقات:
ممكن نحلم بكل حريه .. ونتكلم بملء الأفواه.. أو حتى نغتاظ حتى الموت كمدا ..كل هذا مسموح..أما أن نفعل.. فهذا خطا لا يمكن تجاوزه ولا يمكن بحال إعتباره حقا لنا .عند حكوماتنا الرشيده..المشغوله منذ عقود بشيئين لا ثالث لهما ..أن تضيق علينا بكا السبل ..وأن تفرغ جيوبنا من القروش القليله التى تساعدنا على الحياه ..وبالقانون..
...........
لك تحياتى
هههههههههههههه
يا أسماااااااااااء
إسمه الحلمنتيشي
ههههههههههههههههه
دا موسوعة
هنهرج
إلا دااااااا
قال حلبنتيشي قال
حلمنتيشي ركزي
هههههههههههههههه
برست رائع
خالص تقديري
وكمااااااااااااااان الصندوتش
هههههههههههههههههههههه
والنبي
دا ساندوتش
هههههههههههههههههههههههههه
الكوابرية بينطقوها صااااااااااد
؟؟؟؟؟؟؟؟؟؟؟؟؟؟؟
:d
نعمل ايه علشان يبقا نموذج
مممممممممممممممممممممم
ممممممممممممممممممممممممممممم
بصي احنا مش بنتكلم عالأستاذ بسسسسسسس
هتلاقي المهندس مقصر في عمله
والدكتور برضووووووو
بصي لازم نرجع للدين
وكل واحد يبدأ بنفسه
لو رجعنا للدين
كل الدنيا هتتغير وهتحلوّ
خالص تقديري
وعل فكرة بهذر
بس برضووووو غيري الحلبنتيشي والصندوتش
هههههههههههههههههههههه
تحياتي
جيدة تلك المعطيات ولى عودة بنقاش لها إن شاء الله
إرسال تعليق