انتشار ظاهرة العنف فى المدارس المصريه
كان هو ده الخبر الى سمعته الصبح على الجزيره
اسلام ضحية مدرس الرياضياااااااااات
مات عشان معملش الواجب
يا ريته كبير شويه عن 11 سنه
كنا قلنا هو والاستاذ ده اعداء
حسبى الله ونعم الوكيل
فى كل المش بيتقى الله
انا حسيت احساس غريب
فى اول وهله حسيت انى عايزة اعيط
واصرخ حرام البراءة دى تضيع
ده كله ايه عشان معملش الواجب
ينهار ابيض
شعور بالبرد امتلكنى
وحطيت نفسى مكان امه
يااااااااااااااااااااااااااه
لا بجد مقدرش اتحمل الموضوع ده
قعدت استنيت اسمع الخبر للأخر
جايبين محامى القاتل
يقول " هما غيروا القضيه لسياسه وقلبوها للرأى العام كقضيه تعليم
والموضوع اتفه وابسط من كده "
انا سمعت البوقين دول منه ومتحملتش
قتل روح بريئه طفل صغير موضوع تافه وبسيييييييييييييط
يلهووووووووووووووووووووووووووووووووووووى
بعد ما الخبر خلص دار فى ذهنى شريط تعليمى كله
من اولى ابتدائى لحد 3 ثانوى
افتكر وانا فى اولى ابتدائى كنت ضعيفه كده وقرموضه
وماما محفظانى من القرآن لحد سورة القارعه
المهم بما ان انا فى ازهر كان لازم اكون حافظه الجزء كامل
المهم جه علينا بقا سورة البينه
وجت الابله الشريره خيريه عشان تسمعلى
لقيتنى مش حافظه
بالعصايه وخبطتنى على دماغى اتعورت وراسى اتبهدلت دم
تتخيلو ان سورة البينه الوحيده الى فى القرآن بتلخبط فيها لحد دلوقت
ومن يومها اثر الخبطه باين فى جبهتى
ومن يومها وانا بكرهها ومبحبهاش
وده لأن الضرب مش بيجيب نتيجه غير البغض للمدرس والتعليم
افتكر كمان الاستاذ الى كان بعد ما اليوم الدراسى يخلص يفضل فى المعهد
هو والمدرسه بتاعت الانجليزى ويقولل للفراش سيبلى المفتاح هبقى اقفل
الى لما الواد اشرف ساله استاذ انا شفت حضرتك امبارح انت وأبله ....
وانا راجع من الدرس
ببراءة الاطفال كده والله
مسكه ضربه بالقلم على وشه وضرب العيال الى فى الفصل كلهم
حتى انا مسلمتش من شره
افتكر برضه لما الاستاذ لاقانى واقفه عالصبوره ومفيش مدرسين فى الفصل
ضربنى خمس عصيان على جسمى روحت البيت وارمه
كنت بكره المعهد بتاعنا قوى وقلت فى بوست قديم بتاع التاج كان نفسى اكون شيخ الازهر
عشان ارفد كل العاملين فى المعهد بتاعى واخلص منهم
واحد واحد
فى اعدادى بقا .. الابله المجنونه جريت ورا الطالبه من الدور الرابع لحد الدور الثانى جرى عشان تضربها
أخويا كل يوم بيصحى من النوم مش عايز يروح المدرسه اصل الابله ( سلوى الشريره ) ده لقب عيال اولى ابتدائى مدينهولها بكل فخر لها طبعا بتضربهم عشر عضيان للى يغلط فى الواجب
والابله المحترمه الى تدخل الفصل بكل ادب واخلاق على بنات فى اعدادى عند اختى التانيه تقولهم لفظ مشين
الراجل لو سمعه يتكسف دى اخلاق المدرسين الايامدى
تفتكرو
ده ايه الموجود ده .. ضرب وقتل وعنف والحاجات دى ليه
عشان ايه ... لما احنا نتربى على كده لما نبقى مدرسين مين هيكون لينا قدوة
يا ترى المدرس ( القاتل ) طلع كده
ما يمكن هو كمان كان ضحيه
وهو ده الى خلانى ابص للأمور من كل الجوانب
غياب القدوة الصالحه وسياسة ( الفلكة )
المتوارثه عبر اجيال من الزمان
محدش يقولى الشعب المصرى مبيجيش الا بكده
امتى الشعب المصرى هينسى ويكونله وقفه ويبقاله كرامه
انتو مستنيين ايه من الاجيال الجايه
اذا كان الطفل مش هيتحرك غير لما يتضرب لأنه اتعود على كده
ايه هيحركه لما يكبر
يا جماعه التعليم لازم نظامه يتغير فوقوا بقا
لامتى هنفضل كده ؟؟؟؟؟؟؟؟؟؟؟؟
هناك 5 تعليقات:
على فكره انا كنت ازهري انا كمان وكان من المدرسين بتوعنا شوية مجانين كده يضربونا بسبب ومن غير سبب بس افتكر اني كنت مش بسيب حقي وكنت بجادل لدرجة اني قمت من الفصل في مرة وروحت اشتكيت المدرس للناظر وعاااااااااااااادي ولا حصل حاجه بس انا كنت برتاح لاني مش بسيب الحق ده وكنت بتمرد كتير على سياسة الضرب بسبب ومن غير سبب وده كان بيسببلي مشاكل كتيره مع المدرسين وخصامات على طووووووول,
لازم يتعلم التلميذ سياسة ما له وما عليه ومتى واين يضرب ومتى واين يرد ويعترض
تقبلي مروري :)
http://nas.mbc.net/blog.php?b=29201
ادخلي يا بنت الشمس على اللينك ده هتلاقي موضوعك منشور عليه
حرية
اشكر مرورك ومشاركتك
انا كمان كان ليا مواقف صعبه جدا لدرجه انى انا الى نزلت المدرسه قدامى للعميد بتاع المعهد
عشان متضربش
كمان كنت لما احس ان ممكن يكون فى ضرب
بقولهم مش هتضرب
وللأسف بيقابل موقفى بقلة ادب
وطول مانا فى الفصل اى مدرس ييجى
تصور يا استاذ ( كلام المدرسين لبعض ) البت قليلة الادب دى حصل منها كذا وكذا وبجحت فيا وعملت وعملت وعملت
والفاظ من الى قلبكم يحبها
وكأنى ارتديت عن المله
أنا مش فاكره يوم حلو فى حياتى فى التعليم من الابتدائى لحد الثانوى
حتى مكنش فى تعليم قسما بالله مدرسين قله الى كان عندهم ضمير وبيشرحوا
المدرسه من دول تدخل تفتح الكتاب وتقعد عالديسك من فوق
وخلاص افتحوا الكتب وتقرأ
قال يعنى احنا مبنعرفش نقرأ
مهو لو عالقرايه كانوا قررولنا المناهج فى البيت
والمدرس التانى يكتب المسائل بتاعت الرياضه عالصبورة ويقولنا انقلوا فى الكشاكيل ولما تخلصوا حد ينزل يندهلى من اوضه المدرسين تحت
واستاذ تالت يدخل الفصل يضيع كل الوقت فى التدوير عاللى معاهم كتب واللى معهمش تلاكيك وربنا
وآه من قدواتنا بقا
مدرسات ازهريه
الاستاذه من دول داخله 9 كيلو ميك اب على وشها
وبنطلون جينز وقال ايه اصلها مدرسة فرنساوى
وقلة الدين فى ادارة المعاهد والمدارس بطريقه غلط
كان عندنا استاذ بدون ذكر اسماء
يخلى البنت طالعه عالسلم
ويضربها على مناطق فى جسمها بايديه
والله قلة دين وكله بقا كوم واستاذ العربى الى مبيعرفش يقرأ الشعر ده كوم لوحديه
عملية تعليميه بايظة لما يبقوا يعملوا الى عليهم عالاقل يبقوا يقولوا كادر
او يشيلوهم خالص ويجيبوا اجيال متخرجه جديد ما دام ملهمش فايده
وبياخدوا مرتبات يعنى عاله عالدوله
مرتباتهم دى مش اولى بيها حد يشتغل
مدرسه تنبنى مستشفى
رعاية ايتام
احنا لو فتحنا عالمدرسين جبهه يبقى بنقضى عليهم
حسبى الله ونعم الوكيل
alaa_din10@yahoo.com واتشرف بيكي يا افندم في اي وقت
بما انك كنتي شاطره فالمدرسه
اكيد تستاهلين طولة العمل
وفق مقاييس المدرسيين الجديد!
إرسال تعليق