يسقط الشغل .. يحيا الفشل

   ياااااااااااااااااااااه أخيرا ًلقيت وقت اقدر فيه اكتب من جديد

بس للأسف مش لاقيه كلام اقوله .. رغم انى تقريباً دماغى لا تتوقف عن التفكير فى اشياء كتير نفسى اتكلم عنها ..

واخرج بره نفسى زى زمان .. واملى الدنيا مرح .. ومرح .. ومرح

محتاجه احس .. بجو جديد .,. عايزه اخرج واتفسح .. واشوف اصحابى وزمايلى ...

محتاجه حاجات كتير انساها مش عارفه انساها ... بالرغم من انى بعمل المستحيل عشان انسى

اوجاع الدنيا صعبه ... والاحساس بالظلم احساس وحششششششش جداً ..

والاحساس بعدم الاستقرار .. وعدم الامان احساس بشع مستفز ..

شغلى الجديد خلق بينى وبين الناس حلقة وصل بدايره اوسع من الجامعه .. والبيت والشارع

اتعلمت حاجات كتير .. واتعلمت اكون متواضعه اكتر .. وجريئة اكتر .. واحيانا شرسة اكتر

زحمة الشغل حبستنى .. ممكن اكون مش قد تحمل المسئوليه .. عشان كده مليت وزهقت بسرعه

مهو اكيد مش علشان انا فافى يعنى :)) ( مش باين عليا ولا اييييييييه )  اكيد فافى يعنى ومش حمل انى اصحى 7 الصبح

وارجع 5 بعد الظهر .

ومش حمل التكييف اللى من اول اسبوع نمت بسببه 4 ايام فى السرير مبتحركش والسخونيه متفارقنيش

فقررت انى افضى بقا لنفسى واسيب الشغل .. ( وهتحمل التريقه اللى هاخدها من بابا وماما واونكل وطنط والجيران كمان .. من اللى قالولى شغل اييييييييييه البيت احسسسسسن وانا اقولهم : أبـــــــــــــــــــــداً لازم اشتغل وعملتلهم فيها سبع اسود فى بعض )

هعمل ايه لازم اتحمل نتيجه قراراتى ..

..

وهبلغهم بقرارى الجديد .. بما انى اشتغلت اسبوعين ... لازم اتفسسسسسسسسسسسسسح واخرج مع اصحاااااااااااااااااااابى اسبوعين .. انا عارفه الاعتراض هيبقى بكل حاجه ممكن يطولوها فى ايديهم .. من جزم ومقشات ومش بعيد الكنب يخلعوه ويزقلونى بيه ...

بس كله يهون فى سبيل ... انى اخرج بقااااااااااااااااااا واشم هواااا تانى ...

نفسى اروح اماكن كتييييييييير جداً

نفسى اروووووووح المنصوووووووووووووووووووووووووووووووووووره

بس اتفسح فيها بعد المغرب لأن الجو هناااااااااااااك بيبقى جاااااااااامد ..

ونفسى ارووووووح دميــــــــــاط .. واقعد مع دوجى حبيبتى وروح قلبى وصديقة الكفاح ..

واشترى من هناك مشبك واروح راس البر ... واركب مركب فى النيل بالليل

ونفسى اروووووح العريش .. واتمشى هناك عالشط فى المساعيد

وانزل وسط البلد هناك .. واشترى شااااااااااااورمة من اكبر محل شاورمة هناك

ونفسى اروح اسكندريه واتمشى على كوبرى ستانلى واقعد هناك شويه واعدى بين العربيات

.. اللى بتجرى بسرعه هايله

بس يا رب ما اموتش ..  عشان اروح باقى الاماكن اللى نفسى فيها ..

واروح اضربلى سندوتش شاورمة من عند مؤمن :))

واتمشى بطول الكورنيش بالليل برضه  عشان الشمس بتبوظ لون البشره :))))

ونفسى اروح مرسى مطروووووح سمعت عن سحرها ونفسى ازووووووووورها بجد

ونفسى ارووووح الأقصر واسواااان ^_^    

ونفسى بقا اقضى كام يوم كده فسح فى القاااااااااااااااهره .. (الحسين . وحديقة الازهر . والقلعه ....... الخ الخ الخ )

وبجد نفسى ربنا يكرمنى كده واسافر السعوووووووووديه لأنى بعشق البلد دى من صغرى .. حتى بحبها عالخريطه

ونفسى ازور جده .. والطائف .. والمدينه ... ومكه

نفسى احج قبل ما امووووووووووووووووووووت  .... والله أمنيه كل ما افكر فيها بحس ان روحى هناك مش هنا

كفايه كده دى الاماكن اللى كان نفسى ازورها الأجازه دى ( عدا موضوع السعوديه ده )

ده كان بوست افتتاح اجازتى الرسميه ... وربنا يسهل لسه فى كتييييييييييير

وان شاء الله استنونى

.. وزورونا تجدوا ما يسركم

عندما يستفزك احدهم

حين يستفزك احدهم .. 

من الطبيعى يكون لك رد فعل من الاتنين 

يا إما تقووووووووله يا (.........)  يحموك فى كنكه 

يا إما الحل التانى انك تكتم غيظظظظظظظظظظظظظظظك جواك 

مش من مبدأ ( والكاظمين الغيظ ) لاااااااا  

وطبعاً الحل التانى ده بيبقى نتيجة حاجه من الاتنين 

الأول : ان اللى استفزك يكووووون واخد بشله فى وشه وتعرف انك من الاخر 

(هتقطع انهارده ) 

والتانى : انه يكوووون مش فاهم انه بيستفزك فساعتها لو انت كان لك اى رد فعل تانى 

مش هيأثر فيه وبالتالى ممكن يجيلك انت جلطه ....

زى النهارده مثلاً رجعت من الامتحاااااااان ركبت الميكروباص اللى بيروح عالعاشر 

ونمت طول الطريق من التعب والله ... 

وقلت اخلى الراجل ينزلنى قريب اخد تاكسى يوصلنى بسرعه لاحسن هموووووت

نزلت ووقف تاكسى .. وقلتله ( ممكن توصلنى ......) قاللى ماشى 

بقوله الملف الجاى .... قاللى انتى مقلتيش انك عايزه المجاورة من الناحيه التانيه وانا لازم اوصل الزبون 

احمر وشى نرفزةً .. وانا شبه نايمة على نفسى ...

وتقريباً السواق قرر يحمصنى فى الشمس .. ادتله 5 جنيه ادانى منها 2 جنيه بقوله ايه انت موصلتنيش 

لسه ليا جنيه ... قاللى ليه يا ابله .. قلتله دنا جايباك من اول الشارع انت لسه محودتش 

قالى وانا مالى ... نزلت وانا بخانق فى نفسى بس طبعاً رد فعلى الغلباااان كان انى اكتم غيظى وانززززززل 

فى الصحرااااااااااااااااااااااااااا   ... واخدها مشى ربع ساااااااااااعه فى عز الحر الساعه 2 الظهر 

لحد ما وصلت البيت ... 

وانا ماشية عماله اقوووووووووووول ... والله لو شفته تانى لاوقفه (ولما يقف ) 

هقوله خلااااااااااص مش راكبه .

لأن ده طبعاً من النوووووع

الأول : ان اللى استفزك يكووووون واخد بشله فى وشه وتعرف انك من الاخر 

(هتقطع انهارده )

روحت البيت من تعب الحر الى مشيت فيه مقدرتش حتى اناااااااااااااااام 

انا مقدرتش اقوووووول غير ان الراجل ده تالت واحد يستفزنى قوووووووووووى كده بعد (الاخوان) فى تصرفاتهم بعد الثورة بس مش معنى كده انى بكره الاخواااان

اما النوع التانى : انه يكوووون مش فاهم انه بيستفزك فساعتها لو انت كان لك اى رد فعل تانى 

مش هيأثر فيه وبالتالى ممكن يجيلك انت جلطه ....

وده تانى واحد يستفزنى ...

وده شخص تلاقيه دايماً متردد .. ومبيتحكمش فى انفعالاته ولا بيقدر تصرفاته ممكن يترتب عليها ايه 

هواااااااااااااااااااائى .. تلاقيه اوقااااااااااااااااات تصرفاته تستحق الثناء .. واوقاااااات يستفزك لدرجة انك تكتم فى نفسك لأن مينفعش تقوله ياااااااااااااااتافه .. 

انهارده يقولك مع البرادعى .. وبعد نص ساعه لالالا البرادعى وحش 

انهارده يشوووف ايمى ... يرجع لاصحاااابه انا بحبهااااااااااااااا

تانى يوم يشوف سوزى .. يرجع برضه لنفس اصحابه انا بحبهاااااااا 

ولا يكون عااااااااايز ينجح .. وهو مفتحش الكتااااااااب 

ولا يكون قبل الثورة بيحب حسحس .. وبعد الثورة (ابو حسحس واللى جابوه)

او يقول حاجه ويرجع فى كلااااااامه ... ساعتها الواحد بيكتم غيظه عشان لو مسك الجزمه نتفها على دماغه .. مات 

خسارة الواحد ياخد فيه ساعه ...

والنوع ده يا جماعه .. مهما كان له تقدم فى حياته ..

الا انه عمره ما هيستقل برأى ويثبت عليه .. او فكره ويدافع عنها .. 

ويا مكتر النوع ده من الشباب والبناااااااات (حاجه تفرح)

كل ما عليك انك تهدى اعصااااااااااابك .. وتاخد مج هوت تشيكوليت 

بعد كل موقف مستفز .. 

وتحاول تعيش حياتك بشكل تلقائى مهو مش كل من هب ودب يعصبك 

لازم ندى كل واحد حجمه فى حياتنا 

وانا قررت أنزل كل الناس منازلها فى حياتى 

اللى مبيستفزووووش على جنب ... واللى بيستفزوا عالجنب التانى 

وقررت ارتبهم حسب الموضوع ده ترتيباً تنازلياً 

وقال على رأى المثل ( بكره تشوف اللى عمرك ما شفته ) 

ولسه ياما هنشوووووووف وربنا يستر عليا دنا لسه صغييييييييره

أقاوم النسيان

على شفا حفرة من النسيان
ارتعد خوفاً ..
أقاوم نسيانك ... اقاوم كل مشاغل الدنيا
حتى لا تأخذنى منك
أراك فى قسوة قلوب البشر
وأراك فى حنان عيون طفل بريئ
كم احبك ..
كم ارانى خائنة ....
عندمت يأخذنى الوقت وتذهب ملامحك عنى
على الرغم من انك من خنت أمالى ..
لا عليك دعنا من كل هذا الكلام
ما عاد يفيد .. لا العتاب يجدى
ولا البكاء يرجع بالحبيب
.. سأحكى لك عن اخر حكاياتى
فرد عليّ كما عهدت ولا تخذلنى ..
فأنا ما زلت انا .. لم اتغير بعد .. لم اتكبر بعد
مازلت انتظر نصيحتك .. حنان كلماتك
رفقك بى
سأحكى لك فهل تسمع :.
عام من الألم له أخضع ..
احاول الصبر ..
احاول لملمة مشاعرى المبعثرة
أتوه بكلمه .. واتعقل بكلمات
حالة من الهذيان ..
فقدت صداقاتى كلها....
كأننى بكابوس مخيف ..
لم أعد اعرف الخوف من بشر
لم اعد اعرف الخجل أو اشعر بالأمان
الرجال كلهم سواسيه
النساء كلهن هى ...؟؟
اتعرف كم أحبها ..
فصديقتى الوحيدة تشبهها
عيناها شفتاها ... حتى قسوتها
اعطيها حبى كله برضاى .. أشعر بالسعاده
فى رؤية ابتسامتها .. اشعر انى ارضيك فيها
أحبها .. بل اعشقها
حكايتى تتلخص فى غضبها منك ..
لا اعلم لمَ تتهمنى بالجنون
عندما احكى لها عن حنانك لم تكن تصدقنى
ولكن عندما تسقط دموعى حنيناً لك تمسح
بيديها دموعى ....
وتثور غضباً ان قلت لها .. انها تشبهها
فقدت غيرة النساء مللاً ..
لم أعد اعرف الرحمة مع من أغضبونى يوماً ما
سرعان ما أثور .. وملت منى عصبيتى
فقدت مظهرى .. وقوامى .. وملامحى
وعلى وشك توديع ابتسامتى
عند ذكر اسمك .. اتلعثم .. تتبدل ملامحى
او اهيم فى ذكريات .. كلماتنا .. حكاياتنا
مللت الحياة واظنها .. ملت منى
كل ما اخشاه بعد الموت ألّا ألقاك
قأنا فى الصحو أتمناك .. وفى الحلم أعيش معك
وبعد الموت اتمنى حياة سرمدية فى هواك
كما تعاهدنا ..
فأنا يا حب العمر .. لم أنساك
سأقاوم نسيانك .. وادعو الله أن يرعاك
هذه بعض حكايتى ..
ولم تنتهى بعد الحكايات .. فأرجوك لا تمل منى
فربما اعيش لسنوات ...
فإن مللت منى الان .. لمن احكى
لمن اهدى هذه الكلمات ؟؟؟؟؟

يوليو يا أقسى شهور عمرى

رفقاً بحالى يا طبيبى ...
رفقاً بقلبى ॥ رفقاً بضعفى ॥ رفقاً بما تبقى منى
ما عادت مسكنات الدنيا تسكننى ॥ أو توقف ألمى
ما عادت ذاكرتى تتحمل عبئ النسيان ...
أعلم انك تذكرنى ॥ اقسم انك تشتاق إلىّ ... لحنانى
لحكاياتى ...
للطفلة التى كم حلقت كالفراشة فى سماها ॥
لحبيبتك التى اشتقت أياماً للقياها ...
طبيبى ...
أعاتبك على اللاشيئ ...
يا حنان الدنيا فى رجل ..
ويا قسوة الأيام فى قلب ...
متاهة كلماتى ..وتخبطها فى خبر ..
كنت اتوقعه فى كل لحظة يقترب ..
ولكن الشيئ الوحيد الذى لم اتوقعه أن يؤلمنى
ويرهق فكرى .. ويعذب قلبى .. ويشغل ذاكرتى

لك منى أمنيات بالسعاده ..
ولن أنساك .. لن انسى أبداً ذاك الحلم الذى ما توقعت يوماً ان استيقظ
وأراه كابوساً .....
لن انسى آخر كلماتك .. ودموع عيونك من اجلى ....
وذاكرتى التى توقفت عندك

طفلة اعذرها ..
أما كنت لها الأب ؟
أما كنت لها الصديق والأخ وكل الحب

فإن جائتك بعد ألف عام من تاريخ ميلادها لتقول لك الامس تركتنى
فاعلم ان العمر توقف عند الأمس .. الذى فيه ودعتها

رفقاً بى ... رسالة اليك أرسلها لتدعوا لى بنسيانك
وأرجو الآن سامحنى فأنت القلب عنوانك ..
ولا تذكر بيوم العمر أحزانى .. فلا يبقى ليوم العمر سوى ذكرى
لبسمة حبٍ صافية من قلبى ومن اعماق وجدانى

يا مصر ضمى الثوار

يامصر ضمي الثوار

هى كام بيت من قصيدة مكملتهاش كنت نشرتها عالفيس بوك قبل اندلاع الثورة بأيام قليلة
by Asmaa Bent Elshams on Monday, January 17, 2011 at 10:०९प्म

مصر أيا بستان الحب في أرض الشوك .
يريدوك حبيبتي في أسفل درك .
ان كانت بعض اشجارك تحتاج الحرق .
فما ذنب زهور قد نبتت تأمل في الحب؟

أشجار العزة كم منعت ذل الأزهار.
ارجوكي ظلي صامدة لا تخشي النار .
ورياح الثورة ان جاءت ضمي الثوار .
فالثائر يحمل بركانا يمحي الأشرار.
واهديني رمزا للحب باقة ازهار .
رويت بدماء الشهداء رويت بدماء الأحرار.

العيال السيس

العيال السيس

مصطلح كان بالنسبالى غريب جدا

اول مره اسمعه كان واحد ماشى فى الجامعه وعامل شعره نظام قنافد

ولابس تيشرت فظيع وسلسله فى رقبته

اللى يشوفه يتأسى لحال الشباب

فلقيت واحده صحبتى بتقولى

ده واحد من العيال السيس

مكنتش اعرف يعنى ايه سيس بس من سياق الجمله فهمت

ومن المظهر العام انطبع المصطلح عندى

بقا اى واحد شكله مش يعجبنا مطول شعره وبنطلون ساقط وعامل فى نفسه فطوطه ...

كنا نطلق عليه ... لفظ سيس

المهم كنت انا واتنين من اعز صحباتى

راجعين من كايرو

فبقولهم ايه رأيكم انا معجبه جدا بدماغ فلان

لقيت واحده منهم

قالتلى اعجاب ايه يا بنتى .... انتى مش بتعجبى الا بالعياااال الســــــــــــيـــــــس

انا سمعت اللفظ ... اتعدلت فى مكانى بعد ما كنت معووجه فى القاعده

قلتلها نعمممممممممممممممممممممممممممممممممممممممممممم

ازااااااااااااااااى سييييييييييييس

انتى مش بتشوفى يا بنتى

دول كلهم محترمين جدااا جداااا جدااااااااااا

ومفيش عليهم غلطه

مظهر وجوهر ... ودماااااغ

قالتلى انا مقصدش المعنى اللى وصلك

بس هما بالنسبالى سيس

قلتلها مش فاهمه فهمينى

قالتلى يا اختى يعنى مرتبطين بتيجى انتى تعجبى ف وقت متأخر

انا بعد ما كنت اتخضييييييت

اتفردت كده وضحكت ضحكة معرفش جت منين

قلتلها يا شيخه .......... اعجاب الحب

غيراعجاب الدماغ

قالتلى يعنى ايه

قلتلها انا ميهمنيش فى حد قد دماغه

مش اعجاب الحب .....

قالتلى قولى كده يا سوسو .... انا مكنتش فاهمه

بس بصراحه عندها حق احيانا الانسان بيعجب بناس فى الوقت الغلط

بس بجد انا مأعجبتش الا بالدماغ

ممكن يكونوا سيس بالمعنى اللى قصدته دودى

بس انا ميهمنيش اذا كانوا مرتبطين قصدى سيس ولا لأ

ودلوقت عرفت ان اللفظ الغير عربى

ممكن يستخدم تحت اى معنى انت عايزه

بس انت شغل الجمجمه قصدى المعجم

الحب وسنينه

احيانا الانسان بيدخل تجربة وبيبقى متيقن انها تجربه فاشله من بدايتها

بس بيبقى مصر يكملها .....

وبيخرج منها برضه زعلان ومجروح ... وتعبان نفسيا

مع انه ممكن يكون داخلها بسبب

افتقاد للحب مفتقد حنان ... مفتقد اهتمام اقرب الناس ليه

فبيحاول انه يعوض كل ده

ممكن يكون العيب فيه ... او فى اللى حواليه

بس انا كإنسان عندى ايمان انى مقدرش اعيش من غير حب

ممكن تكون بتحب انسان وانت متعرفش

اهتمامك بيه .... ايمانك بأسلوبه وثقتك العميا ان كل كلامه صح

ووالدماغ دى اهم حاجه

بس مش معنى كده اننا نقول

ان الاعجاب اللى اتكلمت عنه فوق فى موضوع العيال السيس

هو ده اللى انا قصدته

دماغ عن دماغ تفرق

واسلوب عن اسلوب يفرق

الحب بقا عباره عن مشاعر فوق الوصف

تبدأ بارتياح ... توصل اقصاها بالثقه التامه

وتسليم كل زمام الامور بايد الحبيب

افعل ماشئت ... ( هتشوفه يعنى هتشوفه )

كل حاجه هتعملها هتتردلك

يعنى مثلا زعلت حد ... هيحصلك نفس الموقف

جرحت حد ... خنقت حد .. ظلمت حد

اذيت حد ....

كل حاجه هتحصلك هتحصلك لو بعد 100 سنه

ممكن تسيب حد بيحبك قوى .. وتروح لحد انت بتحبه

وتلاقيه بيحب حد تانى ....

بس المشكله بتكمن بقا فى انك اذيت اللى حبك ولا لأ

لو اذيته هتتجرح ... وهتتأذى

لأن الموضوع كله يكمن فى ان ربنا مش بيسيب

^__^

الحب الاول

جت واحده سألتنى هو الحب الاول بيمثلك ايه .؟؟

قلتلها بيمثلى ذكرى مبقابلهاش غير بابتسامه ...

لأنى مبفتكرش لها اى حاجه وحشه

مبفتكرش غير كل خير

عشان كده دايما اى حد بيفكر زيى

مبيفكرش فى اى حد بطريقه وحشه وميكرهش

قالتلى : لو بالنسبالك مصطلح الحب الاول موجود يبقى فى حب تانى وتالت؟

رديت عليها بابتسامه : وقلتلها فى ناس بتعتبر كل حب هو اول حب

لأنها اول ما بتلاقى نفسها فى حب ... بتقول دنا عمرى ماشفت الحب قبل كده

اما انا عندى الحب الحقيقى اااااااااللى فعلا بستناه هو الحب الكامل

من كل جوانبه

الله اعلم هقابل ايه فى حياتى

البارحه

دى اغنيه لراشد الماجد ... بحبها جدا

بتعبرعن الاخلاص والحب اللى بيكنه شخص لزوجته

اللى ماتت ... بجد بجد يا ريت فى وقت انى اجيب كلماتها

وازاى بيحكى انه لو جابوله نص نساء الارض ما يعوضوه حبها

وازاى كانت فى حياته كل حاجه لدرجة انه وصف نفسه باليتيم

وعد بجد انى انزلها خلفيه للمدونه بتاعتى

وانزل كلماتها

قصه عاديه ..

رأيتها تجلس وحدها تتمتم بكلام لا يفهمه احد منا ...

ظلت تحادث نفسها كثيرا وتنفعل ويعلو صوتها ويخفق

فظللت انظر اليها دون ان افهم او ادرك اى معانى لكلماتها

حتى سقطت دموعها فى انهزام ..

ونظرت للسماء وكأنها تودعها

اقتربت منها وكلى حزن لحالها

فسمعت تلك الكلمات التى هزت كل ما بى من مشاعر

وكأن دموعها تسقط على خدىّ وكأن ألمها يمزق قلبى

صرخت بصوت عالى لا يهمها من يسمعها ...

أو ....... قد تكون لم تدرك وجود كل من حولها

قائله : احبك .. ولا اعلم كيف احببتك ..

ولم اكن اظن انى سأحبك بل كان حبك آخر خياراتى

لم يكن ذنبى اقترابك منى ..

لم يكن ذنبى حبك لى ..

وانشغالك لحالى وايضاً .....

لم أكن اريد ان احمل ذنبها

لكنك من كنت مصراً على حبى ..

وكان حبك لى حنانك معى ..

كل ما يربطنى بك هو ما جعلنى انسى حياتى

ولا أذكر سواك

تمنيت ان أعطيك كل شئ ..

اهواك بكل ما املك من مشاعر واحاسيس

متناسيه مشاهد الرعب التى قد تنتهى بها قصتنا

كانت كل كلمة من كلماتك ...

تعطينى أملاً أكبر وتضع اللبنات ف عش حبنا ...

كل كلمة تخرج من بين شفاتك تأسرنى ...

وبعد قرارك الاول بالبعد عنى كتمت صرخاتى ..

نمت الف عام خوفاً من ان اتيقظ دون ان اجدك امامى

وتيقظت متمتمه ... باسمك .. ....

وعدت لى حاملاً على أكفك كل احلامى تهديها لى

ولم تبرح مكانك حتى القيتها على الارض ..

ودستها بقدميك محطماً كل ما بنيناه سوياً جاعلاً منى اختيار اخير ..

ربما ان جاء به الشوق يوماً لأرضى سيعود

أحكى وكأنى طائراً فقد جناحيه ...

وهو فى عز احتضاره ينظر للسماء التى كم حلق فيها النظرة الاخيره ..

يحاكيها بدموعه ان تتذكره

رغم يقينه ان هناك الف طائر سيملأ السماء بتحليقه

وستنساه السماء عقب موته ........

يراك الناس فى عينى متسآئلين

من هذا الذى سحرها لم ترى سواه ؟

فضولاً يذهب بهم .. ويأتى الى ..

ولا استطيع المواجهة ..

بل اهرب من اسألتهم حتى لا أجيب منكسره

هذا الذى حطم كل امنياتى

وسرق قلبى وتركتنى لا أملك فى حياتى سوى حطام لذكريات حب

لم يراه الكون قبلنا ولم تعرفه كتب العشق ...

هذا الذى كان لى كل حياتى أباً وأماً وحبيباً ومخلصاً

وخوفاً من مواجهة الكون بحبه لى .. تركنى ورحل ..

تركنى بآلامى وحدى تركنى بآهاتى وحدى

دون ان يترك لى حتى معرفة صديق ..

او ثقه فى اى شخص سواه هذا الذى ذهب واستطاع ان يقول لحبى وداعاً ...

ربما يتألم ربما يحترق حباً فيّ ولكن ذهب يقيناً بأنه سينسى ....

أما انا فقد ظن ان الايام كفيله بأن تنسى طفلته انه كان لها كل الحياه ... ..................

تركها متجاهلاً ندائها .. متجاهلاً اناتها وصراخها متجاهلاً احتياجها ...

وذهب لخياره الاول ...

او لوهمه الاول فقد عرفت الان واتمنى الا يعرف

اننا فى دائرة مغلقه انا ابحث عنه وهو يبحث عنها وهى تبحث عن سواه

حقاً اشفق عليه .. حقاً اتألم من اجله ..

حقاً اتمنى سعادته ..

واتمنى ان اراه ولو لآخر مره قبل ان ينتهى عمرى

...........................................................

سمعت كل هذا الكلام الذى هز كل كيانى

ولم استطع سوى ان احتضنها .. ربما استطيع ان اواسيها ..

بكلمات لا تشفى جرح ولا تاتى ببعيد

تحمل ثورتى

اعذر قلبى المجروح .. طائرا فى ثورة احتضاره
تعلم هو حقى فى الثورة .. فتحملنى حتى اهدأ
تحملنى حتى اضع كل اوزارى جانباً .. كى اشعر بالراحه
كى اعتاد على الموت فى عز الحياه ...
لا تذبحنى وفى عز احتضارى تعذبنى ...
تحمل ثورتى ارجوك ...
تحمل غضب ام فقدت وليدها ... قتلاً .. غصباً واقتداراً
تحمل حزن حبيب .. فارق حبيبه دون عذر أو اعتذاراً
واى عذر فى القتل يقبل .؟
واى عذر فى الغدر يقبل .؟
نسيت كل الانفعالات التى قد أمارسها أمام صعاب حياتى
فقدت ذاكرتى ..
نسيت كل شئ الا ... أبي !!!
أمي ... طفلي ... حبيب عمرى !!!
فماا نسيت اذاً ... نسيت اللاشئ ...!!!
نعم فلم يكن فى حياتى سوى شخصيه تحمل ملامح كل هذه الشخصيات
اذاً .... تحمل ثورتى وغضبى بدون الهواء الذى اتنفسه
اقس عليّ اكثر يا زمنى
احرمنى .. اجرحنى ...
لكن بالحب فقط وباسرة صغيرة بعد الجرح عوضنى تحتوى ألمى
سأرحل حتى تهدأ ثورتى

قبل ان تقتلنى

قبل ان تقتلنى ..

ابحث عن قلب يهواك اعطيه كل حبى ...

ابحث عن حضناً دافئاً يحويك بعدى ..

اعطيه كل حنانى

ابحث عن عيون مثل عيونى تراك فى مرآتى قبل ان ترانى

قبل زرع خنجرك فيَّ اغمض عينيّ كى لا ارى غدرك

اغلق اذنيَّ كى لا أسمع صوت انفاسك .

أوقف نبض قلبى كى لا أحتس نبضك

احبس انفاسى كى انسى رائحة عطرك .

كبل حنينى أولاً حتى .....لا أشتاق اليك بعد موتى

والآن ازرع خنجرك فيَّ ..

دمر حب عمرك لن تجده فى حنايا الارض بعدى

اقتل قلباً اخلص لهواك مدى حبك ..

خرب احساساً بالخوف عليك اذا تمضى يوماً بطريق من دونى ....

أطفئ انوار الرحمة من دنياك مدى العمر

وإن سألوك عن ذنبى ...قل لهم غارت عليّ من نفسى ..

خافت عليّ اكثر من خوف أمى

قــــــــــــــــل لـــهــــــــــم أحـــبـــــــــــــتـــــــــنــــــــى

عشقت هواى .. ولم ترى فى الكون سواى

ولولا انها لا تعبد الا الله لقلت انها عبدتنى

وزرها حنينها لخائن مثلى..

عشقها لقلب غادر بين ضلوعى شوقها دوماً لأحضانى

قل لهم حقيقتى اضعف من كونى انثى بين يديك وحدك

أوصيك فى لحظات احتضارى على كلمات املكها وحدى ...

أرجوك لا تقلها لامرأة بعدى

وفى النهاية اهواك ..

سأشتاق اليك يا حب عمرى

أسماء

يا ترى الحب ليه مش حاسينه

مش عارفه ليه مفتقده معانى كتيره قوى فى حياتى مفتقداها

مش حب .. انا اكتشفت ان الحب ده وهم .. واحاسيسه اللى عندى مش موجوده عند حد

ممكن يكون العيب فياااا ... بس فعلا انا مش محتاجه حب ( المتعارف عليه فى حياة الناس )

الحب عندى احساس مش كلام وهمسات ولمسات وخلافه

نفسى الناس تفهم ان الحب ده شئ محسوس مش ملموس عشان كده كلنا بنتمنى نملكه وبنفضل عايشينه

لأننا لو لمسناه هنفتقد حس الشوق واللهفه

الرحمة والحنان والامان = الاستقرار والايمان بالاخر والثقه فى النفس

انا محتاجه عيون وقلوب رحيمه ... مش حب اليومين دول

ممكن اكون محتاجه معامله خاصه ... مش يعرف يتعامل معايا بيها غيراقوى الناس حس

نفسى الحب يبقى بينى وبين كل الناس معامله موحده

يبقى القانون فى حياتى مع اى حد عاملنى زى ما بعاملك

هعاملك كويس عاملينى كويس

هعاملك وحش عاملينى وحش

وانا متأكده لوالناس اتعاملت معايا بالمبدأ ده مش عمرى هحس بنكد

او زعل .. او اثاره .. او غضب

انا حاليا مش عندى اى مشاكل فى حياتى

بس تقريبا صراع نفسى جوايا

باحتياجات فى رفقاء العمر

اخ اب صديق حبيب

عاهرات ..ببلاش .. سلعه علمانيه

السلام عليكم ورحمة الله وبركاته

انا قلت ابدأ بتحية الاسلام بدال ما تبقى اول القصيده ......

المهم انا طبعا كنت عايزه اتجاهل الخبر بتاع الاغشية الصينيه

لكن طبعا لقيت صيته وصل للعامه ... والجهال اللى بينتقد واللى بيعجب بالصين

طبعا انا كشخص مسلم . بالغ . عاقل . مكلف لدى القدرة على التفكير وعقل الامور

وسأحاسب على رد فعلى .. بقول حد الله الصين دى بتفهم

ناس قدروا يفهموا دماغ الشعب المصرى

طبعا دراسة عادات وتقاليد البلاد

والفكر السائد .. والصناعات اللازمة لشعب زى ده

من اول لعب الاطفال .... لحد الاغشية

بجد بلد تستاهل انى اشيد بيها

وبحكامها .................

دى عن اعجابى بالصين كبلد

ناس بيعملوا دراسة لحياة البراغيت عشان يعرفوا يبيدوها ازاى

عندهم دماغ تفكر .. ماشيين فى نظام .. مظبطين سوق العمل

مفيش بطاله.. ناس تعمل دراسة جدوى وناس تنتج

خليه متكامله .. مش نسيوا حياتهم وعبدوا رغيف العيش

لكن نيجى لبلدنا ......

ايه اللى وصلنا لكده ؟؟

ايه اللى وصل مجتمعنا للإنحلال والانحطاط الخلقى

ايه اللى خلا بلد زى الصين اللى فيها اكبر نسبة دعاره واغتصاب

تفكر تعمل كده لمصر

ما هما المصريين اللى عملوا كده

غياب الدين .. غياب الضمير الدينى

لما تيجى واحده من اللى ربنا يلعنهم وحق فيها قول رسولنا الكريم صلى الله عليه وسلم (العنوهن فهن ملعونات)

تقولك : (ادى المنتج الصينى اللى جه للمصريين المتخلفين اللى عندهم شرف البنت حتة قماشة على راسها ونقطتين دم . اهى الصين جت حلت المشكله وجابت نقطتين الدم ) ومصريه .. وتحمل فى البطاقه مسلمة

بدون ادنى حياء .... صار الجميع يتكلم فى الاعراض .. والشرف

نسيوا خلق الدين .... اذا كان فعلوا الرذيله فى الشارع ... هيتكسفوا من الخوض فى اشياء زى دى

مجتمع قذر .....

مين القدوه .. وزير ثقافه يدعوا للانحلال

ولا اعلاميين منحلين اباحيين .. واحده تدعى ربنا عالملأ تقوله يا رب ما تكتب عليا البس الحجاب ابدا

ولا الافلام الهابطه القذره .... اللى تصويرها كله تقريبا فى اوض النوم ...

والعراء ... والاقذر قلة نخوة الممثلين والمخرجين

يبقى مخرج ومراته بتمثل فى الفلم ويقول للبطل عايزك تبوس بضمير

فين امة محمد .؟؟؟

فين النخوة ؟؟ فين الاسلام ؟؟ وتعاليمه

فين دور الازهر ؟؟؟؟؟؟؟؟؟

نيجى نقول يا دين

يطلعلك فئة قذره من اقذر عباد ربنا .... يقولولك دينى خاص بيا محدش له دخل فيه

وانا عارف اللى بينى وبين ربنا

طب استتر بمعصيتك ... مش عالملأ وتشيع الفاحشه بين الناس

عايزين مصر بعد ما اتملت بالقاذورات دى وبقت معظمها عبارة عن سلة زباله

نبقى مش محتاجين اغشية ؟؟؟؟؟؟؟؟؟؟

لما تبقى معظم فكر الناس .... الدين ده لفئة معينه موش انا اللى اقول حرام ومش حرام

بس انتى عارفه الغلط والصح ... وبعدين الحلال بين والحرام بين

وانا بقا بقول شرف البنت فى نقطتين الدم دول

وبأكد وهخلع برقع الحيا واخوض بس بالصح وكلام يحاسبنى عليه ربنا

انا لو اخويا اتجوز بنت ومكنش فى نقطتين دم انا اول واحده هقف واقوله طلقهاااااااااااااااااااااااا

عشان متوسخش شرف عيلتنا

مهو بالعقل كده انتى شايفه الشرف مش بنقطتين دم يا هانم يا اللى بتتكلمى عن الشرف

حافظى على نفسك واقطعى لسان اى حد .... وخليكى بشرفك لحد ما تتجوزى

لو مفيش نقطتين دم ... يبقى فى تجارب قبل كده

تبقى شريفه ازاى يا بنت الناس يا محترمه

انا عندى مجوزش اخويا لبنت ناس ومحترمه ومعندهاش نقطتين دم

واجوزه لواحده اغتصبت ومعندهاش نقطتين دم ... بس خسرتهم بشرف

ده الفرق بين تفكيرى ... وتفكيرك

تفكير ايجابى انى مخادش البنت بذنب معملتوش

وتفكيرك السلبى .. بانك تبيحى للبنت تعمل كل حاجه باسم الحريه ونوقف كلمة الشرف على نقطتين دم

هتقوليلى مهى ممكن تكون عملت كل حاجه ومفقدتش عذريتها هتفرحوا بنقطتين الدم .. هقولها الاشكال دى هتبقى معروفه

وانا يوم ما اروح اخطب لأخويا هنقيله الدين والخلق والنسب الطاهر .. والطيبون للطيبات ..

وده بقا كلامي للناس اللى بيطالبوا بدولة ليبراليه علمانيه .... او بمعنى اصح الناس اللى بيقولوا خلوها على عينك يا تاجر

عارفين خطورة العلمانيه ايه ........ خطورة فصل الدين عن سياسة دوله ؟؟؟؟؟؟

داحنا دوله تحكم بالشريعه الاسلاميه ... واينعم بيطبقوا بمزاجهم يعنى اللى يعجبهم ييطبقوه واللى معيجبهمش ميلزمهمش

وفى المصايب دى كلها .... بالكم بقا لو فصلنا الدين اللى هو الضمير المانع من اقامة الفواحش والرذائل فى المجتمعات عن سياسة دوله وافراد وسيبنا اللى يصوم يصوم لنفسه واللى يجاهر بالمعاصى مفيش مشكله .. والزنا يملى الشوارع وبنات الليل يبقوا فى الشارع على عينك يا تاجر ... والعنوسه تزيد .. ما هو الشباب بقا مش هيبقى محتاج هنبقى وفرناله المكان اللى يخلص فيه شهوته وفرناله عاهرات

ونبقى مجتمع زى المجتمعات الاوروبيه المنحله باسم الليبراليه والتطور

والضحك عالدقون بقا ... باسم اللى بيقولوا ليبراليه ذات مرجعيه اسلاميه ... بيزينوا هما اللى هما عايزينه

ويقولوا مرجعيه

والليبراليه جزء لا يتجزأ من العلمانيه

وتجيلى واحده تقولك الرسول قال :( انتم اعلم بشئون دنياكم )

ايوه طبعا اعلم بشئون دنيانا ازاى نقومها ونعدلها ... الحلال بين والحرام بين

وما بينهما من متشابهات مش انتى يا زبالة المجتمعات اللى تبتّى فيها .. ولا انت يا قذر يا تربية اوروبا ياللى مسلم فى البطاقة اسماً ولا تعرف الصلوات كم ركعه اللى تبتّ فيها ..

بقينا على شفا جرف هار من السقوط فى جهنّم وبنسأل ايه اللى عمل فينا كده غير ثقافة الانحلال ؟؟؟؟

والأمركه ....

عدوا بقا المصايب اللى هتشوفوها من تحت اصدار منتج زى ده

البنات هتقعد فى البيوت تعنس ...لأن الشك هيملأ قلوب الرجال نحية اى بنت مؤدبه او مش مؤدبه

هيقولك البنت سيد من يمثل ... هى لو قذرة وعايزه تقنعك انها ست البنات هتقنعك خف يبنى ما هم زى الهم عالقلب

اقل مشكله بعد الزواج بين زوج وزوجه.... يوم الزوج هيقول لمراته كلمه ... هتقوله انا متربيه وانت عارفنى على ايه

وواخدنى محدش لمسنى قبلك .... اقل كلمه هيرد عليها بيها .. الله اعلم

انا بس السؤال اللى عايزه اسأله ,, بترموا الغلط على مين ؟؟؟

على الصين ... انا بقول مغلطوش عرفوا ان الرذيله انتشرت واتاكدوا

وعرفوا دماغ المصريين ... مع العلم بالاشاعه المنتشره حاليا ان شعب مصر من اكثر الشعوب تديناً

فعايزين يظبطونا بقا ....

احنا الغلطانين ... احنا اللى سمحنا لناس تجهر بالمعاصى عينك عينك وكل واحد منا يقول انا مالى

نسينا قول النبى صلى الله عليه وسلم : (من رأى منكم منكراً فليغيره )

هتعيبوا على مين تانى وانتم الغلطانين

نعيب على زماننا والعيب فينا وما لزماننا عيب سوانا

فوقوا بقا وارجعوا لربنا

النوم تحت المخده .... هسسسس مش عايزه دوشه

اكتشفت

مع ان المفروض انى ملاحظه الموضوع ده من زمان

ورغم كده كنت بحاول اصبر نفسى

واقول يا بت دى موش مشكله

واكتشفت ان فى ناس كتير زييى

يعنى يا اخواتى ده موش مرض

قالولى لالالا.........

انا حاولت احل المشكله دى كتير

واخيراااا نفع

بحب انام تحت المخده

هههههههههههههههههههههههههههه

محدش يضحك لو سمحتوا

بس بجد معرفش ايه الموضوع ده

اجى احط دماغى عالمخده مرتاحش

اقوم شايله المخده خاااااااالص

وحاطاها فوق دماغى

ودى كانت البدايه

حاولت كذا مره انام عالمخده

عادى بس بحس انى مش جايلى نوم

اقول احاول اتحمل واعصر على نفسى ليموناته وانام

واليوم ده فضلت صاحيه للصبح

واخواتى عشان يصحونى يفضلوا يدوروا على وشى

هههههههههههههههههههههههههههههههه

لدرجة انى لما طلعت معسكر العريش مكونتش بنام

عشان معايا بنات فى الغرفه طبعا

وكلهم بيناموا على مخدات

وانا شايفه انى غريبه جدا

انى بنام تحت المخده

فكنت بستنى الكل لما ينام واشيل المخده

وانااااااااااااااااام

بس اكون ضبطت المنبه عشان اصحى قبلهم

واصحيهم وحسيت انى بدات اتأرق من الموضوع ده

فجيت سألت واحده صحبتى ايه رأيك فى النوم تحت المخده

وكان ردها وااااااااااااااااضح وصريح

كل اللى قالته ههههههههههههههههههههههههههههههههههههههههههههه

يا مجنونه

انا حسيت نفسى كأنى قلت نكته فضلت تضحك قلتلها اصل انا بنام تحت المخده

من زمان والله قالتلى اه شفتك بتبقى عامله زى الاطفال

اتكسفت وقلت الم نفسى من السؤال

وقبل كده سألت واحده برضه قالتلى فى ناس وهى نايمه مبتحبش الدوشه

كده بيحطوا المخده فوق دماغهم

قلتلها بس انا دوشه من غير دوشه بحب اغطى راسى بالمخده

قالتلى عادى انا كمان احيانا كده كل واحد ينام عالجنب اللى يريح

ه حسيت ان ردها ريحنى

المشكله انا اللى كنت فاكراها مشكله وهى مش مشكله اصلا

بحاول انام واحط راسى عالمخده عادى

بس ساعات النوم بتكون اقل

وبتزيد كل اسبوع ساعه او ساعه وربع

وان كان حد عنده المشكله دى ميقلقش

هو بس اكيد مبيحبش الدوشه

واطمنوا على نفسكم

صايمين ولا زى كل سنه

السلام عليكم ورحمة الله وبركاته

كل سنه وانتم طيبين

وبعوده الايام على خير

وربنا يبلغنا رمضان جميعا

ويرزقنا العفو والرحمة والمغفرة

والعتق من النار

رمضان بكره

صايمين ولا زى كل سنه ؟

وفين الفاااااانوووووس بتااااعى

اللى مش هيجيبلى فانووووس

هيبقى عليه فانوس هههههههههه

ربنا يتقبل منا الصيام والقيام

أسألكم بالله كثرة الذهاب للمساجد

ونغتنم فرصه هذا الشهر

واسألكم بالله الدعاء لإخوتنا المظلومين

والمستباح دماءهم واموالهم واعراضهم واراضيهم واملاكهم

فى كل مكان وادعوا الله ينصرهم على اعداءهم

واسألكم بالله مقاطعة من يقاتلوننا بأموالنا

مقاطعة كل المنتجات الاجنبيه المواليه لليهود والدنماركيين

ونعقد النيه لله سبحانه وتعالى الاتقان فى العمل والاخلاص للوطن

والدعوه لله بجهر الصوت

وربنا يجمعنا جميعا بجنات الفردوس

خير نزل قبل ما اختم البوست

هوصيكم وصية خير

* احفظ لسانك من الغيبه والنميمه حتى لا تكون كالذى اكل لحم اخيه ميتا

وتخسر صيامك

* كن من الكاظمين الغيظ والعافين عن الناس

*وارحم تُرحم

*واتق الله فى السمع والبصر والفؤاد

يغنيك ويتقبل صيامك ان شاء الله

وانتظرونى برمضان

مين فينا اللى غلط؟

السلام عليكم ورحمة الله وبركاته

وحشتونى وحشتونى وحشتونى

والله بجد

انا عارفه انى مقصره فى نفسى وفمدونتى وبكل حاجه تخصنى

كل سنه وانتم طيبين بمناسبة رمضان

كل سنه وانتم بألف خير وبركه

وربنا يبلغنا رمضان جميعا

داير بدماغى كتير من المتناقضات والاعتراضات وحاجات شايفاها صح وحاجات شايفاها غلط

ناس ضاله وتجهر بالضلال فرحا بيه .. ولما حد يقولهم انتوا غلط .. يصروا عالمعصيه بفسق

وناس صح .. بس للأسف حاجات كتير بتمنعهم من انهم يجهروا بالصح ده

موضوعات كتير عايزه اناقشها معاكم

موضوعات بتلف بدماغى وترجع ب360 درجه

شعور كده زى صدمة بتاخدنى لما اقول لحد مسلم انت غلط والدين بيقول كذا

ويرد يقولك انا كافر وان كان عاجب

وناس كل همها الشهرة .. مش همها الدعوه للفضيله بالعكس الجهر بالمعصيه عشان الشهرة

او مطالبه بمجتمع محترم عشان التفاف الرأى العام حواليهم .. ومصلحه شخصيه وهم اصلا لا يعرفون

عن الدين شئ

غير مجرد تلقين وتربية فى مدارس اللغات والعلمانيه

وللأسف يا ريت عن الدين بس لا

ولا حتى عن العلم

ولا المبادئ

مش بعادى اشخاصهم ولا ذاتهم

انا بس نفسى يعرفوا ربنا نفسى يعملوا لله مش للشهره

نفسى الغلط يعترف بغلطه

والصح يعلى صوته وميخافش

حاجات كتير هناقشها معاكم قبل رمضان

وكل سنه وانتم طيبين

التعليم ..... بدون عنوان

السلام عليكم وحمة الله وبركاته

وحشتونى جدا ووحشتنى تعليقاتكم وتريقاتكم وفرحتكم فيا حتى فى البوست اللى فات

بس انا جايه النهارده اطلعلكم هلاويسى وافكارى اللى حابساها ومفقوعه منها وجاية اناقشكم فى مشكله بجد بتمس

مجتمعنا المصرى وقلة وعيه وانقياده وراء الهوى بلا تفكير

والمعتقدات الخاطئة والمظاهر الكاذبه

المشكله دى هى

قلة الوعى التعليمى عند المصريين

اكيد طبعا فى منكم اللى فاهمنى وفى منكم اللى هيقولى يعنى ايه

محنا بنذاكر ونحفظ الكتب ونصم ونحط فى الورقه وبننجح وبقينا اهو كل واحد فى شغله منصب قد الدنيا

وانا حد قدى

قعدت عشر دقايق قبل امتحان اللغه العربيه لأمل اختى معاها هى وواحده صحبتها مع العلم انها فى الصف الثالث الاعدادى

وبالطبع كسياسة تعليم فى مصر

لو جبت مجموع دخلت ثانوى عام

مجبتش مجموع ( دخلت النار ) اقصد ثانوى تجارى او صناعى

وبالتالى محدش له نفس ن العيال يدخل صنايع او تجاره

حلووووو

بسأل البنوته صحبة اختى

نفسك تدخلى ايه يا امورة بعد الاعداديه

قالتلى ثانوى طبعا دنا لو دخلت صنايع امى تدبحنى

اومال بحفظ ومش لاحقه افهم ليه عشان اجيب مجموع

فكرت فى نفسى ولقيت ان القضيه دى مش قضيه اختى واصحابها دى قضيه المجتمع المصرى بحاله

ونظرته للمظاهر الكاذبه والفشل فى الحياة الدراسيه فى الثانوى والجامعه مبنيه على قلة الوعى التعليمى

لأن البنى ادم المصرى يتمنى ابنه دكتور ومهندس

وانه هيبقى نظرة المجتمع ليه مش كويسه لو طلع سباك او نجار مع انهم بالطبع متساويين فى احتياج المجتمع ليهم

مهو السباك دكتور فى مهنته والنجار دكتور فى مهنته

وقد يكون السباك والنجار على قدر من الثقافه الملم بيها الدكتور وزياده

ليه دايما اللى يدخل مدرسه صناعى يبقى اقل من مستوى الجامعيين

مع انه لو فى وعى نحية الطلبه اللى بيدرسوا فى المدارس دى وان اساتذهم يفهموهم ان وجودهم فى المدرسه اصه بناء

مجتمع وبناء حضارة لأن بدونهم بجد المجتمع مراكبه متسيرش

لأن علم المعلم نظرى لكن علم طلبة المدارس دى علم وعمل

لو فى وعى انهم يجتهدوا ويخرجوا للمجتمع كبناة حضارة بدفعه

وفهم مش خريجى اعدادى مش بيعرفوا يقروا عشان يترموا فى المدارس دى ويعدوهم كده

اكيد فاهميننى ربما لم يحالفنى الحظ انى اكمل الموضوع ده دلوقت لأنى فى الغربه بس ليه بقيه

انا عايزه المدارس الصناعيه والتجاريه تشتغل احسن من مدارس الثانوى الشغاله اونطه بالصم بدون فهم ولا عمل

ويطلع شباب الجامعات معظمهم شباب تافه ينزل فى مواد وممكن يعمر فى الجامعه ويبقى خبره سنين الا من رحم ربى

اما بالغش .... ولا يخفى علينا

او يعدى بماده ومادتين ومعندوش ماده علميه يخرج بيها يبنى امه بعلمه

او معندوش فهم وميكملش اصلا

الشعب المصرى انا عايز ابنى يطلع دكتور ومش مهم ازاى المهم انه يطلع دكتور

طب ايه رايكم لو كل الناس دكاتره هنبنى بيوت ازاى

وهنجيب ابواب وشبابيك منين

وهنصنع ايه اكيد كله استيراد وتصدير وعيالنا يقعدوا يشوفو العيانين ويعالجوهم بس ويا ريت هيعالجوهم دول هيستوردوا الدوا من بره عشان يعالجوهم

انا نفسى حد يقدر كلامى ويفهموا انا طولت معاكم بس دى مشكله الشعب المصرى

قلة الوعى فى كل حاجه

اتمنى تعليقاتكم ووجودكم معايا بمساهمه فى وضع حلول انا عايزه جهات تساعد فى نشر الوعى التعليمى الاول

على المعلمين اللى بيربوا الاجيال ويفهموهم معنى العلم والعمل وازاى اوروبا وغيرها تقدموا وبنوا حضارة

وبعدين على الطلبه واولياء الامور وخاصة الاعلام لازم يوجه انظاره لكده

أجازة ... قصدى امتحانات

محدش يتخض مش علطول طبعا انتوا عارفين انا مش بيأس

السلام عليكم ورحمة الله وبركاته

يا حبايبى يا منوريننى دايما

انهارده انا جايه استأذنكم شويه صغيرين شهر واحد بس وهرجع تانى

انتوا عارفين الامتحانات

ويوم ما هرجع هعمل عيد ميلاد للمدونه انتوا عارفين فى شهر 6 بدأت تدوين

ادعوووووووووووووووووووووووووووووووووولى السنادى تعدى بفرحه وخير

وربنا معانا جميعا ....

طيفك حبيبى ..

يا طيف جميل جالى ورسم احلى ابتسامة عالشفايف شفتها

فى مرايتى انا ....

عدى ييجى خمسين سنه...

معرفتش معنى ابتسامه ..!!!

جيت بالحنان رسم الهنا على ملامح وشى انا ..

جيت وابتديت احلم معااااااااك .. ببيت صغير ملكنا

جيت بالامان طمنت قلبى اللى كان حتة حجر

طمنت قلبى بكلمة حلوة من زمان مسمعتهاش

رجعتنى ابقى أنا........

ومن غير سبب سيبتنى فجأه كده

من غير كلام ولا حتى ليا كلمة عتب

يقتل فى قلبى من التعب

ودموع عينيا من ساعتها بتسألك .......

هو انت حـــــــــــــ ــلــــم ..؟؟

مكـــــــــــــــــســـــــــور يا قلبى من الوجع

مكسور حبيبك سابك من غير ما حتى يودعك

من غير ما يعتب ويسمعك

ايـــــــــــه غلـطلتك ؟.

سلمت قلبك لإحساس اماااااااان

منت يا ما من غيره شفت الحنان

ومــــــدتــش فرصه للسمع

مدتـــــــــــش فرصه لحد تانى يسمعك ...,

كل المشاعر .. جه حبيبك بالفرح .. راح بالألم

لــــــــســــــــاه فى قلبك بالنغم ....

مش تستنى تانى هتتصدم

اسمع كلامى .... تبكى حروفك يا قلم

حبر .. لكن خسارة مفيش ندم

لــــساك يا قـــلـــبى عــــــــنـيـــد حــجـــر!!

مبيتصلحش اللى اتكسر

جواك جراح بإيــــــد حـــــــبيــــبك!!؟؟

امـــــســـح دمـــــوعك !!!!

بكره ييجى ويسمعك

بكره ييجى ويداوى اللى بيوجعك ...

وجع روووووووووووحى

امتى حسيت انك عايز تعيط ودموعك تغسلك من كل كلمة اتخدعت بيها ؟

امتى حسيت انك عايز تفقد الذاكره عشان تنسى ناس مهمه لقلبك اتخدعت فيهم ؟

امتى حسيت انك كاره كل لحظه عشتها ؟

امتى حسيت الوجع بيسكن كل حته فى جسمك من غير مرض ؟

امتى حسيت انك صغير وضعيف ومشاعرك مع الى حبيتهم مش متقدره

والكدب ملى دنيتك بطريقة خلتك تفقد الثقه حتى فى اصدق الناس معاك

امتى حسيت انك عايز فعلا تعيش لوحدك من غير ما تسمع صوت اى حد

حتى نفسك ؟

امتى حسيت ان مفيش اصحاب بجد يستاهلوا انك تقف جمبهم او حتى يقفوا جمبك

امتى حسيت انك جافى وقاسى واتحولت من ملاك طيب لبنى ءادم كاره حتى نفسك ؟

احساسك بوجع روحك بيقتلك وقلبك عمال بينبض بهدوء قرب على الصمت

واقرب الناس ليك الى عايشين معاك بدال ما يمدوا ايديهم يمسحوا دموعك

ويطبطبوا على كتفك بيجيبوا خناجر ويزرعوها فيك

وصدمتك فى اللى حواليك وبتحبهم اكبر لما تكتشف انها وجوه مزيفه لكذب فى كذب

محدش يفكر ان الدنيا حلوة قوى بالناس

الدنيا من غير ناس اجمل كتير

كل اللى هقوله

يااااااااااااااااااااااااااااااااااااااارب هون عليا

واحينى ما دامت الحياة خيرا لى

وامتنى ان كان الموت خيرا لى

معدش ليا من الحياه اى طلب او امنيه غير انى ابعد عن كل الناس الى بيجرحوا