بعد اذنك ممكن تتحغش بياااااااااا

سورى موضوع ساخر

بيعبر عن تفاهة البنات الى لابسين من غير هدوم

وحملة الاصلاح الذاتى والتربية الدينيه

البنوته بتكلم (سونسون ) فى الكوافير وهى بتعمل شعرها

بالمناسبة (سونسون ) هو المسئول عن المكواه والسيشوار هناك

البنت :

تخيل يا سونسون !!

انا جاية انهاغده اوشوشك بحاجه غغيبة جداً!!! حصلتلى

وانا ماشية انهاغده فى اكبغ شاغع فى مصغ (مصر ) يعنى!

فاغدة الشعغتين !!

ولابسه بدى فوق ( السغه )

والجيبة الميكغو بتاعتى عاغفها يا سونسون الحمغا دى

سونسون :

تبعا يا (سونا هانم )

دى بتبقى هتاكل من جسمك حته

يايايا

انتى طول عمرك جميلة

المهم كملى ايه اللى حصل شكلك متوتره

البنت :

تخيل يا سونسون !!

ولا واحد لفت نظره تسغيحة شعغى

ولا واحد خد باله من الميكغوجيب بتاعتى

ولا واحد قاللى انهاغدة ايه الجمال ته

سونسون :

ايه اللى حصل فى الدنيا

الرجاله مبقاش عندها نظر

فى حد يسيب الجمال ده وميعجبش بيه

لا يا سونا هانم معندهمش حق

بجد عمى النظر

البنت :

عندك حق يا سونسون

هما الغجاله حصلهم ايه

ولا انت سغك مبقاش باتع فى التسغيحه بتاعتى

ولا ايه !!!

انا اتعقدت انا هيجيلى انهياغ عصبى

لا ولو عغفت الباقى هتعيط معايا انا مكملتلكش

سونسون :

ايه اللى حصل فضفضى

البنت :

اثاغوا فضولى كل واحد منهم مشغول بحاجه تانيه غيغ البنات

وواحد واقف بعيد وملموم الناس عليه غحت اشوف فيه ايه قلت يمكن

فى بنات هناك احسن منى

سونسون :

فشروا هو فى احسن منك

البنت :

والمصيبه انى غحت هناك

لقيت ناس كتيغ ووقفت شويه لقيتهم بيزقلونى لوغا

ولقيت واحده بتهمسلى تقولى غوحى البسى حاجه

قلتلها ما انا لابسه

انا مش عاغفه هى مش كانت شايفه هدومى ولا ايه

دى الميكغو جيب بتاعتى غاليه جدا

ب950 جنيه والله يا سونسون

سونسون :

صادقه يا سونا هانم

البنت :

والله يا سونسون وماليك عليا حلفان

انا شفت البنت الى قالتلى كده اتخضيت

دى مداغيه شعغها ولابسه حجات واسعه

كده شبه الغفغ الى مش بيتعاكسوا

والمصيبه ببص فى ايدها الشمال

لقيتها مجوزة

وهى اصغغ منى

شفت المصيبة يا سونسون

سونسون :

الرجاله مبقاش عندها نظر

خلاص مبقتش بتشوف

البنت :

المشكله يا سونسون مش فى الجواز

الجواز ده نصيب المشكلة انى حتى

مبقتش لاقيه حد يعاكسنى

مش لاقيه حد يتحغش بياااااااااااااااااااااااااااا

اعمل ايه يا سونسون

انا منهاغه

منهاغه

منهااااااااااااااااااااااااااااااااغه

انا نفيستى باظت

عايزه حد يعااااكسنى

يبصبصلى حتى

يتحغش بيااااااا

ولو بالنيه

الا كل واحد فيهم باصص فى الاغض

ومعلق على صدغه ((((( راقى .. بأخلاقى )))))

(((( الحجاب عفه ))))

شوفلى وصفه يا سونسون انا معنتش قادغه اتحمل

سونسون :

عندى الحل هغيرلك تسريحة شعرك واعملى زيهم وعلقى

على ضهرك (((( محجبه ))))

البنت :

تفتكغ يا سونسون هعجب بعد ما اعلقها

هتعاكس من تانى هعجب من تانى

هيتحغشوواااااااااااا بياااااااااااااااا

حجابى واللى مش عاجبه

الحجاب

امر من الله سبحانه وتعالى

لنساء المؤمنين

الحجاب رمز العفة

الحجاب فرض

الغرب والمشركين واعداء الاسلام بيحاربوا الحجاب ليه ؟؟

شايفينه غباء ورجعية

وتخلف ...

تفتكروا الى مش لابسين حجاب بيعملوا ايه عندهم غير وجودهم فى الشغل زى الرجال طول النهار

وبالليل فى النايت كلاب تشرب وترقص واخر الليل تروح مع واحد على بيته

ايه التقدم فى كده ؟؟

الحجاب قيد .. ؟؟

قيد فى ايه

بيمنع الزنا والفجر والدعاره العلني يعنى بمعنى اصح الراجل لما يشوف واحده مش محجبه

وواحده محجبه مش هيروح يطلب من المحجبه تروح معاه عالبيت

سورى فى الفاظى بس فى مدونات استفزتنى بكلامها عن الحجاب

وانه سبب فى الرجعيه والتخلف

ثانيا لما يكون فى محجبات مش ملتزمين بأداب الحجاب

دى مش عار على الحجاب ولا عيب فيه كمميز للمسلمه المتدينه بالعكس

لكل قاعده شواذها

ممكن تكون لابسه الحجاب موضه

او عشان تستهزأ بيه ودى متكونش مسلمه بالتأكيد ومصيرها جهنم

انا عايزه اسأل سؤال الحجاب تاعبهم فى ايه ؟؟

لما نقلعه هيرتاحوا ؟؟

لما تكون واحده من المعاقين ذهنيا لابسه حجاب لما تخلعه هتفهم ؟؟

تفتكروا ده كلام ناس عاقله او بتفكر

الحجاب عفه وكرامه

قيمة المراة فى حجابها مش فى عراها ورخصها وكونها ببلاش قدام الى عايز يتفرج

والحجاب مش حجاب للشعر بس عشان تنتقدوا الى مغطيين شعرهم الحجاب حجاب لجسم المرأة كامل

قال تعالى فى كتابه العزيز

( يا ايها النبى قل لأزواجك وبناتك ونساء المؤمنين يدنين عليهن من جلابيبهن ذلك ادنى ان يعرفن فلا يؤذين )

صدق الله العظيم

معنى كده ان الحجاب مانع للمرأة من عيون الذئاب ونهش عرضها وكرامتها

اما المحجبات مظهرا ويخالفوا تعاليم الحجاب فلا يعبروا عن المحجبات المؤمنات بل هم شواذ

لا نعتبرهم محجبات

الحجاب عفه

الحجاب عصمة

الحجاب ايمان

اقسم بالله بدعه وانا بريئة منها

السلام عليكم ورحمة الله وبركاته

طبعا انا هتكلم انهارده عن موضوع مهم جدا

يهمنا كلنا وهى البدعه المسماه (بعيد الحب )

الغريب ان كل الناس بتحتفل بيه الا من رحم ربى

وتلاقى التيشرتات الحمرا والورود

والبرفانات وال......... وال...........

وال ............

وطبعا كلنا لا يخفى علينا ال... وال.....

المهم ان اليوم ده يوم بيحتفل بيه الكفره الغربيين

والتقليد الاعمى والتشبه بالكفره حرام شرعا

والرسول صلى الله عليه وسلم قال

( كل مستحدث بدعه وكل بدعه ضلاله وكل ضلالة فى النار )

يعنى بمعنى اصح انت وانت بتشترى الهديه بتاعت عيد الحب

انت بتشق طريقك للنار

الحب فطرة ربنا سبحانه وتعالى وضعها فى قلوبنا

بس احنا بنفهمها غلط وبنتعامل معاها غلط

ليه ميكونش الحب كل يوم

هل هيزعل زوجك لو اهديتيه هديه فى غير هذا اليوم

بالعكس هتبقى نفس الفرحه ويمكن احسن

ايه المانع لو كل يوم احيينا الحب فى قلوب كل من نحبهم

بهديه .. بكلمه .. بفعل ..

اسلامنا يدعوا للحب والتعاون والحب مش بيبقا بين الاحبة فقط بالعكس

الحب لازم يكون موجود بين الاهل داخل الاسرة

ايه المانع لما كلنا نهادى بعض ولو بكلمه او ابتسامه كل يوم

بالله عليكم روح الترابط هتزيد او هتقل ؟

الحب بين الجيران بالقاء السلام واحياء الحب ولو بابتسامه

قال صلى الله عليه وسلم ( الكلمه الطيبه صدقه )

( والابتسامه فى وجه اخيك المسلم صدقه )

شفتوا الاسلام بيوزع حب وحسنات فى كل المعاملات اليوميه

ليه ميكونش الحب كل يوم

ولا احنا بنقلد الغرب فى كل حاجه

ممكن تخبى الحب طول السنه ونطلعه يوم واحد

تفتكر حبيبك مستنى منك هديه

الفلوس الى كل يوم بنضيعها فى الورد ممكن نجمع فلوسها بكل حب

ونديها للمحتاجين حناننا وحبنا اخواتنا الى محتاجين كل قرش فى العلاج

قال صلى الله عليه وسلم ( لا يؤمن احدكم حتى يحب لأخيه ما يحب لنفسه)

اسلامنا بيدعوا للتعاون والبر والحب

الحب فى كل الاحوال بين الجميع

بين الاخوات والاصحاب والجيران وكل افراد البشر

ولا مانع من اننا نهاديهم

النبى صلى الله عليه وسلم قبل الهديه

ولكن دون اعتبار اليوم او الهديه كعيد

او تقليد للكفار

وعسى الله ان يرحمنا ويطهرنا من افكارهم وانا بدعوا الجميع لمقاطعة هذا اليوم

البدعه ...

ياللا نعمل حاجه

انا ببكى من جوايا عاللى بيحصل كل يوم

فى فلسطين .. واهل غزة المحتاجين

رغم بعدى عن موطن الاحداث

الا ان الاخبار الى بسمعها والكلمات الى بتعدى عليا

والصور الى بشوفها فى المجلات على الانترنت

وصور القتلى والجرحى والاطفال الى اتيتموا

وتهديم المنازل وغلق المعابر

وظلم العرب للعرب

والتواطئ قاتلنى ونفسى اعمل حاجه ولو صغيره

عشان يوم ما اقف قدام ربنا

اقوله يا رب انا عملت

ولو عجزت عن اى عمل ابقى حاولت

انا بمدلكم ايدى نتجمع سوا

ونعمل عمل جماعى

وانا عن نفسى معرفش جهات مسؤله عن جمع تبرعات لغزة

بس ممكن الى يعرف يحاول يساعدنا ونكون مجموعه

هدفها مساعدة اهالى غزة وتكون مجموعه متوسعه بكل مجالاتها

اكيد كل واحد مننا لازم يكونله دور الفنان له دور والكاتب له دور

والطالب له دور والطبيب والصيدلى والتاجر وصاحب المال

كلنا نبقى ايد واحده

نساعد اخواتنا فى فلسطين وننسى

موضوع التقسيم بتاع البلاد العربيه وانهم فى بلد واحنا فى بلد

كلنا بلد واحده مفيش فواصل نفس اللغه نفس الدين نفس الهويه

ايه الى ما يجمعنا غير شيطان مغروس ما بيننا ومسميات

موضوعه عشان يفرقوا كل الاخوه

وزى ما مفروض جهاد على اهل غزة دفاع عن بلدهم

مفروض علينا عشان احنا مسلمين

وهما كل هدفهم القضاء على الاسلام

محدش يقولى ازاى المصريين يدافعوا عن بلد غير بلدهم

بلدى هى كل بلد فيها اسلام

بلدى افغانستان ومصر والمغرب وتونس والجزائر والسعوديه

وكل بلد اجنبى او عربى فيها اسلام يحارب

انا مش ارهابيه

ورأيى مش بيعبر عن مجموعه بنضم ليها

رأيى بيعبر عن هويتى

التى تطالب بالدفاع وليس البدء بالظلم

يا ريت تحسوا بأهلكم فى فلسطين

احنا ممكن نعمل للفنانين حفلات مسرحيه

ونخصص اموالها للتبرع لأهل فلسطين

نخصص اموال من الصدقات من الجمعيات المسؤله لأجل فلسطين

الطلبه يتبرعوا باموال ودم وملابس

وكل الى يقدر يعمل حاجه يعملها

وانا عارفه انى مش اول واحده تعمل كده

واكيد كتير عملوا الافكار دى قبلى

بس يمكن فكرتى دى

تتيح لناس كتير بايديهم يعملوا حاجه يساعدونى

ويعملوا حاجه

انا مواطنه عاديه

بضحك وبهزر وبكتب شعر وبحضر حفلات

واسمع اغانى

مش متناقضه بس الدافع الانسانى هو الى خلانى اقول كده

انا مش ضد حد بس نفسى نفوق كلناااااا

وشكلنا بقا وحش قوى قدام العالم واحنا بايدينا نعمل كتير ومبنعملش

ويا ريته رأى الشعب المصرى

رأى النظام لا يعبر بالضرورة عن رأى الشعب المصرى

ولكن ربما يروا مالا نراه

قتلنى الفراق عوودى

وحشششششششششتونى جدا

ووحشتنى مدونتى

وللأسف راجعه من غير الحماس القديم

بس فى كل يوم جديد

وحشنى اللف بين المدونات وتصوير الاحداث

وحشتنى بوستاتكم

انا هطلعلكم دلوقت ببوست يا رب يعجبكم

واشوف بقا عوده حميده لمدونتى وتعليقاتكم

وليكم عندى مفاجآت

جديده انتظروووووووووهاااا

وقت اللقاء كأنه

.. موعد يا أمــــــى مع الحياة

وكأن روحى سقيمة

.. ورويت من بئر الحنان

هل لى يا أمـــــى بعد حضنك موطنا

هل لى أمــــــ ــ ـــا ن !!!!

وكأن لحظاتى السعيدة

.. ثانيــة راحت على مر الزمـــــــ ـــــ ـــــان

وتطول سنوات الفراق كأنها بئر من الاعوام

أمـــــــ ـــ ــاه .

.. قدرى الفراق مع كل احبتى .

.. قدرى اغتراب فى موطنى قدرى .. بكــــــاء

قدرى .. حرمـــــ ــ ــان

ليس اعتراض على المشيئة انما ..

صرت الجسد الذى لا روح فيه

اخبرينى متى تعودى

وتعــ ـ ـيديه ...

أماه حين اللقاء تجددت أسمى المعانى للحـــياة

فرح اللقاء جدد آمالى فى النجـــ ـ ـاة

وكأن روحى فراشة وسط الزهور

تتباهى بالألواااان

أماه لا تنوى الرحيل مجددا

لا تأخذى روحى ..

لا تسلبى منى الحـ ـ ياة

وتوسلات للقدر وكأننى ....!!!!

طفل صغير يحتضر

بل طفل صغير واحتضر

منذ الفراق

متى تعودى .. وتعيدى لى روحى انا

متى تعودى اخبرينى

متى اللقاء

اخبرينى متى اللقــ ــاء

طير مجروح

اسمع صرخة طير مجروح في قلب السما العاليه

وسط الضلمة الناس نايمين مين يسمعله آهات وانين

مين يداويله جروح سنين باتت تحرق تقتل فيه

ويا ريت الناس فاهمينويا ريت الناس سامعين

واللى بيسمع منهم يضحك

ويقول شوف الطير ازاى فرحان

صوته بيدوي في كل مكان

لكن جرحه اللي مخليه

صوته يدارى أحزان فيه

آه يا طيري يا مجروح زيي ومين هيحس بوجعك غيري

مين يداويلك جرح بينزف

ما انا لو ألاقى اللي يداويني كنت لاقيت اللي يداويك

يللا يا طيري السكة واحده

لكن حتى أنت أحسن منى انت بتصرخ وصوتك يدوى فى كل مكان

لكن انا عاجز ايوه انا خايف ليفتكروا إن انا ضعفان

خايف يعرفوا إن انا مكسور إن انا مجروح هو انا غيرهم دا انا إنسان

عارف لو عرفوا ان انا مكسور هيدوسوا عليا

ولا هيحسوا بأوجاعي اللي بتقتل فيا

انت حاسسنى يا طيري مين ليا غيرك ومن لك غيري

همك على همى وننسى وندعى يا رب قلوبنا ما تقسى

ياللا اصرخ ياللا وهاتى ما انت بصوتك يخرج منى آلام سكاتى

ياللا يا طيري اصرخ ..................... اصرخ

فلم اباحى عربى

فلم اباحى عربى .. متصور فى غزة

اول لقطه فيه

هى فخر لكل ابطاله

الى دورهم فى الفلم صامت وهو لذة المشاهده

وحبس الشعوب عن فرض الله فى الجهاد

تضامنا مع بوست

خالو احمد الصباغ

اصمدى يا أرض غزة

واصبرى يا ام الشهيد

بكل عزة ...اصمدى يا غزة

وقلوبنا معاكى

لو يدونى حقى فى انى ابدى رأيى

كنت قلت انك حقك فوق رقبتى

وحياتى فداكى

اصرخى صحى العرب وفوقيهم

فكريهم ان جى الدور عليهم

حيى فيهم النداله ورقص بلدى

لواحده خسرت شرفها بدرى

بجوع وفقر .. ولما عرفت ان الكلب فيهم

هو سيدهم ..

بقا فخرها بدلة رقص تهزها

وتاخد فلوسهم ..

فكريهم ان الغاز بتاعنا اصله سادة

وصيهم يحملوه سكر زيادة

وعلى طاولة المفاوضات اديهم زهر اسود

لون وجعنا

وورد احمر...

لون دماء اشرف ولادك

والكاسات مليانه بيره

والعيال قاعده بتصرخ بق ميا

والمستشفيات قاعده بتنزف ميت شهيد

فى الساعه كفايه لا ارحمونا

فينك يا ارض الكنانه انجدينا ...

مين يسمعك يا ارض غزة انتى كمان ارحمينا

انتى حتى لسه بكرامتك

اما احنا استعبدونا ....

وان سألتى على شعب مصر هيقولولك

دورى فى كام طابونه

او فى الحوارى .. او تحت صخور جبل الدويقه

او حتى فى الغرز .. ويا الحشيش الى صار مباح

خلاص يا ارضى الشهم مات .. والعز راح

رجالتنا انتهوا ايام تلاته وسبعين

جايه بتدورى على مين

طيب اقولك لفى حتى عالخريطه واسألى

عن نخوة واحد زى منتصر

عالبر التانى خوووف وانتشر وسط البشر

فاكرة مكة والمدينه .. ودعا محمد نبينا

وهتك ستر بنات فى تونس من حكومه

تحت اسم عروبه تهتف

اسمعى يا ارض غزة لسه فينا كتير جواهم

نخوه لكن لسه عايزه تصحى اصرخى فوقيهم

اصرخى صحى ايمانهم وعرفيهم ان جى الدور عليهم

وقوليلهم امتى تستاهلوا انكم تبقوا عرب؟

وقوليلهم امتى تستاهلو انكم تبقوا عرب ؟

افتراءات على رسولنا الكريم

بسم الله الرحمن الرحيم

( وما قتلوه وما صلبوه ولكن شبه لهم )

(لَقَدْ كَفَرَ الَّذِينَ قَالُوا إِنَّ اللَّهَ هُوَ الْمَسِيحُ ابْنُ مَرْيَمَ قُلْ فَمَنْ يَمْلِكُ مِنْ اللَّهِ شَيْئًا إِنْ أَرَادَ أَنْ يُهْلِكَ الْمَسِيحَ ابْنَ مَرْيَمَ وَأُمَّهُ وَمَنْ فِي الْأَرْضِ جَمِيعًا وَلِلَّهِ مُلْكُ السَّمَاوَاتِ وَالْأَرْضِ وَمَا بَيْنَهُمَا يخْلُقُ مَا يَشَاءُ وَاللَّهُ عَلَى كُلِّ شَيْءٍ قَدِيرٌ(17)) المائدة
صدق الله العظيم

السلام عليكم ورحمة الله وبركاته

انا هحكيلكم موقف طازة لسه حاصللى حالا

خلانى زى المجنونه ... او زى الى حد اكلها عيل

المفروض انى ورايا بحث بموجب دراستى فى كلية اصول الدين

فى مادة علوم القران .. وكان البحث ده عن الوحى

وطبعا بما انى من الطبقه بتاعت الهاى تك

مينفعش يبقى عندى جهاز كمبيوتر وعلى الانترنت الكم الهائل من المعلومات ده

واروح مكتبه استخلص منها بحثى ......

فكتبت على جوجل الى عايزة ابحث فيه وهى

(احوال النبى صلى الله عليه وسلم عند نزول الوحى عليه )

طبعا عمكم جوجل ما صدق وقام مطلعلى كم هائل من النتائج فتحت صفحه

وبدأت اقرأ ومندمجه مع الكلام وفعلا فى حاجات معظمها من الى بيدرها وطول ما انا بقرأ

ما لقيتش اسم الرسول فى الصفحه دى مقرون ب (صلى الله عليه وسلم ابدا )

قلت يمكن على اساس انه سرد خبر عن الرسول

والاقى آراء واحايث مخرجه من البخارى ومسلم وابو هريره وطبعا لأنى لا املك العلم الوفير لأن أكون متأكده ان ده كلامهم

فبصدق واكمل قراءتى

المهم لقيتنى بقرأ اشياء غريبة شككتنى فى نفسى

وبدات اقول الكلام ده مش عقلانى ولكن هو استدراج بس اكمل اقرا للأخر

والاقى بين السطور ان ما اقرؤه عن الوحى يشير الى وجود مس شيطانى بالنبى صلى الله عليه وسلم _ معاذ الله

وانا اكاد الجنون ياخدنى الكلام ده حقيقى ازاى وفعلا بعض الاحاديث صحيحه

ولكن من خبث الكاتب وشيطانيته شرحها بموجب ما يريد بثه للقارئ من افكار خبيثه

وغير حقيقية عن حياة الرسول صلى الله عليه وسلم

بدات ابحث بجديه عن الاحاديث واخرجها من المكتبات الموثوق بها فوجدت معظمها احاديث وروايات موضوعه

كذبا على النبى ( صلى الله عليه وسلم )

والى اثارنى انى وجدت فى نهاية الصفحة روابط اخرى لصفحات عن حياة الرسول صلى الله عليه وسلم

تمس بذاته وبحياته وتدلى بكذب عليه صلى الله عليه وسلم

وفى نهاية الصفحات الكاذبه عنه وعن زوجاته رضى الله عنهن وارضاهن

وجدت

هذه الجملة اللى خليتنى نفسى اوصل للعالم كله

ان الشيطان قريب قوى مننا وانه مستنى اى ثغره يدخلنا منها

وبيستدرجنا للوقوع فى شباكه

الجمله دى هى الصدمه الى فقت بيها من قراءة الصفحات القذره الكاذبه على رسولنا صلى الله عليه وسلم

والى فيها ((((((((((( الله يا أحبائي يعرف ضعف بشريتنا ومن أجل ذلك أرسل لنا روح القوة لكي يعطينا إمكانية ضبط النفس والسمو عن نزوات الجسد، والسيطرة على غرائزه حتى لا نكون عبيدا للجسد وشهواته.
هل أدعوك يا أخي المستمع الكريم لكي تقرأ عن شخص السيد المسيح ومبادئه الفائقة ونعمته الغنية التي يعطيها لنا بمجرد طلبنا منه هذه النعمة. أتمنى أن نبحث عن خلاص نفوسنا، قبل أن نقف أمام الله ولا تشفع أية حجة واهية فها نحن نسمع صوت الله المحب كرسالة شخصية لكل واحد منا. هل تستجيب؟؟!! أصلي أن يعطيك الرب رحمة ونعمة. آمين. ))))))))))))

انا اهو طالبه ازهريه استدرجنى بكلامه الغريب اللى كان ممكن يوقعنى فى شباك الشيطان القذرة

فالله اكبر وياللطامه الكبرى لو واحد يادوب بيصلى ويصوم ويذكر ربنا ومعندوش وعى ايه الى ممكن يحصله

ولو انا موجدتش اشياء غريبه تشككنى فى كلامه أو مش عندى خلفية عن سيرة الرسول العطره

النقيه الطاهره الذى صدق فيه الله تعالى اذ قال ( وانك لعلى خلق عظيم )

وقال تعالى ( ورفعنا لك ذكرك )

ليه الحقد الدفين اللى بيكنوه لنبينا المصطفى العظيم الكريم

لأنه افضل خلق الله اجمعين واطهر من عرفته البشريه

والله ان المسيح عيسى ابن مريم بريئ ممن كتب عن رسولنا الكريم ( صلى الله عليه وسلم ) اى كذبه

وبرئ من كل ما يفعلوه ... وان المسيح لمن المسلمين .... واولهم اعترافا بالرسول صلى الله عليه وسلم

واولهم مبشرا به ..( ومبشرا برسول يأتى من بعدى اسمه احمد ) صدق الله العظيم

لن اقول سوى كفى بالله عليكم حسيبا ....

وكفى به رقيبا ولدعائى مجيبا

اللهم رد كيدهم عليهم (( ويمكرون ويمكر الله والله خير الماكرين ))

انا ده الى حقوله ومتهيألى دلوقت كل واحد حس بالمسؤليه قصاد نفسه وان عليه دور لازم يعمله

للوقوف ضد هؤلاء الكاذبون .. ودحض اكاذيبهم ( كبرت كلمة تخرج من افواههم ان يقولون الا كذبا ) هذا ما قاله الله تعالى فيهم

وحسبى الله ونعم الوكيل

انا كل خوفى على المسلمين الى ممكن يستدرجوا للوقوع فى شباك هؤلاء الحاقدون

وربنا يحمينا من شرارهم ويعيننا على انفسنا وعلى الشيطان

بك أبتدأ

بك أبتدأ عمرى الجديد

وبك انتهى ... من لحظات الماضى الاليمه

بك استطيع الخروج الى جنان العز .. متوجه

وكأننى ملكة لأرض العشق .. وقاتله

لزمان قهر .. عذب مقلتى من الدموع

وحول عمر الصغار الى الشبيبة .. والكبر

بك ابتدأ .. ولكن صبرا لم يحن ذاك الابتدا

حتى العب لعبة الانتقام .. وويحك ..

لو حاولت منعى .. فاعتبر كأنى لم ارك

وستكون قاتلى فى الحب قبل ما جرى

او تستكين وتنتظر ما افعله

وترى بأنى ساغتسل من ذنب عمرى بالدم

بدم القتيل متيمه .. واعود تلك التى عرفتها

فعشقتها .. بريئة مطهره

خاينين

كل ما بفتكر مواقف كويسه بينا وكلامنا ببتسم بسمه بتشق وجدانى
وتنتهى البسمه بدمعه خفيفه تمسح الذكرى دى من عينى عشان مفتكرهاش تانى
لأنى بفتكر ان احنا خلاص مجرد ذكريات لأصدقاء خاينين
على الرغم من انكم وحشتونى جدا .. مش هقدر اتمنى رجوعنا اصحاب تانى

دع كبريائك ....

دع كبريائك وانتظر فالوعد كما تدين تدان

سيزول اسمك من وجودى ....لن أسمح ابدا ان اهان

لست الملاك . او المعصوم من الخطايا . لست سوى انسان

لست سوى صورة بألبوم عشقى اشتاق اليها احيان

وبها .. وبها اذكر افعالك والقبك بالشيطان

لا تعجب من كلماتى فكم يشتاق الانس الى الشيطان

تغوينى ذكرى كلمات .. همسات .. قبلاتك والاحضان

دع كبريائك وانتظر ... سأريك العاب القدر

واريك كيف بقدرة الله انشق القمر

وهل هناك فى كونى اعلى من القمر ..؟

دع كبريائك وانتظر .. وسانتظر

يا من كنت مدينة للعشق تسكن كل اجزائى

سأتطهر منها واتوب .. وارجع عن كل اخطائى

سأعود لنفسى املكها .. واجمع حطامى واشلائى

لن اخضع ابدا للحب .... وسأجعل للداء دواء

وورود الشوق سأنثرها .......... وادوس عليها بحذائى

لن أخضع ابدا لكلماتٍ .. سأتحدى كل الاهوااء

دع كبريائك وانتظر يوماً تأتينى بأمنيات للقائى

دع كبريائك فالغرور سفينة الضعفاء

ليس القوى الذى .. يتعالى بكبره .. ان القوى الذى يواجه الاخطاء

دع كبريائك وانتظر سأريك كيف سأنتصر ...

دع كبريائك وانتظر وسأنتظر

المتحرحش الصغير

المتحرحش الصغير

والله ممكن محدش يصدقنى

انى اقول فى متحرحشين صغيرين انتشروا فى البلد زى الوباء

يعنى مثلا وانتى ماشيه فى الشارع يا اختى تلاقى متحرحش صغير مش باين من الارض

بيخبطك فى حته مش تمام يمسكك من مناطق مش هى

انتى تبصى وراكى مفيش حاجه غير خيال صغير فى اخر الشارع بيجرى

لتمسكيه

مره تانيه تكونى ماشيه كده لا بيكى ولا عليكى

تلاقى كبش فيكى عيل صغير مكلملش السبع سنين ويقولك الفاظ وحشه

الاول كانت ظاهره غريبه ولو حكيت لحد مكنش يصدق

بس دلوقت لو حكيت لبنت مثلا هتصوووت فى وشى وتقول يييييه

ببقى نفسى ادبحوا وادفنه مكانه بس لما يسألونى عمل ايه ابقى اقولهم ايه

ونبى هتكسف اقول .................

الغريب فى الحكايه دى ايه الى وصل العيال للكلام ده

الاطفال دول اكيد ليهم قدوة

او شافوا حد بيعمل كده .. اصل مثلا لو بيسرق هقول هيستفيد

لكن ايه الى هيستفاده عيل مكملش العشر سنين من انه يمسك بنت من منطقه مش هى

ولا يعمل معاها حركه مش كويسه ويجرى

امبارح الصبح بدرى ماشيه فى الشارع ومفيش فى الشارع غير عيلين صغيرين

المهم انا رايحه الكليه سمعت الولا بيقول لصاحبه ها انت هتعمل ايه

وبيبصلى جامد بصوت واطى انا سمعت

وقفت كده

قلتله ومصحف ربنا مهعلقك غير عالعمود ده

انت ابن مين يلا انت وهو

رد الاصغر فيهم قال انا مش ليا دعوه هو الى قاللى هنعمل كذا

انت فى المدرسه دى يلا

قاللى آه

تعالى انا هوديك للمدير بتاعك يتصرف معاك

انا بصراحه اتكسفت

بنت طيب ولو رحت اشتكيت هقول ايه

اكيد هتكسف

روح المردى ولو شفتك فى الشارع تانى هتعمل الحركه دى مع اى واحده هعرف اجيبك والله

ساعتها ما حد هيرحمك منى

روح كتك مصيبه تلمك

انا لو كان عمل حاجه كنت دفنته مكانه

انا عايزة افهم ايه الموضوع ده وازاى بقا منشور كده فى مجتمعنا

حتى العيال الصغيرين

نفسى افهم من ايه ده

طب العيل الصغير الى بيعمل كده من دلوقت لما يكبر شويه هيعمل ايه ؟؟؟؟

مذكرات بنت مصريه ( وماله الجواز التقليدى )

هتجوز جواز تقليدى !!!!

قالتها وهى بتصرخ قدام المرايا بعد تلت ساعات انعزال عن العالم الخارجى

والدموع ماليه عينيها .....

كل كلامها لنفسها عتاب وحزن وشجن

وكره لنفسها اكتر من كرهها لأى حد

أنا لعنه .... كلمه قالتها فى لحظة وداع لكل معنى حلو كان جوه قلبها

انا حبيت كام مره

واتحبيت كام مره

كل حب عدى فى حياتى بينتهى بخيانه

العيب فيا ولا فى الناس

اكتشف ان كل الى فات كدب ووهم والناس كدابين

وانا بتبقى كل احلامى بيت صغير وحلم اسره وحب دايم

وناس بتحب بعض بجد

كنت بوفى بكل ما فيا .... وكان عندى مرض الخجل

دايما اتكسف انى ابوح بزعلى .. واحساسى قدامهم

الناس يتكلموا وانا مردش ............. ليه عشان هما اقوى منى

ولا عشان شعورى انى لو اتكلمت ابقى خاينه سر حد باعنى ولازم اكون احسن واسكت

كام مره اتخان من اصحابى .. من قرايبى .. من حبايبى

من كل الى حوليا

لدرجه انى بقيت مبثقش فى اى حد حتى لو جه قدم عمره قدامى هدية رضا

الاولانى كان بينسى بيا بنت خالته

وحبيته عطف عشان كان صعبان عليا

رغم انى كنت عارفه ان ده غلط

ولمجرد انه نسيها سابنى

بس بعد ما كنت انا حبيت بضمير

والتانى بعد تلت سنين من الاولانى

وبعد محايله عليا لحد ما غصب عنى حبيته

سابنى وخطب واحده تانيه لأنه عايز واحده فرى

تخرج وتسهر وانا مش كده

المشكله يا ترى مين لعنه على التانى

مبادئى الى مش هغيرها

انى مش هتحول لحد غيرى يسهر ويخرج بره حدود الدين

ولا عواطفى الى مبقدرش اسيطر عليها فى حبى انى اساعد الناااااااااااااااس

وليه كل ما حد يحبنى ارفضه

اقوله سورى انا مش هرتبط دلوقت وبصراحه مش هقدر ارتبط بيك

يا ترى كده بجرح حد .... ولا بكون بكون صريحه ومش بخدع ولا بلاوع

مع انى لو لاوعت هتبقى مسكن والألم هينفجر فى اقرب فرصه

والجرح هيبقى اكبر

معرفش اجرح حد وصراحتى ممكن تكون عيب فيا

انا لعنه ........... ولا هما الى مش مقدريننى

الناس صح ولا انا

ماله الجواز التقليدى !!!!!!!!!!

قالت كل الهلوسه دى ورجعت

وقالت اجوز واحد مبحبوش ازاااااااااااااااااااااااااى

طب لما كده كده هتجوز جواز تقليدى

موافقتش على حد من البيحبنى ليه ؟؟؟؟؟؟؟؟

ده انا احرجت اكتر من 14 واحد

أكيد انا معقده تلت سنين عالحال ده رفض للحب رفض للارتباط رفض للجواز

خلااااااااااااااااص الحل انى مش هتجوز

بس انا قربت عال25 سنه

يعنى هيقولوا عليا ايه

عنست عشان طيبه

ولا عشان معقده

ولا عشان مبادءها الى مش هتغيرها

ماااااااااااااااااااله الجواز التقليدى !!!!!

بدأت تسقط فى الارض وهى فى حاله يرثى لها

وبدأت بكلام ساخر

هى المبادئ بتنفع حد كان ماله التانى ده عانى سنين عشان تحبيه

ايه يعنى لو كنتى خرجتى معاه ... واتفسحتى وقضيتو يومين

وانتى حبتيه برضه .. وحبتيه جامد

وضحيتى عشانه كتير

لااااااااااااا ... هو كمان كان لازم يحبنى بكل ما فيا ويتحمل

يتحملنى زى ما انا

كان يضحى عشانى مش يخوننننننننننننننننننننننننننننننننى ويجوز حد تانى

انتى غيرانه صح ؟؟؟ أنا انا اصلا مبكيتش عليه دمعه واحده

غير فى الاول ........ لكن لمجرد ما حسيت الكدب والمبررات الكدابه للخيانه نسيت

زعلت 3 ايام .. بعدين ولا كأنى عرفته

يبقى مكنتيش بتحبيه

اومال بتعيطى ليه ........... انتى مش فاهمه

انتى مراية غبيه قوى .... انا الى غلط ولا هما عايزة اعرف

انا ببكى على نفسى

وحالة الرفض الى عايشاها وقلة الثقه فى الناس كلهاااااااااااا

انا لازم اجرب بقا اطلع من الحاله الى انا فيها دى !!!!

قالتها بهدوء بس مبطلتش دموع

سمعت صوت عالباب

مين ثوانى مسحت الدموع ربطت شعرها رسمت ابتسامة قويه

زى كل مره ....

طلعت ايوه يا ماما ... حاضر جايه

دخلت الحمام خدت شاور وبعد ساعه رجعت قدام المرايه قالت

انا هعتبر انى غسلت نفسى من كل ده

واكيد ان مبادئى الى ربيتها جوايا انى عمرى ما اخون او اجرح او اخدع حد

ربنا عاينلى بيها عوض كبير قوى عنده

ولازم ارضى اهلى وربى عشان ربنا يرضينى

وانا مش لازم ازعل .... على كل الى حصل ( وعسى ان تكرهوا شيئا وهو خير لكم )

ودى كانت ملامح لصورة بنت مصريه فى مرحلة الاختيار

لسه عندها مبادئ

لسه عندها ايمان ان ربنا عوضه كبير

لسه عندها يقين

عايزة تبدلها ..... تبدل حياتها من شر لخير كبير

وان كانت تعترف بوجود خطأ فى حياتها

فان الانسان الذى لا يعترف بخطأه يظل طول عمره يخطئ

وقررت انها تحفظ كل المشاعر والحب الى فى قلبها للراجل الوحيد الى هيتجوزها

وكل الحنان والطيبه

حتى لو كانت هتجوز جواز تقليدى

انتشار ظاهرة العنف فى المدارس المصريه

انتشار ظاهرة العنف فى المدارس المصريه

كان هو ده الخبر الى سمعته الصبح على الجزيره

اسلام ضحية مدرس الرياضياااااااااات

مات عشان معملش الواجب

يا ريته كبير شويه عن 11 سنه

كنا قلنا هو والاستاذ ده اعداء

حسبى الله ونعم الوكيل

فى كل المش بيتقى الله

انا حسيت احساس غريب

فى اول وهله حسيت انى عايزة اعيط

واصرخ حرام البراءة دى تضيع

ده كله ايه عشان معملش الواجب

ينهار ابيض

شعور بالبرد امتلكنى

وحطيت نفسى مكان امه

يااااااااااااااااااااااااااه

لا بجد مقدرش اتحمل الموضوع ده

قعدت استنيت اسمع الخبر للأخر

جايبين محامى القاتل

يقول " هما غيروا القضيه لسياسه وقلبوها للرأى العام كقضيه تعليم

والموضوع اتفه وابسط من كده "

انا سمعت البوقين دول منه ومتحملتش

قتل روح بريئه طفل صغير موضوع تافه وبسيييييييييييييط

يلهووووووووووووووووووووووووووووووووووووى

بعد ما الخبر خلص دار فى ذهنى شريط تعليمى كله

من اولى ابتدائى لحد 3 ثانوى

افتكر وانا فى اولى ابتدائى كنت ضعيفه كده وقرموضه

وماما محفظانى من القرآن لحد سورة القارعه

المهم بما ان انا فى ازهر كان لازم اكون حافظه الجزء كامل

المهم جه علينا بقا سورة البينه

وجت الابله الشريره خيريه عشان تسمعلى

لقيتنى مش حافظه

بالعصايه وخبطتنى على دماغى اتعورت وراسى اتبهدلت دم

تتخيلو ان سورة البينه الوحيده الى فى القرآن بتلخبط فيها لحد دلوقت

ومن يومها اثر الخبطه باين فى جبهتى

ومن يومها وانا بكرهها ومبحبهاش

وده لأن الضرب مش بيجيب نتيجه غير البغض للمدرس والتعليم

افتكر كمان الاستاذ الى كان بعد ما اليوم الدراسى يخلص يفضل فى المعهد

هو والمدرسه بتاعت الانجليزى ويقولل للفراش سيبلى المفتاح هبقى اقفل

الى لما الواد اشرف ساله استاذ انا شفت حضرتك امبارح انت وأبله ....

وانا راجع من الدرس

ببراءة الاطفال كده والله

مسكه ضربه بالقلم على وشه وضرب العيال الى فى الفصل كلهم

حتى انا مسلمتش من شره

افتكر برضه لما الاستاذ لاقانى واقفه عالصبوره ومفيش مدرسين فى الفصل

ضربنى خمس عصيان على جسمى روحت البيت وارمه

كنت بكره المعهد بتاعنا قوى وقلت فى بوست قديم بتاع التاج كان نفسى اكون شيخ الازهر

عشان ارفد كل العاملين فى المعهد بتاعى واخلص منهم

واحد واحد

فى اعدادى بقا .. الابله المجنونه جريت ورا الطالبه من الدور الرابع لحد الدور الثانى جرى عشان تضربها

أخويا كل يوم بيصحى من النوم مش عايز يروح المدرسه اصل الابله ( سلوى الشريره ) ده لقب عيال اولى ابتدائى مدينهولها بكل فخر لها طبعا بتضربهم عشر عضيان للى يغلط فى الواجب

والابله المحترمه الى تدخل الفصل بكل ادب واخلاق على بنات فى اعدادى عند اختى التانيه تقولهم لفظ مشين

الراجل لو سمعه يتكسف دى اخلاق المدرسين الايامدى

تفتكرو

ده ايه الموجود ده .. ضرب وقتل وعنف والحاجات دى ليه

عشان ايه ... لما احنا نتربى على كده لما نبقى مدرسين مين هيكون لينا قدوة

يا ترى المدرس ( القاتل ) طلع كده

ما يمكن هو كمان كان ضحيه

وهو ده الى خلانى ابص للأمور من كل الجوانب

غياب القدوة الصالحه وسياسة ( الفلكة )

المتوارثه عبر اجيال من الزمان

محدش يقولى الشعب المصرى مبيجيش الا بكده

امتى الشعب المصرى هينسى ويكونله وقفه ويبقاله كرامه

انتو مستنيين ايه من الاجيال الجايه

اذا كان الطفل مش هيتحرك غير لما يتضرب لأنه اتعود على كده

ايه هيحركه لما يكبر

يا جماعه التعليم لازم نظامه يتغير فوقوا بقا

لامتى هنفضل كده ؟؟؟؟؟؟؟؟؟؟؟؟