كل سنه وانا طيبه

عيد ميلادى النهارده

كل سنه وانا طيبه

وعقبال الايام القليله او الكتيره ( الله اعلم بالاعمار) الى هعيشها

تكون فى طاعة ربنا واموت وهو راضى عنى

طبعا يوم غير عادى ومليئ بالمشاكسات والقضايا الساخنه فى حياتى

اولا : تخليص ورق ودفع مصاريف الكليه

وده خد منى وقت طووووووويل طوابير وكده

زى طوابير العيش

وفيه بكتشف ان كل يوم ذكرى لعيد ميلادى بحس بالنضج

والشعب المصرى بيثبتلى وجوده بالعشوائية وقلة العقل

والتصرف والتعامل اللا حضارى

وبحس انه جه دورى انى اغير بقا واحاول اعدل من السلوكيات دى

كل سنه يعنى بكبر شويه

ثانيا : رحت عشان اعمل اسره واسميها مشروع وطن

وطبعا مكنتش هلحق اعمل اى حاجه لأن آخر وقت لتكوين الاسره فى الجامعه يوم الاحد الجى

لقيت العسوله اسراء عوض الله

بتقولى انا كونت المجموعه عشان الروتين لكن الفعليين هما الى بيشتركو معايا

ظبطنا الحوار سوا

والاسره دى هدفها وطنى جدااااا

وملناش لا فى تيارات اخوانيه ولا افكار عدوانيه كل الى فيها تنميه بشريه

وتعليم استغلال الموارد واللا عشوائيه

ودى بداية خط السير قعدنا بتاع

ساعتين ونص نظبط الورق ده

ثالثا وانا رايحه البيت

الحياه فى الشوارع حلوة وتمام

بس

عارفين

عرفت اليوم ده

ازاى اعرف الناس بطبعهم الغيور الحقود

وان محدش يعرف قيمة حد غير لما يضيع منه

وان مفيش صداقه قصاد نول الربح

سواء مادى او معنوى

وعرفت ان الى يسلم ويسكت للبلطجه ينداس ويعيش صعلوك

واللى يبلطج ويرد عالبلطجه ببلطجه بيروح ضحيه

والدنيا سيد وعبد

يا ترى انت مين

السيد

ولا العبد

انا بقى بحمد ربنا انى معرفش حد من البشر

وفى ذكرى ميلادى بأعلى صوت انا بعبد ربنا

وسيدى ومولاى هو الله سبحانه وتعالى وحده

وكبريائى لا يكسره صديق او حبيب

او اى شخص مهما كان

وكل الى بشوفه كل يوم بيزود حماسى انى اصر على افكارى التنمويه للتغيير

من الحقد والغل الى فى قلوب الناس

وكل سنه وانا طيبه

وافك من الازمه النفسيه الى انا فيها

ادعولى محتاجه الدعوه والله

وادعوا كمان قوى لوالدة محاسن صاحبة مدونة

عايزة اتطلق و

لأنها تعبانه ربنا يشفيها ويعافيها

وتكون بصحه جيده

وتفرح محاسن بتحسن والدتها

يااااااااااااااااااااااارب

ام الولاااااااااا عبده

مساء الخير

انا جايه النهاردة من الكليه وطالعه زرابينى

ومخنوقه لأنه كان يوم ما لوش لازم ولا كان فى محاضرات ولا نيله

نقلونا مبنى تحت الانشاء مش يرضى الشحاتين يتتاووا فيه

مفيش مايك حتى الدكاتره مقريفين

ويقولوا الكلمتين ويطفشوا

قال والدكتورة داخله تقولى عايزين بحث

بحث ايه فى اليوم الى ممنوش لازمه ده

واحنا اصلا لسه مخدناش حاجه

ولا فاهمين حاجه

كان نفسى ادخل كده اقولهم وسعوا نفسى اقول للدكتوره كلمتين

وسع وسع وسع

" بلا نيله "

كتكم نيلة بليتوا البلد

واليوم طالب معايا عياط

ضيعوا منى وقت

وانتوا طبعا عارفين وقتى قد ايه يسوى دهب

من الاخر

وانا راكبة القطر رايحه الكلية يعنى الصبح

سمعت حكايه هى الى روقت دمى شويه

قال ايه

ام الولا عبده " فى يوم كانت ضيفه عند ناس فى المنوفيه "

المهم كان مفروض انها تطلع تنام عند قرايبها الى هناك

قعدوها فى البيت الى فوق

هى طلعت ولسه هتنام

بدأ فيلم الرعب

دخلت عليها واحده شعرها ابيض طوييييييييييييييييييييل

ام الولا عبده عرفت انهاااااااااااااااااااااا

انهاااااااااااااااااااا

انهااااااااااا

عفريته

ودور الضحك

مسكت ام عبده شعر العفريته ونزلت فيها ضررررررب

طااااااااااااااخ طييييييييييييييييخ طووووووووووووخ

وفى نص الفلم كل المستمعين ميتين من الضحك

ومحدش مصدق

يحلف عبده ان امه عملت كده فعلا فى العفريته

وبعد ما اديتها العلقه السخنه

قالت اعوذ بالله من الشطان الرجيم

العفريته اتحرقت قدامها

أم عبده طبعا جوزها كان بعتبرها زى اى زوجه

دلوقت ام عبده فى البيت اهم من اى حاجه

ام عبده ضد العفاريت

ههههههههههههههههههههههههههه

انا طبعا كل ما افتكر الموقف ده جوايا بموت من الضحك

ويمكن هو الى هون عليا ومخلانيش اعيط النهارده على وقتى الى ضاع ده

قال يعنى ورايا الديواااااااااان

انا بقا على مشارف ازمة نفسيه جامده

محتاجه اصحاب يا ناس اصحاب محسش بالخوف منهم

اصحاب مش عاديين زى الى كل يوم بشوفهم فى الكليه وبراها

عايزة ناس هاديه عينيهم طيبه زى عينيا

ناس يغيرونى يطمنونى ان الدنيا لسه بخير

لأنى بقيت بخاف اكتر من لاول

The Love In Islam

when i think about western people and their beliefs

and their vision of love that a practice of sex and comparing them to animals, which themselves are merely instinct

The Islam comes to

liberated animal instinctive and gave us our rights as human beings

Islam given us the right to marry our lovers but with legitimacy ties

safeguard the rights of both men and women alike

Allah

-taala- say in the holly Quran:( we created for you from yourselves pairs and made between you affection and mercy)

Love in life is not confined to men love women but love each other and in all aspects of life is necessary to live

Islam systems that love

and the relationships inside the family and outside it

but in the Western we find no Family

we will find Broken families resulting from the moral decay

we will find

Impiety parents

but in Islam

Allah-taala- say in holly Quran

(we ordered the human to treat his Parents good treatment)

Islam is not confined to this, but erasing the existence of selfishness and work to sow love among human beings

Unlike other communities revolution, Which built on selfishness and love of self

The Messenger of Allah, peace be upon him say " No one of you

Is even a believer until loves for his brother what he loves for himself"

This is Our Islam

Love Life

بركان غضب

لأول مره اشعر بهذا الكم الهائل من الغضب بداخلى

لا أعلم لماذا ولكن .. ربما لأنى لم اكن اتوقع اننى سأغضب بسبب هذا الموقف التافه

المشهد :

كل العائلة حولى ......

قطعا لا استطيع البكااااء ..

احاول تجاهل الموقف ..

واتظاهر بالفرح ....

وابتسامة تملأ وجهى ..

وبركان غضب ينفجر فى داخلى ..

وما ادراكم ما طعم الغضب ؟

تتشاكس الحروف داخلى ...

تتلاعن الكلمات .. وتؤنبنى نفسى

وأرد عليها .. ما ذنبى .. هذا قدر !!!!

انتهز فرصة خروجهم من الغرفه

اجلس وحدى .....

وتعصى دموعى ان تسيل ..وترفض ان تسقط على خدى

علّها تبرد النار التى اشعلها الغضب داخلى

افتح جهاز الكمبيوتر ... اشغل السى دى لأغانى ام كلثوم

التى لم اكن احبها مطلقا ... قبل ان اسمعها فى ذلك الميكروباص

منذ حوالى عامين ........

ولكن بعدها احببتها ..

وفتحت تلك الاغنيه التى شدنى عنوانها

" بـــــــعـــــــيد عــــــنك "

موسيقى طويله .. لكنها مريحة ...

بدأت فى الهدوووء .. كلما اكتب سطرا فى هذه الكلمات يهدأ خاطرى

وعندما اركز فى الاغنية اجد نفسى اقول كم كان سواق الميكروباص

" اذنه نظيفه " سمّيع

وله ذوق فى الاغنيات ...

ثم اتجول بخاطرى .. عندما تقول ام كلثوم

" بعيد عنك حياتى عذاب " بفكرى بعيداااااااااااااااا

هل سيكون هناك يوما أحب فيه رجل يستحق ان اهدى له كلمات مثل كلمات

هذه الاغنية الاكثر من رائعة ؟؟؟؟؟؟؟؟؟؟

ثم يثور فىّ الغضب ثانية .. فقد تذكرت انى لم أبدأ الدراسة بعد .... وهذا ما يؤرقنى

ويجعلنى دوما متوتره ... أريد ان ابدأ مشوار النجاح الذى اخترته .. وأتمناااااااه

علىّ ان اطفأ نار الثورة داخلى ... وقتل كلمة فشل من حياة البشريه ...

فأنا حتى الان فى نجاح مستمر فى حياتى العملية

أما حياتى الاخرى فقد أوشكت على الجنون

........ لست فااااااااااااشلة ...............

بل طموحه طموح كبير جدا فى مجتمع رجعى جبااااااااان

وتبدأ عيناى فى اسقاط دمعه واحده .. فقط

ثم تأخذنى كلمات الاغنية التى اسرتنى

" خد من عمرى عمرى كله الا ثوانى اشوفك فيهاااا "

وأسأل نفسى ... ترى أهناك من يستحق ان اعطيه العمر ... والحب ؟؟!!!

وتكون كل امنياتى ثوانى فى الحياة لرؤيته

وأقول لنفسى محااااااااااال ... فى ذلك الوقت ابداااا

ربما بعد سنتين .. ثلاث .. وربما لن يحدث ابدا

لأنى أحب الحب ... ولكنى خائفة منه

لا افكر الحين سوى فى نجاحى

اهتم بالترحال فى مدن التفوق

احلم باسمى على مرأى ومسمع منهم جميعااااااا

لأول مره فى التاريخ اجتماع مدونى الشرقيه

طبعا كل سنه وانتم طيبين

وبعوده علينا الايام بخير

وييجى علينا العيد الجى واقصانا محرر

وعراقنا حر .. واسلامنا مرفوع رايته فى كل مكان

عسى الله ان يجعلنا من خير جنوده فى الارض

وينفع بنا الدنيا ويجعل كل اعمالنا صالحه

انا جايه النهارده وكان نفسى البوست الى قبل كده يكون اعلى المدونه دايما

لكن اكيد هتقروه كويس وتحسوا بيه

بدعوكم النهارده .. لحضور اول اجتماع لمدونى الشرقيه فى التاااااريخ

ايه ده حقيقى ...!!!

معقول .. بتوع الزجازيج تطوروا كده

ايوا والله ... اجتماع لمدونى الشرقيه

وطبعا الاجتماع مش قاصر على مدونى الشرقيه بس لالالالا

الدعوه عامه لكل مدونى مصر يعنى يشرفونا

الاجتماع ده ان شاء الله يوم الاحد 5 اكتــــــــوبر

يعنى قبل ذكرى نصر اكتوبر المجيد بيوم

وعشان منعطلش حد وعشان برضوا اللى هيجو من بعيد يروحوا بدرى هيكون الاجتماع الساعه 4

اقولكم تعالوا التفاصيل بتاعتنا هنااااااااااااا

هتشرفونا طبعا محدش يكسفنا ...

عاااااااااااااااااااااااااااااااااايزة أصرخ وبصوت عالى

طبعا مستغربين ليه عايزة اصرخ

بين ايدين مدونتى البدائية دى اللى كل ما فيها رومانسى حالم

كل ما فيها أمل باشراق شمس جديده شمس تنور كل العالم بالعلم والامان

والسلام ............

كل ما أفكر فى اللى بيحصل بتجنن وانا بقرأ المقال ده http://anhri.net/tunisia/makal/2008/pr0907.shtmlكنت ببكى من شدة الهول

والألم الى جوايا ... حسيت انى عايزة العالم كله يسمعنى

يشوف العالم قد ايه احنا بنتهان دى صرخة بنات تونس

دى صرخة كان لازم كلنا نسمعها ..... صرخة كلنا نصرخها

صرخة اطلقت من لجنة الدفاع عن المحجبات بتونس

الصرخه الى جوايا بتقول .......................... >>>> :

مفيش عيد واسلامنا بينهاااااااااار ... مفيش عيد ورسولنا بيتهان

مفيش عيد والمعتقدات الفاسدة بتنتشر بين الشباب

مفييييييش عيد وحياتنا كلها معرضه للتعفن والسقوط فى بئر اللا وعى

مفيش عيد .. وبناتنا فى تونس مجبرين عشان يدرسوا انهم يتخلوا عن الحجاب

فى دوله عربيه اسلاميه .... يااااه هى دى الحرية الى بيتكلموا عنها

تتخلى بنتك عن العفاف عشان تدرس ... دانت مش مسلم ده مش قانون

ده مش دستور .. ده ظلم

ده عدوان ... ده فساد فى الارض

احنا مين .. ليه ساكتين ..دورنا ايه

احنا علينا حرب .. حرب بارده بيشنوها علينا عشان ننتهى

بداية من الخونه المنافقين الى زرعوهم وسطينا لحد

الى معتقدين ان ليهم حق انهم يسموا معتقدهم الفاسد دين

البهائيييييييييين ... سامعين الكلمة دى

شايفينها ... غريبه للإنسان الطبيعى الى مش عايش طبعا غير فى زحمة الهموم الى شايلها على اكتافه وشايفها

فى الشارع ... ويروح بيته نفسه يلاقى لقمه تكفيه لحد بكره هو وعياله

طبعا مش يعرف معناها لكن بالنسبه للأوساط التانيه مألوفه للشباب

المتفرغ .......... لل ( توهان )

الى مش لاقى حاجه تساهيه ... الشباب الفاضى

لو سمع الكلمه هيتنحلها .. وفضوله ياخده يسمعها ويفهم معناها

وطبعا اعداءنا اعداء الاسلام والمسيحيه

همهم ايه غير انهم يبعدونا عن الاصل فى حياتنا

يدوناطعم نسهى فيه

احنا فين من ده كله

طبعا .... نازلين النهارده فسحه نعمل شوبنج

ولا سهرة حلوة وقرشين حشيش

طبعا هو ده الكلام المألوف

فمش هيبقى غريب يعنى عندهم مش هتبقى حاجه جديدة البهائية

ولا العلائية ولا حاجه جديدة ... بكره تطلع يسموها التفاهيه

نفسى تحسوا بصوت الصرخةجوايا

وانا بقول انقذوا حياتنا من الدمار

من المخربين

انطقوا معايا بصوت عالى لا للبهائية

لا لأعداء الحجاب ... لا لأعداء العرب

لا لأعداء التحضر

طبعا هما واهمينكوا ان التحضر يعنى انت لابس عالموضه وبتتكلم فانكى ولا لأ

واهمينكوا بأن التحضر مرحب بحرية الرأى عشان يسبوا الاديان

مرحب بايه تانى ؟؟؟؟

يا جماعه عايزين نفوق

مفيشششششششششششششششششش عييييييييييييييييييد واقصانا أسير

مفيش عيد ... وافغانستان محتله

مفيش عيد والفتنه فى العراق وصلت حد الشوارع غارقه فى دماء المسلمين

احنا الى بايدينا نغير بأفواههنا نرفض

احنا المتحضرين بالدين والعقيده الصحيحه

هو ده التحضر

الرفض لما يلقى بعفافنا الى بئر الرذيله

الرفض لمجتمعنا ان يقع بين فكى ذئب جائع يريد ان يتنهك حراماتنا

يريد ان يلقى بما يتبقى منا فى سلة القاذورات

فينكم يا مسلمين اصحوا ..........

رسولنا بيتهان .... وهما بعتينلنا بانوراما دراما

واخدين بالكم الا ما فيها اذان بيأذن وقت الصلاه

عشان يلهونا طول النهار

أخواتنا قصاد تعليمهم لازم يقلعوا ثوب العفاف

فى تونس ..والمغرب العربى

واحنابيبعتولنا بهائيين نلتهى فيهم

اخواتنا فى فلسطين بيسحقوا .. واحنا لسه قدام جهاز كمبيوتر

بنقول ياللا

طيب ما دمنا هنقول ياللا

ياللا ..... ياللا

نبدأ نحرر دمنا .. وأراضينا وعقولنا

وأفكارنا وقلوبنا

يا ترى دلوقت حسيتوا بصرختىىىىىىىى

احنا اولادك يا مصر

مصر هى بيتنا مكان حياتنا

بايدينا ممكن نعملها ترميم فى مناطق الشرخ

طب ايه رأيكم نبدأ على نضافه

انا بفكر بحماس شبابى زى كل المصريين

الى نفسهم يبنوا بلدهم ويشوفوها زى اجمل بلد فى العالم واحسن

ايه رأيكم نبدأ احنا .. احنا مش صغيرين

كنت زمان بفكر ازاى يطلع صوتى والناس تسمعنى

امتى اكون بنى ءادم له فايده فى المجتمع امتى أكون اسره

اسميها ( احنا اولادك يا مصر )

مش الحكومه وحدها هى المسؤله عن الحاجات الى بتحصل الحكومه

دى نص المعادله .. يعنى احنا لو ساعدناها عمرها ما هترفض

ايه رأيكم نبدأ بأنفسنا الاول

يعنى بدال ما نتواكل ونقول الحكومه الحكومه

عملنا ايه احنا عشان الحكومه تتحرك

مش معنى كده ان كل حاجه بتبقى صح منها

لكن احنا برضه علينا جزء كبير وواجب لازم نقوم بيه

انا هفكركم بأمثلة بسيطة وهطرح عليكم الموضوع والمشكله وندى لنسفنا المهله

الكبيرة لجمع الاقتراحات ومفيش مانع لو نشرناها فى جريده رسميه

وده الحكومه هتشجعه مش هترفضه

هفكركم مثلا بالتعليم الى احنا جزء منه يعنى بمعنى اصح

كنا تلاميذ وكبرنا بقينا طلبه

كم مشكله قابلتك وانت طالب نفسك تحلها

انا عن نفسى هتكلم عن جزء من المشكله بتاعتى وهى

المدرسين ......المرحله دى عدت من زمان

بس كانوا بيغيظونى جدا وكارهه التعليم المصرى بسببهم بصراحه مبسوطة فيهم بموضوع امتحان الكادر ده

يعنى لما نروح الفصل نلاقى المدرس مبيشرحش (مع العلم انه بياخد فلوس من الدوله مقابل عمله كمدرس ) يعنى بياخد فلوس مش من حقه لو كنا حطيناها فى مستشفى او هبه لمريض كانت هتبقى اولى

كوباية الشاى واطلع يبنى اكتبلى الدرس عالصبورة وخلى خطك حلو

حد يا عيال يقوم يقرا الدرس

وآآآآآه لو الموجه فى زيارة للمدرسة

المدرس : عيال الى هسمع نفسو هموته هعلقه عالحيطة دى

تعالى ياد يا عبقرينو انت فى الاول عشان الموجه لما يدخل يسألك

وبسرعه تلاقى المدرس من دول ماسك الطباشيره وعمال يكتب الدرس وتنسيق ايه

وجمال فى الخط ايه عشان لما الموجه يدخل يعرف يقرا

اول ما الموجه يدخل

تلاقى علبة الشوكولاته طلعت جمب الصبورة تعالى يا عبقرينو حل المسأله دى

اول ما يحلها عبقرينو شاطر يا حبيبى خد الشوكلاتايه دى

شفت النظام يا سيادة الموجه كل التلاميذ مجتهدين

الموجه بسم الله ما شاء الله

وهوبا يطلع الدفتربتاع الموجه وجمبة كوباية الشاى والصندوتش

الى طبعا جايبهوله المدرس بتاعنا حبيبنا

ويديله تقرير فى التمام

وادى التعليم فى بلدنا والمشكله ان اللى بيتعلموا دول لازم يلاقولهم قدوة

لازم يلاقوا تربية صح

تعليم صح مش بناء عالغش والخداع و( الحلبنتيشى )

تفتكروا بلدنا كده هتتقدم ولا هيطلع نموذج من تحت ايد الاستاذ بتاعنا

انيل منه

مهو بصراحه فاقد الشئ لايعطيه

تفتكروا نعمل ايه عشان استاذنا ميكونش نموذج لأساتذة المستقبل ؟؟؟

الصداقه .. عوضنا على الله فيها

احيانا لما بفكر فى الاصدقاء ببكى
يمكن عشان مفيش اصدقاااء
هتقولولى ازاى .. هقولكم انى انا الصديقه وبس
وعشان ملقتش حد بيوفى وطيب زييى
بقولكم مفيش صداقه
الصداقه مش بس اتنين او تلاته او عشرة متفقين فى حجات
واحده .. لا الصداقه تجمع بين اى اتنين فى ظروف غامضة
بين مجموعه فى طريق صدفه مش مترتبه هقابل مين وهصاحب مين فى اليوم الفلانى
انا عن نفسى مبعرفش اصاحب حد فكره نفس فكرى .. لأننا بنبقى زى
الاقطاب المتشابهه للمغناطيس دايما فى تنافر
انا عايزة صديقه تحركنى تدينى افكار مفكرتش فيها تقولى لا
تقولى اه .. مش دايما موافقانى صح وغلط
عايزة صديقه يكون بينا حوار .. نديره احنا الاتنين مش واحده
تفتح الحوار والتانيه تأمن
عارفين احساسى ايه لما باجى انقى الصديقه
يمكن محدش فاهمنى فى حياتى كده
انا عايزة بنت تكون صحبتى بجد تنكشنى
وصعب اقول تكون عقربه
هتتفهم غلط
لا مش عقربه يعنى مؤذيه لالالا
عايزة من بتوع برج العقرب
انا عامة مش بعترف بالابراج بس لما لقيت الصفات وقريت عنها
عجبتنى جدا
عايزه انا وهى نكون دويتو مختلف عن اى صداقه
مفتقدة للصداقه قوى .. يمكن لأنهم بيحسوا ان عقلى مسابق سنى
واحيانا بيقولوا عليا مغامره
بس ابدا هى حياتى اسمها التجربه
لازم اجرب الشئ الى يفيدنى بنفسى مش معنى كده
انى اروح اشرب سم واقول اشوف هموت ولا لأ
لا اجرب فى حدود العقل عشان اتعلم من تجربتى
عايزة مجموعه فوق العادى
عايزة صداقه مش عاديه
عايزة بنات لماحين اذكياء
يمكن ده الى مش لاقياه ولا انا فى مكان مش سامحلى انى الاقيهم
يمكن عشان التعليم فى المنطقه الى انا فيها محدود
او مواهب مكبوته وناس مستخبيه مش بتشوف بعض
ولا يمكن عشان انا مبخرجش من البيت الا للضرورة
معرفش
عامة حياة الجامعه جايه واتمنى انى الاقى الى بدور عليه

لسنا سوى بشر

لسنا ملائكة حتى تكون طاعتنا فطرة فينا

نحن بشر .. نفكر ونقرر .. نجاهد ونستسلم

نبحث عن انسانيتنا فى الدين

فمن منا يستطيع ان يعيش بلا هوية دينيه

لا أحد .......... سوى من اصمهم الله واعمى ابصارهم

نحن بشر .. لنا عاطفه .. تأخذنا الى ما لا نهوى ولا نستطيع تحمله

رغم اشتياقنا اليه .........!!!!!!!

لنا امنيات بلقاء الاحبه

واحلام ببناء صرح الحياة السعيدة معهم

ربما يكون عجلة منا بأن نحكم بأن سعادتنا بحب هؤلاء

( فلو علمنا الغيب لاخترنا الواقع )

اعلم ان الدين له قيود

فنحن نحلم واحلامنا تتخطى حدوده

ونقف ها هنا عاجزين عن فعل شئ فكل المستقبل وتحقيق الاحلام بيد العليم القدير

فحبنا قدر .. ولقاؤنا قدر

كل حياتنا قدر .... ربما نغفل عن حدود حريتنا الواسعه فى هذا الدين الجميل

فأنا كل احلامى فى الحياة كإنسانه لا يتعارض مع الدين

لأنى اريد كل شئ برضا الله

ولكنى اسال نفسى لماذا احرم من اشياء كثيره قادره على امتلاكها

كالحب .. والغنى .. والشهره

وهذا تفكير كثير من البشر

اعرف انها قيود الدين .. اختبارات الإله على التحكم بالنفس وجهادها

وبالمقابل .. ثواب الاخره

فها هناك من يصبر .. وينتظر

هناك الكثيرون .......... واسال نفسى هل استطيع ان اصبر واحتمل

ولم لا ألست من المؤمنين ؟؟

وتجادلنى نفسى الامارة بالسوء

ولم نعم ؟

ليس اعتراض على القدر الذى لم يجمع الاحبه

ولكن شوق الانسان للانسان

شوق من الاعماق يجتاحنى .. يجعلنى ابكى

وحتى لو قررت فك قيود الدين والتحلل منه

وكانت هذه الفرقة اراده المولى عز وجل فلن استطيع فعل شئ

فلن استطيع ان اكون مع الأحبه

ولم اتعجل الحرام وربما لو لم اتعجله لجاءنى بالحلال

روى عن على ابن ابى طالب رضى الله عنه

انه أوقف فرسة مرةً عند باب مسجد وقبل ان يدخل ليصلى استأمن احد الواقفين

عند الباب على فرسه وعلى السرج الذى عليه .. فطمع الرجل المستأمن على الفرس

وسرق سرج الفرس وهرب الى السوق وباعه هناك ....

ولما خرج على ابن ابى طالب رضى الله عنه من المسجد لم يجد الرجل ولا السرج

فذهب الى السوق ليشترى سرجًا اخر .. حتى يستطيع ركوب الفرس

وقد ادهشه ان وجد سرج فرسه معروض للبيع فى السوق

فقال لصاحب الدكان بكم تبيعه ..؟؟؟

- فقال البائع : بعشرة دراهم

قال على وبكم باعك السرج من أحضره لك ...؟؟؟

- قال البائع : بخمسة دراهم

فاشترى على كرم الله وجهه السرج وقال : سبحان الله

لقد كنت انوى ان ادفع للرجل السارق خمسة دراهم

عند خروجى من المسجد لقاء امانته

لكنه استعجل رزقه وسرق السرج وباعه

ولو لم يستعجل رزقه بالحرام لأخذه بالحلال ....!!!

سبحان الله ,,خلق الانسان عجولا

اثرت فىّ هذه القصه كثيرا وذكرتنى بفكر كل الشباب

الذين يفكرون فى التحلل من كل شئ مقابل السعاده الزائفه

ولو فكروا فيما رزقهم الله تعالى به وحرم غيرهم منه

لعلموا ان تفكيرهم قاصر

احدث نفسى قبل ان اتحدث مع غيرى

كلنا بشر نخطأ ونفكر فى الصحيح والخطأ فى الصواب والخير والشر

نعصى ونتوب

وتفكرنا فى ايات الله ونعمه عباده

اوقفتنى ايه فى سورة الاسراء قوله تعالى ( ويدع الانسان بالشر دعاءه بالخير وكان الانسان عجولا )

وافكر بها

ولم لم يجيب الله دعائى ودعاء الاخرين واجدنى ارد على نفسى

الله يحبنى ويحب عباده يعطيهم الخير وهم لا يعلمون انه الخير

وربما يدعون بما يضرهم وليس ما ينفعهم

البشر يتعجلون

وانا من البشر ربما اتعجل قدر ليس لى خير فيه !!!

واتمنى رضا الله ... واريد الاحبه

وابكى من قلبى على كل متناقضات الحياه التى ربما تراها عيناى متناقضات

ولكنها اشياء متجانسه

ولكنى لا علم لى

فالعلم عند العليم القدير

كل ما سأقوله ( يــــــــــــــــــــــاااااااااااااااااارب )

ما خاب ولا سقط فى بحر الغوايه من كان فى جنباتك

فأسألك ان تجعلنى من اهلك ( اهل الجنه )

انا واحبتى وان لم تجمعنى بهم فى العاجله

فاجمعنى بهم فى الاخره

رمضان أحلى

اولا كل سنه وانتم طيبين بمناسبة رمضااااااااااااااااااااان

وبعوده الأيام علينا ويجعلنا م عواده

هنتكلم عن رمضان وعوايده والغلطات الى بنقع فيها كلللللللللنا

زمان وانا صغيره كنت بحب رمضان ده قوى وطول عمرى بصومه من وانا

فى 2 ابتدائى كنت بحب استنى نتجمع كلنا على الطبلية الى بتجمع اسره

او لما نفرش فى بيت جدو الارض كلها على مفارش الاكل وتتلم العيله الخيلان والاعمام

والخالات والعمات واجوازهم وعيالهم وانواع الاكل الحلو الى بايدين الناس الى نفسهم فى الطبيخ

يجوعك وانت فى بلد تانيه

دى احلى ميزة فى رمضان انو بيدى فرصه للاهل يتجمعوا والناس يتجمعوا

سواء فى البيوت او موائد الرحمن او حتى الافطار الجماعى

مش زى الايام العاديه الى بيرجع من الشغل جعان بيدخل ياكل لواحده مش بيشوفوا بعض غير يوم الجمعه صدف

كنت بحب الفانوس ابو شمعه الى عامل زى الفانوس السحرى وطول عمرى كنت بحلم يطلعلى منه العفريت

زى اسماعيل ياسين

عشان اقوله نفسى فى فلوس كتير خااااااااااااااااااالص عشان اخلى كل الناس الى مش معاهم فلوس مبسوطين

كنت بحب رمضان والجرى واللعب فى الشارع طول النهار عشان اسلى صيامى وامى تندهنى اصلى معاها فى البيت

وقت الصلاه واقولها جعانه يا ماما

تقولى البنوته الحلوة تصوم عشان ربنا يحبها ويجيبلها فى الجنه كل الى نفسها فيه

وانزل العب عشان اقدر اكمل صيام اليوم

وفى مره سألت ماما هو ليه ربنا فرض علينا الصوم

قالتلى عشان يشوف هنسمع كلامه ولا لأ

وكمان عشان نحس بالناس الفقرا والمساكين الى مش بيلاقوا ياكلوا طول النهار

ونحمد ربنا عالى اداهولنا

كنت بحب رمضااااااااااان عشان صلاة التراويح بالمسجد

وصلاة التراويح الى عشقتها وعشقت الوقفه فى الصيدليه الى بوش الجامع بعد صلاة التراويح

عشان اسمع خطبة الاخوان الدينيه الروعه

واشوف الرجال والنساء وهما طالعين من الصلاة

الرجال الى سيماهم على وجوههم من اثر السجود

اللحية والجلباب الابيض

والعيون التى تغض البصر .. ناس اتوسم فيهم الصلاح

والنساء المنتقبات والى شكلهم جميل عليهم رضا ربنا

ولا اختلاط

عمرى نفسى اتجوز واحد مربى لحيته ويغض بصره مش حياء لا ايمان بالله

ونفسى لما اتجوز ابقى الست المنتقبه الى ملهاش خلطه بحد غير زوجها تبقى متعته ويكون متعتها

بحب فى رمضان الزينه .. واتسابق انا واصحابى فى كام مرة ختمنا فيها القرآن

بحب رمضان وانا صغيرة مع الناس بتوع زمان

اما الناس بتوع دلوقت خلاص

كل همهم يقضوا اليوم نوووووم ويصحوا على ادان المغرب مفيش لمه فى البيت

مفيش احساس بالصيام

مفيش صلوات خمس وقيام ليل

ببقى نفسى اصرخ فى الناس اصحوا فوقوا ( اقتربت الساعة وانشق القمر )

والبنات الى كل يوم بنشوفهم فى اليام العاديه قالعين ومش لابسين غير البرمودات لما يشوفوا واحده لابسه

العباية يستغربوا وكأن العبايه والاحترام هو الشاذ فى مجتمعنا دلوقت

ويقولوا بنظرة استغراب !!! هو رمضان جه

وكأن الالتزام مينفعش غير فى رمضان

نفسى يبقى رمضان زى رمضان زمان بطعم زمان

بشكل زمان بالناس بتوع دلوقت

نفسى الناس تبقى شغوفه على التفكر فى المصحف وتحصيل الحسنات

التخلص من التدخين والعادات الغلط فى الشهر ده

رمضان بتاع زمان كان احلى ما فيه مسلسل واحد الناس بتسمعه

دلوقت كأن رمضان جى عشان المسلسلات

الناس مش بتستنى رمضان غير عشان الكام الف مسلسل

الى هيتعرضوا لهو ولعب على القنوات الفضائية والارضيه العربيه

وكأن رمضان مش للعباده

ببكى من جوايا وبتحصر عاللى فى عالمنا الاسلامى

امتى بقى هنرجع لديننا امتى نعيش رمضان صح

امتا نعيش بجد

براءة × لماضة

وانا صغيرة كنت بريئة خالص

زى الصورة الحلوة دى

وكنت بلبس فساتين شيك

وكانت ماما بتحب تلبسنى اللون اللبنى

وكان عندى فستان جميل

فاكراه بنص كم

ونازل زى الفراشه وفيه خطين ابيض من الستان

وعليه فيونكه جميلة

ولما كبرت شويه بقيت لماضه هانم

كنت الصغيره بتاعت العيلة

كان ولاد خالتى بيحبونى خالص

وكنت انزل العب معاهم فى المدخل

بتاع العمارة

وكان صاحب العمارة

راجل كبير فى السن كنا بنقوله عم الحج

كنا لما نطلع صوت واحنا بنلعب ينزل يزعقلنا

ويكسر اللمبه عشان منلعبش فى المدخل

وكنا نزعق بصوت عالى فى الشارع

_ اخس عليك يا عم الحج !!!!!!!

كان ليا اصحاب كتير خااالص

بس كلهم اكبر منى بكتير يعنى اولاد خالتى واصحابهم

وكانوا بيسمونى ( كالابالا )

كنت شقيه خالص وكنت فى مره عيانه


وماما علطول بتدينى الدوا ( المضاد الحيوى )


كان لونه احمر وردى


ماما يا دوب رايحه تشوف مين عالباب وترجع


واسيابنى نايمة فى هدوء ورعاية الله


رجعت لاقيتنى شاربه الدوا وبدحك


ماما صوتت وخدتنى عالدكتور

عملولى غسيل معده
هههههههههههههههههههههههه


وانا فى براءة الاطفال
استنووووونى يتبع ,............>>>>

تقول عنى " مراهقة "

لا تقل لى ارجعى عما برأسك... فلن اتخلى عن قرارى
سأتركك وحدك هنا .... سأترك عمرى وحبى ودارى
سأقتل كل ما تبقى من أمل .سيكون هجر الدنيا اختيارى
تقول انى فى الهوى مراهقة ..........!!!!!!!!!
ورب العرش كان حبك اختيــــــــــــــــــــــــــــــارى
أريد ان احيا بعيدا عن البشر
أحب الهدوء وشط البحار ورمل الصحارى
فإن قلت انى مجنونة .. ففخرى الجنون وكل انتصارى
دعنى ادندن عليك .. القصيده .. باسم الحبيب الاول
تركت النعيم وصرت الشريدة . فكنت المجنونة بالهوى
تخليت عنى واسمك حبيبى ...!!!
وأرادوا ان يزعوا منى ثوب الطفوله
هذه هى الدنيا أما انا ... أحبك بريئة .. أحبك عفيفة
لماذا علىّ أن ارضى ببعدك ................؟؟؟؟
لأنك أكبر منى كثيرا .. عام .. عامين .. خمس
وإن كان الف عام .. وألجأ لقلبك ان يحتوينى
أتتركنى اعانى ؟؟؟؟
أم تريدنى أن اذهب لشراء ثوب جديد من سوق الغوانى؟
حبيبى اسمعنى .. أحب فستاااااااااااااااااااانى
أحب ألواانى .. احب الضفائر
أحب الاكل فى تلك الاوانى ..
تقولى أنى ما زلت طفله ..
ان كنت سأنجو من بركان الدنيا بطفولتى
سأظل طفله مدى عمرى
فكن لى أمى " الحنونه "
وكن أبى " الذى يرعانى "
كثيرا وددت أن اقول استمع لى ...
هذى الحياة ليست لأجلى ....
يريدون الواقع وأريد الخيال
لن أرضى بواقعهم محال ..
أريد البقاء بوسط الرمال
إن كان هذا لا يجبرنى ان اذهب لسوق الغوانى
حبيبى اسمعنى .. أحب فستانى
فإن كان على البقاء وحدى .. وان كنت ستتخلى عنى
وان كنت ستتركنى اعانى
حــــــــبـــيــبـــى اســـــــمـــــح لــــى
بتكسير أقلامى
بنسيان احلامى
اســـــــــمح لـــــــى حبيبى بتوديع ألوانى
اســـــــمح لــــــــى بخلع فستانى
وسأضع قلبى معه فى صندوق احلامى
وسأذهب لشراء ثوب جديد
ولكن ................
ليس من سوق الغوانى
سأشترى قلبا جديدا من حجر
لا يقهر لا يكسر لا يبقى من اجل بشر
وثوبا جديدا من نور .. كضوء القمر
ليعرفنى الجميع .. ويقولون
مــــــــات الحب ...مــــــات القلب
( وانتصر الحجر )
........................................
سأنسى حبيبى حلم حياتى
أم وطفل وأب حنون
دنيا جميلة (ألف وباء )
وبيت صغير يضمنا
سأنسى نفسى من اجلك انت
فلن اقبل ان اعيش لسواك
وان نعتنى بالمراهقه
فعمر وقلب وروح وحب المراهقة
سيموت لينسى حبك .. لينسى جفاك
فلست مجبرة أن اعيش لسواك
ولماذا علىّ أن ارضى ببعدك ..؟
سأنسى الحقيقة ... سأنسى الخيال
وأبقى وحيدة .. أرجو احتمال
ربما تشتاق لى
وقتها ستعيد انت لى فستانى
وأقلامى وأحلامى
وتحقق لى كل الامانى ببيت صغير
وأم وطفل وأب حنون
أحبك حبيبى لأقصى الجنون
ولكن سأرحل لأرضيك دوما
ربما اصل للرشد فى عينيك يوما
وتعرف ان الرشد ايضا بحبك
او تنسى أن حبى مجرد أحلام " مراهقة "

...................................
لا تقل لى ارجعى عما برأسك
فلست مجبرة ان اعيش بدونك
ولما علىّ أن اعيش بدونك ..؟؟
لن أتخلى عن قرارى ....
رحيل قريب وسفر طويل
حبيبى سيكون رضاك هدف مشوارى

زهقت (ابدأ بنفسك)

انا زهقت وانت زهقت وانتى زهقتى
مفيش جديد كل يوم زى كل يوم
ايه بيتغير .؟
العالم كل يوم فى جديد واحنا لسه واقفين زى ما احنا مش فكرنا نطلع فوق نبص عملوا ايه
ولا ننزل تحت نشوفهم لسه تحت ليه ..عايزين نعلى ونطلع فوق ومكسلين ندور على السلم
مستنيين اسانسير يطلعنا بالكهربا
ولو الى فوق مش كانوا وصلوا لفكرة عمله مكناش لقيناه


وبنسأل العيب على مين يمكن مش فينا لوحدنا بس فينا اكبر جزء لأن التغيير بيبدأ مننا
بمبدأ (ابدأ بنفسك) لو عايز هتعمل
اشمعنا لما تكون عايز تقابل البنت بتعتك بتهرب من اصحابك بكل الحجج ممكن تسيب البيت لأبوك وتطفش عشان عايز تقابلها وكمان انت لو عايز توصل هتعمل اى حاجه عشان انت عاوز
مش هنقول دى حاجه ودى حاجه المبدأ مش بيتجزأ
ايه وصل ( زويل ) للى هو فيه من احترم الناس ليه بعلمه؟؟
انه حب يبقى زويل مش حب يكون واحد تانى كان عايز يبقى نفسه
واحنا كلنا عايزين غيرنا مكاننا
نفسى اغير واتغير اشارك واتشارك احب واتحب الدنيا
(مفاعله) يعنى فعل ورد فعل
مشاركه .... انا وانت
اوك هتبدأ بنفسك هتعيش صح هتبعد عن الغلط هتبنى حلمك
هتختار شريكة حياتك صح هى هتكون بعيده عن الغلط بتعيش صح بنت حلمها
هنبنى اسره كويسه مفيده
اطفال مش معقدين نفسيا .. اطفال عارفين هما موجودين فى الحياه ليه
عشان يفهموا الدنيا صح .. الدنيا اخد وعطى هتديها مش هتحرمك هتبنيها مش هتهدك
بس لو جريت وراها بفهلوة هتوقعك وهتهدك وهتعفرك بتراب ومش هتوصل لحاجه
وتعد تندب انا ليه مش زى فلان ....... انا ليه ربنا مش خلقنى كده
ومدورتش فلان عمل ايه عشان يبقى كده ليه ابو فلان مش زى ابويا ؟؟ابوك عمل ايه عشان يوصل
انا نفسى فى كذا عملت ايه عشان توصل لكذا ؟؟
وبنقول تعليم فى تدهور افكار رجعيه غباء بالفول والطعمية
انا تعبت من الاذان فى مالطه كتير موافقيننى فى كلامى بس مين بدأ
انا عن نفسى بدأت وممكن اساعد كل واحد يبدأ
نفسى أكون مجموعه
عندها طموح (احنا شباب المستقبل ) مش هنفكر التفكير المتهور الى يغرق المركب
احنا هنفكر ازاى نخلى بلدنا اجمل واحسن وفى تقدم دايم
بمبدأ ( ابدأ بنفسك )
حملة بعلنها من هنا من جهاز كمبيوتر صغير فى بيت متواضع
يمكن مليان مشاكل .. بايد لسه عايزة تتعب بدماغ تعبت تفكير فى بكره
وازاى تخليه احلى ...
نفسى ابقى أم لطفل من اول خمس سنين فى عمره حافظ قرآن
يطلع يتعلم قراية وكتابه ياخد فرصته انه يعلى بنفسه

هنبدأ من هنا ,,,,,,,,,,,,.......>>>>
من اول الخط لأخره والى عايز يشاركنى رأيى ويقدم افكاره ولو له منصب او مال
او قدرات أو أفكار او انسان بسيط عنده طموح يقدر يساعدنا
لأن كل شئ فى الدنيا بيبدأ بفكره حتى الانسان نفسه فكره فى دماغ ابوه وامه
بعدين اتحققت

ايه رأيكم نخلى بكره احلى
..........................................
وهبدأ اول مراحل برنامج (ابدأ بنفسك )
مع اول ايميل يجيلى ويقولى انا معاكى

ايميلى للتواصل asmaa.shams@yahoo.com

امضاء بنت الشمس